2 Samuel 14:16 - Dios Iwene

¹⁶ Isabenö wene chujuna̧li̧ a̧ja̧kwö, ötjönö chö̧jibinö pjaatena, balekwa mikwa kwabö lobo̧ma chitji̧nö kwabö loapji jö̧ba̧lö, ötjöbi chitji̧bi bakobe Dios iyinemi nijitjö debö di̧'yapji jö̧ba̧lö. –Jobekwö chomukwatijatö chuluwo̧,

2 Samuel 14:16 Referans Kwoze

1 Samuel 26:19

Chuluwo̧, ötjönö kwa̧ja̧kwobö atebakwö, ötjö kwömöayo̧ yöta̧li̧ kwa̧ja̧kwobö ateba. Isabenö Jo̧ Diosda ötjönö kwöpöjödobö weatjö̧ma, jo̧banö iyawa chiyobö jȩna, ötjönö ödameakwi̧ kaatakwawobö. Jo̧kwaijayonö jojodöda ötjönö kwölabobö ja̧tjatjö̧ma, Isabenö Jo̧ jobadönö lȩebobö jo̧be. Jau, ötjönö kwölabobö ja̧badöma sulabenö ötjönö a'dewö lotjobe, Duluwo̧ Isabenö Jo̧ iyinemi nijitjöma, ja̧danö ötjönö wetjobe, –Isabenö Jo̧nö ösödökönö, ju'wedö tjösödawö̧nöda ösödö kwö̧jo,–jö̧ba̧lö.

Deuteronomio 32:9

Ja̧danö, jejenö 'da̧batö junajo̧, Isabenö Jo̧ma iteda ömöledö batjibakwedönöbi 'da̧batö ujuninobe, ökwödö israel jojodönö 'da̧batö ujuninobe, iteda ömöledö dö̧jobö.

2 Samuel 14:15

Jau chuluwo̧ la'aka luwo̧, jojodö chitji̧nö kwabö lotjobö tjomukwati̧tjö̧, yetabijatö, ja̧danö yebabinö ja̧nö chomukwatijatö, –La'aka luwo̧ Davidnö atebocha, pjaatobö, ja̧danö lȩlöinö editjö̧ma, ötjö ömöayuju atebi̧danö pjaatena.

2 Samuel 20:19

Ökwödöma isabenö israel jojodötjö otiwadösa, duluwedö wetji̧ otiwanö a̧ja̧kwadösa, ja̧danö ökwödöma israel jojodö otiwanö tjo̧mukwatawö̧ comunidad jojodösa. Jo̧kwajabetjö̧, tajawedö ditebo comunidad, Isabenö Jo̧ Diosda dö̧jobö iyina comunidad söbebö loköbobö jö̧ka̧lobeda? —jö̧ba̧lö abebö ja̧ja̧kwinobe.

Proverbios 16:10

Ja̧danö, ju'wibi yötawa: Inesö la'aka luwo̧ma, Dios öibökwema jweinö omukwato̧, Diosma jo̧banö öibobetjö̧. Jobekwö Dios öibökwe inesö la'aka luwo̧ma lȩekwa yöawena jweinöda omukwatö yöbawo̧, Diosma jo̧banö öibobetjö̧.