2 Samuel 13:3 - Dios Iwene

³ Ja̧danö, Amnon ömöledötjö bakwo̧ ö̧jinobe, Jonadab mikwo̧. Jo̧ba Jonadabma, David öpöe Sima mikwo̧ itji̧, ja̧danö jwiinö waisina Jonadabma, iteda ösödi̧ jawa badekwachinö ja̧i̧ma.

2 Samuel 13:3 Referans Kwoze

1 Samuel 16:9

Ikenama itji̧ Sama mikwo̧ öbaledobö weinobe, jo̧kwaijayonö jo̧banöbi, —Isabenö Jo̧ omudawö ujunökökwe, —jö̧ba̧lö yöawinobe.

1 Corintios 3:19

Jau chömöledö, böjȩ jojodö Aaa, biya̧ma waisakwawa ji̧ jö̧ba̧lö tjomukwati̧ma, Dios edemi waisakwawa jwii̧ jawaobe. Baikwö laebobe Dios iwene: Diosma böjȩtjö waisadönö ja̧bo̧, waisanö tjomukwati̧ma 'daliwa baibanö, jö̧ba̧lö laebobe.

Santiago 3:15

Isabenö bakwo̧ ju'wedönö o̧'wo̧ luwo̧nö sulabenö edö, ja̧danö, ö'wiawö edö, ja̧danö, iteda ösödi̧da omukwatö, Ötjödasa, jö̧ba̧lö, omukwato̧ma Dios öibökökwe. Jo̧bama Awetjada öibökwe, jelobekwö sulabenö omukwatinö öibökwema. Waisanö omukwatö̧kö̧. Ja̧danö, böjȩ jawa ösödadö tjomukwati̧da omukwato̧, Diosnö wajwibadö tjomukwati̧danö.

Proverbios 19:6

Ja̧danö, ju'wibi yötawa: Jojodö ba̧jȩkwadöma luwo̧ ö̧jobekwö ichö pjaatobö abeba̧ladö. Isabenö, okobe deinö tjösödobe pjabatö iyo̧nöma.

2 Samuel 14:2

Jo̧kwajabetjö̧ weinobe, Tecoa comunidadtjö bajwuju waisuju jichobö. Ja̧danö, ichibajunö weinobe, —Tjö̧möledö wotjiawö̧ budekwadödanö kwichejekwinö ja̧bi, budekwadö 'dutjawa̧do̧ 'dubawö. Ja̧danö, budekwuju, jömöledö debö tji̧'yioko lekwe möle budekwuju kwichejekwi̧nö, omewasobu dubawökönö ja̧nö,

2 Samuel 13:32

Jo̧kwaijayonö, David öpöe Sima itji̧ Jonadabma yöawinobe Davidnö, —La'aka chuluwo̧, omukwatökönui, okobe deinö kwi̧tji̧munö kwabö lotjajabe jö̧ba̧löma, sule bakwo̧nöda kwabö lotjajena, Amnonnöda. Jau chuluwo̧, öjawuju Tamarnö 'da̧bö ujuluwinemi möletjö baikwö bajalenö, balekwa mikwa Amnonnö kwabö loobö omukwatö ujuninobe Absalonma, jo̧kwajabetjö̧ babema Amnonnö kwabö lotjajabe.

Jueces 14:20

Ja̧danö, jejenö le'dedibö ȩwa̧jiökwe, Sanson öjabama itjijunö weinobe, ba'ali junadötjö bakwo̧ ilekwo bajibanö, ajayinö ba'ali junö, —Sanson ömöledösa, —jö̧ba̧lö ba'ali junadötjö bakwo̧nö.

Génesis 38:20

Jemi ikenama Judáma webijetö ömöledöso̧, Adulam comunidad jojonö Tamar jö̧jobekwö i̧'yobö̧, a̧jwi̧mu chi̧wo̧ möayo̧nö e'ewö iyö. Ja̧danö abebijetö, jobujunö chiyaja̧ma seyu, jayu nöawasopja, chotokwa'o emibö kwichejebo, jö̧ba̧lö. Jejenö weökwe 'ya̧jo̧ma jobe ichibö isakwemi debijotö jobujuma, Judá ö̧jajokoma.

Génesis 38:1

Ja̧danö, Josénö tjiyaja̧ tupakwö, José öpöedötjö bakwo̧, Judáma öpöedö tjö̧jelö, mö'ösa'iju jelöma yutubö Adulam comunidadbe 'yi̧jetö, jelo̧ Hira mikwo̧ ejunö ö̧jobö.

Génesis 3:1

Ja̧danö, Isabenö Jo̧ Dios tebonö ju̧kwadö otidinawö̧tjö o̧penönö waisinama a̧ko'da. Jo̧ba a̧ko'dama omöna yöa̧lakwawa waisina, jojodö jo̧ba omöna yöa̧li̧ tjösadakobetjö̧. Ju'wi möle jo̧bama abebö a̧ja̧kwijetö isujunö: —Diosma isabenö batjo okobe jwiinö towibiyanö wa̧ji̧ma kukwaduwoko jö̧ba̧lö ¿weinaji̧?— abebö a̧ja̧kwoko:

1 Samuel 16:11

Ikenama Samuelma Isainö abebö a̧ja̧kwinobe, —Jelo̧bi deobeji̧? okobe deinö kwitji̧mu ömadöma bai tjö̧jobeji̧? —jö̧ba̧lö. Aebökwe, —Ina bajaliya jojo deobe, jo̧bama obejadönö teada̧lö ö̧jobe, —jö̧ba̧lö atadinobe Isaima. Yöa̧lökwe, —Jo̧banö tjichejebobö webi, bamatö dukwökakobe, jo̧babi bai ichibenanö kabatö, —jö̧ba̧lö weinobe Samuelma.

2 Samuel 13:4

Ja̧danö, ju'wi möle Jonadabma Amnonnö abebö a̧ja̧kwinobe, —Amnon, tajawedö yȩayitenia kwo̧'wo tjo̧achö kwö̧jobeda? Ökwöma inesö la'aka luwo̧ itji̧köba, tajawedö kwo̧'wo tjo̧achobö, yöbawitjö, —jö̧ba̧lö. Abebö a̧ja̧kwökwe, Amnonma atadinobe, —Chöjawo̧ Absalon öjawujunö chösöda, Tamarkwö chö̧jowe jö̧ba̧lö, ja̧danö jobujukwö chö̧jakwa̧ wayobetjö̧, cho̧'wo tjo̧acha, —jö̧ba̧lö atadinobe.

2 Samuel 21:21

Jo̧bama israel jojodönö obö, juluwöködöja jö̧ba̧lö obö yöa̧linobe, ja̧danö jejenö oiökwe, David öpöe Sima itji̧ Jonatan mikwo̧ma, jo̧banö kwabö loinobe.

1 Crónicas 2:13

Ja̧danö Isai itji̧mu ömadöma bidö: Abönö pöema, Eliab mikwo̧, ikena jojo Abinadab mikwo̧, ikena jojo Simea mikwo̧,

1 Crónicas 27:32

David ömöledöso̧, abe'do öjawo̧ Jonatan mikwo̧ma, okwa jawa waisanö omukwato̧ ö̧jinobe, ja̧danö baledi̧ jawa wȩyukwa otido̧ ö̧jinobe, ja̧danö Jonatanma la'aka luwo̧ Davidnö pjaatinobe, waisanö omukwatobö. Hacmonita jojo Jehiel mikwo̧ma, la'aka luwo̧ David itji̧munö ba̧ja̧dakwawa luwo̧ ö̧jinobe.