Jejenö balediökwe, Davidma ja̧ yötjawi̧ wene a̧ja̧kwinobe. Jo̧kwajabetjö̧, Davidma okobe deinö israel jojodötjö ölakwabikwawa jojodönö ko̧ko̧dö, Jordan mikwödö pebibö tjö̧jobekwö i̧'yinobe. Ichibajo̧, ömöayedö ölakwabikwawa jojodönö ö'wiyanö tjö̧jamatobö weinobe, otiwanö siria jojodökwö tjölakwabikwawobö. Ja̧danö, Davidma jobekwö ömöayedö tjölakwabikwawakwa̧ jawa weiawö̧, Siria jojodöma jo̧bakwö tjölakwabikwawinobe.
2 Samuel 10:17 - Dios Iwene17 Jejenö balediökwe, Davidma ja̧ yötjawi̧ wene a̧ja̧kwinobe. Jo̧kwajabetjö̧, Davidma okobe deinö israel jojodötjö ölakwabikwawa jojodönö ko̧ko̧dö, Jordan mikwödö pebibö i̧'yinobe, Jelanbe, siria jojodökwö ölakwabikwawobö. Jejenö ichibiawö̧, siria jojodöma tjölakwabikwawobö ko̧ko̧kwachö tjöjamatinobe, ja̧danö Davidnö mebibö tjölakwabikwawinobe. Gade chapit la |
2 Samuel 10:17
3 Referans Kwoze
Ja̧danö siria la'aka luwo̧ Hadad Ezer mikwo̧ma, Eufrates mikwödö tupakwönö ju̧kwadö siria jojodö tjichobö weinobe, ja̧danö jobadökwö bakobe tji̧'yinobe, israel jojodökwö tjölakwabikwawobö. Siria jojodöma Jelan comunidadnö tjo̧ko̧kokwinobe, ja̧danö Hadad Ezer ömöayo̧ Sobac mikwo̧ma, ölakwabikawa luwedö tjuluwo̧ ja̧nö, jobadönö öibinobe.
Jo̧kwaijayonö Davidma jobadönö ujuluwinobe, ja̧danö David öba a'otjö dötjibajinobe. David ömöayedö ölakwabikwawa jojodöma ba̧jekwadö siria jojodönö kwabö lotjinobe, kolukiyanö kwebachadönö, setecientos kolukiyanö kwebachadönö kwabö lotjinobe, ja̧danö ju'wedö siria ölakwabikwawa jojodönö cuarenta milbedönö kwabawö lotjinobe, ja̧danö ju'wibi ölakwabikwawa luwo̧ Sobac mikwo̧nöbi jobetjö kwatjinobe, jenada tjölakwabikwawelö ö'wö baibanö.
Piblisite