2 Samuel 13:20 - Dios Iwene

²⁰ Jejenö ja̧jiökwe, jöpöe Absalonma abebö a̧ja̧kwinobe, —Chöjawuju, kwöpöe Amnonma ökwönö 'da̧bö ujuluwaji̧? Jo̧bama kwöpöeobetjö̧, baledaja̧ yöbawökönui, ja̧danö baledaja̧ omukwatöma kwo̧'wo tjo̧acha chöjawuju, —jö̧ba̧lö. Ja̧danö jemi tupakwö jöpöe Absalon ejunö jö̧jinobe Tamarma, jwiinö o̧'wo tjo̧achuju.

2 Samuel 13:20 Referans Kwoze

Romanos 12:19

Chömöledö, ju'wedö ökwödönö sulabenö ja̧tjenama, balekwa mikwa yelösöda ja̧bökönaduwi sulabenöma. Diosda sulabenö ja̧badönö lȩbebo̧ chömöledö, ökwödömaökö. Baikwö laebobe Dios iwenema: Duluwo̧ma baikwö yöawobe: Ötjödasa balekwa mikwa lȩbebo̧ma, ötjöda lȩtebocha jojodö sulabenö ja̧tji̧ mikwa, jö̧ba̧lö laebobe Dios iwenema.

Proverbios 26:24

Ja̧danö, ju'wibi yötawa, wanedö: Bakwo̧ jelo̧nö jwiinö öpöjödijayonö öwawinö i̧sebökönö, wamenö, omöna ösödö yöba̧lo̧ jo̧banöma. Isabenö, o̧'wo̧ sulinö edö omöna yöba̧lo̧ öpöjödökwenö, jo̧banö sulabenö ja̧akwa̧ o̧'wo̧nö omukwatö junö.

Génesis 46:15

Jobadö Jacob i̧tji̧mu, Rubén, Simeón, Leví, Judá, Isacar, Zabulón Leatjö i̧tji̧muma, Padan-aramnö ja̧nö 'yaebinawö̧. Itjijunöbi 'yabebijetö Jacobma Leatjö, Dina mikwujunö. Ja̧danö okobe deinö Jacob, Leatjö itji̧mu, ö'dö̧dö treinta y tresnö.

Génesis 34:2

Ja̧danö, Dina kwejachobe edijetö heteo jojo Shequem mikwo̧, jobe la'aka luwo̧ Hamor itji̧. Jobujunö edö, Isunö 'da̧towe, jö̧ba̧lö 'ya̧wibö jobujunö wo̧batö ja̧bijetö, jobujuma jwiinö jöpöjödonö.

2 Samuel 13:19

Ja̧danö, jo̧'wo tjo̧achö, ja̧do̧ ödöado̧ kȩ'ekwö lojinobe Tamarma, ja̧danö ökwölaso̧pja̧ juunö jöwaninobe, ja̧danö juu do̧ba̧lakwawö, labinö budekwiabö jȩwa̧jinobe.

2 Samuel 13:21

La'aka luwo̧ Davidma baledaja̧ wene a̧ja̧kwinobe, ja̧danö a̧ja̧kwö nöinö ödameakwinobe.

2 Samuel 14:24

Jo̧kwaijayonö, Jerusalenbe tjichibenama, öba a'o Absalon ichibobö weinokobe Davidma, —Wainö, iteda ejunö ö̧jobö jo̧be, chöba a'o ichibobö jwibo̧, —jö̧ba̧lö. Jo̧kwajabetjö̧, iteda ejunö ö̧jinobe, ja̧danö la'aka luwo̧ David öba a'o ichibinokobe.