2 Samuel 12:16 - Dios Iwene

¹⁶ Jejenö balediökwe, Davidma Diosnö aebinobe itji̧nö, ja̧danö Diosnö abebö, u̧kwa ö̧tö̧chö, yö̧te baledibanö nijinöda ö̧binobe, Diosnö abebö.

2 Samuel 12:16 Referans Kwoze

2 Samuel 13:31

Yötjawökwe, la'aka luwo̧ Davidma a̧la̧ibö, o̧'wo tjo̧achö ökamiji̧do̧ kȩ'ekwö loinobe, ja̧danö nijakwö mebö öbamatjinobe, o̧'wo tjo̧achö. Ja̧danö okobe deinö jobe ju̧kwadö David ömöayedöbi tjo̧'wo tjo̧achö tjökamiji̧do̧ tji̧kȩ'ekwinobe.

Hechos 9:9

Ikenama Sauloma wa̧pötakwa möle jenanö öbajale tjewawinö ji̧jetö. U̧kwabi kwijökötö, ja̧ wa̧pötakwa möle jenanö.

Isaías 22:12

—Inesö la'aka luwo̧, Isabenö Jo̧ Okobe Jwiinö Juluwo̧ Diosma sulabenö kwomukwataduwi̧ kabatibö, kwöbalewachaduwobö webo̧, ja̧danö o̧'wo tjo̧achö, kwubudekwaduwobö webo̧, ja̧danö kwuuduwi jwobawö, kamiji̧do̧ epju̧yunö kaluka̧ado̧ 'dukawaduwobö webo̧, –Dios öba a'ötjö sulabenö ja̧dinobetjö̧ o̧'wo tjo̧achadösa, –jö̧ba̧lö.

1 Reyes 21:27

Elias Dios yöawi̧ yöawiökwe, o̧'wo tjo̧ekwinobe Acabma. A̧ja̧kwajo̧, ökamiji̧do̧ kȩ'ekwö loinobe, ja̧danö kamiji̧do̧ epju̧yunö kalukaa̧do̧ 'dubawö, u̧kwa kwökönö ö̧tö̧chö ö̧jinobe. Yöte abenabi kamijido̧ epju̧yunö kalukaa̧do̧ 'dubawö abinobe, ja̧danö kweachenama, o̧'wo tjo̧achö kweachinobe, —Isabenö Dios öba a'otjö sulabenö ja̧binasa, —jö̧ba̧lö.

2 Samuel 12:22

Atjebökwe labebö lobö atadinobe, —Tjemu ina 'yaa̧layi, ö̧töchö Diosnö abebö chubudekwijatö, baikwö omukwatö: Cho̧'wo tjo̧achö atebitjö̧ma, Isabenö Jo̧ma a̧ja̧kwö, lȩlöinö edö pjaatena, chitji̧ debö i̧'yapji jö̧ba̧lö.

Isaías 26:16

Duluwo̧ Isabenö Jo̧, ökwödö Juda jojodönö lȩkebiawö̧, usula demawijatö, jadanö usula emawö ökwönö disakwijatö. Jwiinö usula emawö, tjo'omanö sewoba̧löda adebobö ji̧nobe duluwo̧, lȩkebawö̧ ökwönö bajaliyanö disakwenama.

2 Samuel 12:15

Ikenama, yöbawajo̧, Natanma ȩwa̧jinobe. Jemi ikenama Isabenö Jo̧ma weinobe, David itji̧, Urias ilekwo jeminökwema nöinö ö'wöchobö.

Daniel 6:18

Ja̧danö, kabatajo̧, La'aka luwo̧ Daríoma iteda ejube ȩwa̧jinobe. Ja̧danö, ja̧ yö̧te baledibanö Daríoma kwakwawa kwökönö ö̧töchö ö̧jinobe, ja̧danö o̧'wo̧ ösöwachibobö pjabatadö tjichobö weinokobe, Danielnö omukwatö. Ja̧danö, Danielnö omukwatö, bö̧ti̧ jwiinö yö̧te baledibanö abökönö ö̧jinobe Daríoma.

Josué 7:6

Ikenama, jejenö balediawö̧, Josuebi, ju'wedö israel jojodötjö luwedöbi jwiinö o̧'wo tjo̧achö tjökamiji̧do̧ kȩ'ekwö lotjinobe, ja̧danö Isabenö Jo̧ iteapjo öba a'o tjöba nijakwö tjöbamatinobe, ja̧danö jobe tjö̧binobe, yi̧ibena baibanö. Ju'wibi, nijiso̧pja tjuunö tjöwaninobe, jwiinö do̧'wo tjo̧bekwadösa jö̧ba̧lö.

Daniel 9:3

Jejenö iwȩyudina yöba̧lajo̧, chuluwo̧ Isabenö Jo̧ Diosnö budekwö atebijatö ökwödönö pjaatobö. Ja̧danö cho̧'wo̧ tjo̧achi̧ma Dios öba a'otjö öwawakobetjö̧, chu̧kwa ö̧töchö, kamijido̧ epju̧yunö kalukaa̧do̧ 'dubawö, ökwölaso̧pja̧nö ba̧nö atebijatö, isabenö chömöledö Israel jojodönö o̧'wo̧ tjo̧acho̧sa jö̧ba̧lö.