2 Samuel 13:24 - Dios Iwene

²⁴ La'aka luwo̧ David öba a'o ichibö, Absalonma aebinobe baikwö: —Chuluwo̧ chabe'do, babema chömöayedö chajimu obejadö tjöwö'ye 'witjobe. Jo̧kwajabetjö̧ ökwö la'aka chuluwo̧nö cha̧debobö jö̧ta̧la, ökwöbi, kwömöayedötjö luwedöbi ötjökwö kwichaduwobö, bakobe ja̧ 'wiawa ba'ali dujunobö, —jö̧ba̧lö aebinobe Absalonma.

2 Samuel 13:24 Referans Kwoze

Génesis 38:12

Ja̧danö, ju'wi möle, lekwe möle baledinena Judá ilekwo, Súa itjijuma wobijotö. Judáma ilekwo wojaiökwe o̧'wo̧ tjo̧ekwi̧ söawena ömöayedönö, a̧jwi̧mu o̧bȩja̧dö tjöwö'ye 'wibadönö edö 'yi̧jetö. Ja̧danö, ömöledöso̧ Hira mikwo̧, Adulam comunidad jojokwö 'yi̧jetö.

1 Samuel 25:7

Ötjö Davidma cha̧ja̧kwajabe, babe kwa̧jwi̧mu obejadö tjöwö'ye 'wibö kwotidobe kwömöayedökwö jö̧ba̧lö. Ja̧danö, baikwö isabenö yötawakwö, belö kwömöayedö obejadönö teada̧ladöma dö̧'da̧de ja̧nö otiwanö wene jwiinö tjö̧jinobe. Jobadönö suli̧ waedökönö, otiwanö jobadönö diteada̧lijatö, tjiteada̧lonö ja'yubebi kwa̧jwi̧mu deapji jö̧ba̧lö, dö̧'da̧de Carmeltjö tjö̧jayima.

2 Samuel 13:23

Jemi ikenama, dötölataja o̧biya baledaja̧ ikenama, baikwö baledinobe: Absalon ömöayedöma, Absalon ajwimu obejadö tjöwö'ye 'wibö tjotidinobe, Baal Jazortjö, Efrain niji yöneawinö. Ja̧danö, ja̧ 'wiawa ba'ali tjujunenama, Absalonma okobe deinö la'aka luwo̧ David i̧tji̧mu ömadönö a̧debinobe, ichö jo̧bakwö ba'ali tjukwobö.

2 Samuel 13:25

Aebökwe, la'aka luwo̧ Davidma atadinobe, —Ja̧maökö chitji̧, okobe deinö di̧'yobö jwiobe, dö̧ba̧jȩkwobe, ja̧danö okobe deinö di̧'yitjö̧ma, ömökobedanö ichejekwena, —jö̧ba̧lö atadinobe. Ichobö aeba̧lijayonö, öpöjödinobe, jo̧kwaijayonö yöa̧linobe, —Chi̧'yököjayonö Diosnö ateba otiwanö kwo̧'woduwi ösöwanö ja̧ ba'ali kwukwaduwobö, —jö̧ba̧lö.