2 Samuel 13:23 - Dios Iwene

²³ Jemi ikenama, dötölataja o̧biya baledaja̧ ikenama, baikwö baledinobe: Absalon ömöayedöma, Absalon ajwimu obejadö tjöwö'ye 'wibö tjotidinobe, Baal Jazortjö, Efrain niji yöneawinö. Ja̧danö, ja̧ 'wiawa ba'ali tjujunenama, Absalonma okobe deinö la'aka luwo̧ David i̧tji̧mu ömadönö a̧debinobe, ichö jo̧bakwö ba'ali tjukwobö.

2 Samuel 13:23 Referans Kwoze

1 Samuel 25:4

Ja̧danö, jobe jojodö deobe ja̧nö, Davidma a̧ja̧kwinobe, Nabalma ajwimu tjöwö'ye Carmeltjö 'wibö otido̧, jö̧ba̧lö.

2 Reyes 3:4

Moab niji la'aka luwo̧ Mesa mikwo̧ma, obejadönö ajwikwö ö̧jinobe, ja̧danö Israel niji la'aka luwo̧ ömöayo̧ ö̧jobetjö̧, o̧bakwena obejadö tji̧tji̧munö cien milbedönö iyobö ji̧nobe, ja̧danö obejadö ömadö cien milbedö tjöwö'yebi iyobö ji̧nobe.

1 Reyes 1:25

Jobekwö yöka̧lajobedanö, kwitji̧ Adoniasma Enroguelbe i̧'yajabe, ja̧danö jobetjö ba̧jȩkwadö pakayadönöbi, obejadönöbi, ju'wedö o̧tewadönöbi kwabö juwö iyajabe, ja̧danö okobe deinö ökwö duluwo̧ itji̧munöbi, ölakwabikwawadö tjuluwedönöbi, ö'weje pjabato̧ Abiatarnöbi a̧debajabe. Ja̧danö jejenö a̧dabajawö̧, jo̧ba öba a'o kwanöbi, owöbi ba'ali tjujunobe, ja̧danö jo̧banö yötja̧lobe, –Lekwe möle Adonias duluwo̧ ö̧jobö dösöda, –jö̧ba̧lö.

1 Reyes 1:19

Jau, ba̧jȩkwadö pakayadönöbi, obejadönöbi, ju'wedö o̧tewadönöbi kwabö juwö iyajabe, ja̧danö okobe deinö ju'wedö ökwö inesö la'aka luwo̧ kwitji̧munö ba'ali tjujunobö a̧debajabe, ja̧danö ö'weje pjabato̧ Abiatarnöbi, ölakwabikwawa jojodö la'aka tjuluwo̧ Joabnöbi a̧debajabe, ichö tjukwobö. Jo̧kwaijayonö, ju'wedönö a̧debijayonö kwömöayo̧ kwitji̧ Salomonnö a̧debökötö, ichö jobadökwö ba'ali ujunoböma.

1 Reyes 1:9

Jemi ikenama, Enroguel comunidad yöneawinö ji̧nawa Zojelet ötjabawa inawatjö, Adoniasma pakayadönöbi, obejadönöbi ju'wedö o̧tewadönöbi kwabö juwö Diosnö iyinobe, otiwanö inesö la'aka luwo̧ babibo̧sa, jö̧ba̧lö. Jadanö, öja̧wo̧dö ju'wedö David itji̧munöbi, David ömöayedö Judasaso jojodötjö la'aka luwedönöbi a̧debinobe, la'aka luwo̧ baibi̧ jawa ba'ali jo̧bakwö tjukwobö,

1 Samuel 25:36

Ja̧danö, jejube Nabal ö̧jobekwö jȩwa̧bijenama Abigailma jilekwenö jöbadekwajinobe, ba'ali juno̧nö. Inesö la'aka luwedö tjujuni̧jaye ba'ali ujuninobe, ja̧danö o̧'wo ösöwanö jwiinö 'dukwachökwe ö̧jinobe. Jo̧kwajabetjö̧, 'dukwachökwe ö̧jioko, Abigailma jo̧banö yöjawinokokobe baledaja̧ma, ikena möle dewachenanö kabatö.

1 Samuel 25:7

Ötjö Davidma cha̧ja̧kwajabe, babe kwa̧jwi̧mu obejadö tjöwö'ye 'wibö kwotidobe kwömöayedökwö jö̧ba̧lö. Ja̧danö, baikwö isabenö yötawakwö, belö kwömöayedö obejadönö teada̧ladöma dö̧'da̧de ja̧nö otiwanö wene jwiinö tjö̧jinobe. Jobadönö suli̧ waedökönö, otiwanö jobadönö diteada̧lijatö, tjiteada̧lonö ja'yubebi kwa̧jwi̧mu deapji jö̧ba̧lö, dö̧'da̧de Carmeltjö tjö̧jayima.

1 Samuel 25:2

Ja̧danö jobe Maon comunidadnö bakwo̧ ö̧jinobe, yöne comunidad Carmeltjö niji junalo̧. Jo̧bama nöinö juna̧lo̧ ö̧jinobe, a̧jwi̧munö ba̧jȩkwadönö ujuna̧linobe, obejadötjö tres mil jenanö, ja̧danö chivodötjö mil jenanö. Ja̧danö, ja̧ möle jo̧bama ömöayedökwö a̧jwi̧mu obejadö tjöwö'ye 'wibö otidö ö̧jinobe, Carmel comunidadtjö.

2 Samuel 13:24

La'aka luwo̧ David öba a'o ichibö, Absalonma aebinobe baikwö: —Chuluwo̧ chabe'do, babema chömöayedö chajimu obejadö tjöwö'ye 'witjobe. Jo̧kwajabetjö̧ ökwö la'aka chuluwo̧nö cha̧debobö jö̧ta̧la, ökwöbi, kwömöayedötjö luwedöbi ötjökwö kwichaduwobö, bakobe ja̧ 'wiawa ba'ali dujunobö, —jö̧ba̧lö aebinobe Absalonma.

Génesis 31:19

Jo̧kwaijayonö ajayinö ina jelö labeibö tjȩwa̧ja̧pjii, Padan-aramnö ina tjö̧jena baikwö baledijetö: Raquelma jabe'do Labán, iteda a̧jwi̧mu o̧bȩja̧dö tjöwö'ye 'wibö i̧'yajabe okobe, jo̧ba ejube tebachibö naukwijotö jabe'do o̧'wo̧ öwa̧na̧lawö̧nö, tjotidinawö̧nöma. Ja̧danö, ju'wedö wajwitjonö naukwijotö, e'ewö jȩwa̧ja̧kwawö̧nö.