2 Samuel 12:15 - Dios Iwene

¹⁵ Ikenama, yöbawajo̧, Natanma ȩwa̧jinobe. Jemi ikenama Isabenö Jo̧ma weinobe, David itji̧, Urias ilekwo jeminökwema nöinö ö'wöchobö.

2 Samuel 12:15 Referans Kwoze

1 Samuel 25:38

Ikenama, domulataja möle jenanö baledaja̧ ikenama, Diosma yemidanö Nabal ö'wöchinö weinobe, ja̧danö debö i̧'yinobe Nabalma.

Hechos 12:23

Ikenama omönanö Duluwo̧ weajökwe ángelma Dios ujulunö isȩbö ja̧ijetö Herodesnö wi̧ba̧'dö̧ nöinö tja̧jinö, ukwa'wo 'ye'yeachibanö. Herodesma, jojodönö jwebeba̧lö yöa̧lokobetjö̧, Ötjöma Diosbö̧kö̧sa, jö̧ba̧lö, Diosnöda ösödaduwi, jö̧ba̧lö, jejenö baledijetö, wi̧ba̧'dö̧ tja̧jinö Herodes ukwa'wonö. Ikenama ju'wi möle, lekwokobetjö, Herodesma ö'wö babibijetö, ukwa'wo wiba'dö̧ nöinö tja̧jobetjö̧.

2 Reyes 15:5

Ja̧danö, webö ö̧jemi ja'ötjö, Isabenö Jo̧ma weinobe, la'aka luwo̧ Uzias lepratjö 'dö̧achobö, ja̧danö jemi tupakwö ö'wö baibenanö kabatö, lepratjö 'dö̧achinobe Uziasma. Ja̧danö, lepratjö 'dö̧achobetjö̧, jeleju wainö jȩjunö ö̧jobö ji̧nobe. Jo̧kwajabetjö̧, Uzias ina la'aka luwo̧ ö̧jijayonö, itji̧ Jotam mikwo̧da la'aka luwedö ja̧jitjejunö ja̧nö, jobe ju̧kwadönöbi, ju'wedö Juda jojodönöbi webö ö̧jinobe.

1 Samuel 26:10

Isabenö yötawakwö, Isabenö Jo̧ yaba̧lo̧ ö̧ji̧ wene ji̧danö, baikwö isabenö yötawakwö, la'akatjöda Dios omudawö ujuninökwenö suli̧ chöwaedobö jwiakobe. Isabenö Jo̧ ösöditjö̧ma, jo̧bada Saulnö lȩbebö kwabö loena, ja̧danö pöe waekwö ö'wö baibena, ja̧danö öpöjojodökwö ölakwabikwawö debö i̧'yena. Jo̧kwaijayonö, la'akatjöda ötjö jo̧banö suli̧ chöwaedobö jwiakobe, Saulma Diosda omudawö ujuninökweobetjö̧. Jo̧banö kwabö lobökönö, baikwö ja̧do, Saul uu ö'öbö jö̧te otokwöte demo, ja̧danö itea ojwiyosa̧pja̧bi demo, ja̧danö emajadö dȩwa̧jo, —jö̧ba̧lö yöa̧linobe Davidma ömöayo̧ Abisainö.

Deuteronomio 32:39

Jo̧kwaijayonö, a̧la̧ibö pjatjatokobetjö̧, babe ötjönö edö kwöwaisaduwobö jo̧be, isabenö ötjödasa Diosbo̧ma, jelo̧ ötjödajayo̧ma deobe, jö̧ba̧lö. Jau, kwabö lotoböbi juluwo̧sa, ja̧danö ja̧kwawa tjujuna̧lobö pjabato̧sa. Ja̧danö inia tötjinö kwatobö juluwo̧sa, ja̧danö kwakwatjaja̧ niemi otidö lotoböbi juluwo̧sa. Jau, isabenö jwiinö juluwo̧sa, ja̧danö ju'wedönö lȩtebenama, bakwo̧bi deobe, lȩtȩbi̧tjö tjö̧jibanö pjabato̧ma.

2 Samuel 12:14

Jo̧kwaijayonö, sulabenö ja̧köbinama, Isabenö Jo̧ Dios öpöjojodö sulabenö jo̧banö yötja̧lobö ja̧köbajabetija David, jo̧kwajabetjö Dios lȩebakwa̧ baikwö yötawakwö, kwitji̧ Betsabe jeminökwema isabenö ö'wö baibakobe, —jö̧ba̧lö yöawinobe Natanma, Davidnö.

2 Samuel 12:16

Jejenö balediökwe, Davidma Diosnö aebinobe itji̧nö, ja̧danö Diosnö abebö, u̧kwa ö̧tö̧chö, yö̧te baledibanö nijinöda ö̧binobe, Diosnö abebö.