2 Samuel 11:26 - Dios Iwene

²⁶ Urias ilekwo Betsabe mikwuju jilekwe ö'wö baibina wene ja̧ja̧kwenama, jilekwenö jubudekwinobe.

2 Samuel 11:26 Referans Kwoze

2 Samuel 14:2

Jo̧kwajabetjö̧ weinobe, Tecoa comunidadtjö bajwuju waisuju jichobö. Ja̧danö, ichibajunö weinobe, —Tjö̧möledö wotjiawö̧ budekwadödanö kwichejekwinö ja̧bi, budekwadö 'dutjawa̧do̧ 'dubawö. Ja̧danö, budekwuju, jömöledö debö tji̧'yioko lekwe möle budekwuju kwichejekwi̧nö, omewasobu dubawökönö ja̧nö,

2 Samuel 3:31

Ikenama Davidma Joabnöbi, okobe deinö ju'wedö jo̧bakwö ju̧kwadönöbi weinobe: —Abnernö o̧tjö̧ di̧'yonö, kwö̧ka̧mijido̧ kȩekwö, kamijido̧ epju̧yunö kalukaa̧do̧ 'dubawö, Abner iteba'o abönö kwebachö kwubudekwaduwo, —jö̧ba̧lö. Ja̧danö, Abnernö o̧tjö̧ tji̧'yena, Davidma iteba'o a̧ja̧pjo ökömanö kweachinobe, chömöledöso̧nö do̧tjo̧be jö̧ba̧lö.

Génesis 27:41

Jejenö balediökwe Esaúma o̧'wo sulinö edö jwiinö öpöjödijetö öjawo̧nö Jacobnöma, chabe'doma ötjönö Dios dösölö̧jinö edö pjaatakwa̧ ujuni̧ma chöjawo̧nöda ujuninobe, jö̧ba̧lö. Ja̧danö Esaúma, itedada jö̧ba̧lijetö, chabe'do woaja̧ okobetjö, jo̧banö do̧'wo̧ tjo̧achi̧ möle kaatibaja̧ ikenama kwabö lotonöcha chöjawo̧nö, jö̧ba̧lö. Jejenö omukwatö junijetö Esaúma.

Génesis 50:10

'Ya̧jadöma, Jordán ojwe ö'öbö, Atad mikwena, trigo ochiju tjebö lödö kwakwawena ichibijadötö. Jena ja̧nö labinö budekwabinö ji̧jadötö, Jacobnö omukwatö. Siete möle baledibanö budekwabijadötö.

Deuteronomio 34:8

Ja̧danö, Moises ö'wö baibiawö̧, israel jojodöma jo̧banö tjubudekwabinobe, treinta möle baledibanö. Jobe Moab niji ba̧ba̧lawobe ja̧nö, Moisesnö tjubudekwabinobe israel jojodöma, Moisesnö tjubudekwobö omudawö tjujunina mölebiya 'dö̧jibajenanö kabatö.

1 Samuel 31:13

Ikenama juwajadö, tjiwe'iju emö, Jabes comunidadnö jo̧wi tamarisco towi teebe tjo̧tji̧nobe. Ja̧danö o̧tjajadö, tjuluwo̧ woina budekwö, jelemutjö̧ dötölataja möle tju̧kwa̧ ö̧töchö tjö̧jinobe.

2 Samuel 11:25

Yöawökwe, Davidma yöbawo̧nö atadinobe baikwö: —Chömöayo̧, baikwö yöta̧li̧ yökawo Joabnö, –Ja̧ baledina omukwatö kwo̧'wo tjo̧bekwö kwö̧joko Joab, Uriasbi, ju'wedöbi debö tji̧'yinama ökwö jawamaökö. Jau Joab, tjölakwabikwawenama, dakwö döwaisakwajö debö tji̧'yakwedönöma, ba̧kwelöjatebö baledajiadanö a̧dekwanö ju'wedöena, ju'wedöena ö'wö batjibobe tjölakwabikwawelöma. Jo̧kwajabetjö̧ kwujuluwachibanö kwö̧jo Joab, ja̧danö ajayitjö bajalekwönönö ja̧ comunidad jojodönö mebibö kwölakwabikwawo, jobadönö kwujuluwakobetjö̧, –jö̧ba̧lö Joabnö ujuluwachibanö yökawonö, —jö̧ba̧lö weinobe Davidma, yöbawo̧nö.

1 Reyes 21:16

Ja̧danö, —Nabotma ö̧'wö baibajabe, —jö̧ba̧lö a̧ja̧kwajo̧, a̧la̧ibö Nabot öbatjobe i̧'yinobe Acabma, iteda öbatjo baibanö emakobetjö̧.