2 Samuel 1:2 - Dios Iwene

² Jemi ikenama, dötölataja möle baledibajenama, Saul ömöayedö ölakwabikwawa jojodö tjö̧jinelö bakwo̧ David ö̧jobekwö ichibinobe. Jo̧bama kamiji̧do̧ kȩ'ekwö, uunö niji̧so̧pja̧ wanawö o̧'wo tjo̧achi̧ isȩbö ichibinobe, ja̧danö ichibajo̧, David öba a'o bȩbachibö öbamatinobe, Inesö la'aka chuluwo̧ja, jö̧ba̧lö.

2 Samuel 1:2 Referans Kwoze

1 Samuel 4:12

Ja̧danö, i̧ya̧da möle bakwo̧ israel jojo, Benjaminsaso jojoma, tjölakwabikwawelö Silobe döbibajö ö'öakwawinobe. Jo̧bama ö̧ka̧miji̧do̧ kȩekwö, uunö nijisjopja̧ wanawö, ichibinobe, isabenö o̧'wo tjo̧acho̧sa jö̧ba̧lö.

2 Samuel 4:10

Damötjö bakwo̧ ichö yöawinobe Saul ö'wö baibaja̧ wenema, otiwa jawa wene yötawakwö jö̧ba̧lö. Jo̧kwaijayonö, –David ösödachibanö ja̧i̧ wene yöbawo̧sa, –jö̧ba̧lö omukwatö yöawijayonö, jo̧banö do̧batö kwabö lotijatö, Siclag comunidadtjö. Yöawaja̧ wene mikwa baibanö jo̧banö kwabö lotijatö.

1 Samuel 25:23

Ja̧danö, Davidnö jedenama, Abigailma juluwanö jajwitjö mebibö, David ö̧jobekwö 'ya̧wibö, öba a'o nijakwö bȩjachibinobe, kwömöayujusa jö̧ba̧lö.

Josué 7:6

Ikenama, jejenö balediawö̧, Josuebi, ju'wedö israel jojodötjö luwedöbi jwiinö o̧'wo tjo̧achö tjökamiji̧do̧ kȩ'ekwö lotjinobe, ja̧danö Isabenö Jo̧ iteapjo öba a'o tjöba nijakwö tjöbamatinobe, ja̧danö jobe tjö̧binobe, yi̧ibena baibanö. Ju'wibi, nijiso̧pja tjuunö tjöwaninobe, jwiinö do̧'wo tjo̧bekwadösa jö̧ba̧lö.

Apocalipsis 3:9

A̧ja̧kwaduwitjö. Kwo̧'wo̧ tjo̧kekwaduwa ökwödönö inia tjököbaduwinö ja̧badönö, judío jojodönöma. Jobadö tjo̧'wo̧ luwo̧ okwanö chöwaisawö̧. Jobadöma judío jojodö tjöbötjachinajayonö, judío jojodöböködödanö babibinadö tjo̧'wo̧ luwo̧nöma, Dios ömöledö batjibinokobetjö̧. Awetja ömöayedöda babibinadö, jo̧ba wei̧ a̧ja̧kwö. Chömöledö, ju'winö ökwödö kwöba a'oduwi ichö, tju̧yu̧ju̧ki̧junö bamatö, tjuu nijakwö bȩbachibö tjubudekwobö ja̧takwo̧sa jobadönöma. Ja̧ mölema jobadöma, ökwödönö edö waisachibö tjubudekwakobe,¡Ayö! Isabenö bidöma Dios ile niebawö̧, jö̧ba̧lö.

Mateo 16:21

Ja̧ möle jamatö, tupakwö bajalenö Jesúsma iteda öba̧ja̧di̧ waisachadönö jweinö yöawinobe: —Jerusalénbe chi̧'yobö jo̧be. Ja̧danö, jobetjö Israel jojodötjö damötjöbi, Diostjö jojodötjö ö'weje pjabatadö la'aka tjuluwedötjöbi, Moisés iwȩyudina ba̧ja̧dadötjöbi usula chemawobö ja̧kobe, ja̧danö ötjönö kwabö lotjobö ja̧kobe. Ja̧danö, jemi tupakwö wa̧pötakwa möle baledibajenama wobajaletjö tjetachajobö ja̧kobe— jö̧ba̧lö.

Mateo 12:40

Jonás mikwo̧ma wa̧pötakwa mölebi wa̧pötakwa yö̧tebi baledibanö ba̧i̧so̧ nöbo̧ ukwa'wo okwa a̧jö öbaledinobe, ¿jö̧tö? Ja̧danö, ötjö jojo baibanö jeminökwebi wa̧pötakwa mölebi, wa̧pötakwa yö̧tebi baledibanö, nijinö tjo̧tjajökwe niji okwa ba̧nö chöbaledakwo̧sa— jö̧ba̧lö yöawinobe Jesúsma.

2 Samuel 15:32

Ja̧danö, mösa'o wa̧pekwa'o Diosnö iyawemibe ichibenama, jobe arquita jojo Husay mikwo̧no öbadekwajinobe, o̧'wo tjoachö, ökamiji̧do̧ kȩ'ekwö, uunö ökwölaso̧pja̧ wanawo̧nö.

2 Samuel 14:4

Weoko, Tecoa jojosujuma Joab weaja̧danö ja̧jinobe, ja̧danö David öba a'o ichibö, jöba nijakwö jöbamatinobe, inesö la'aka chuluwo̧ja jö̧ba̧lö. Ja̧danö, David öba a'o bamataju, ajebinobe, —La'aka chuluwo̧, pjabatitjö, —jö̧ba̧lö.

1 Samuel 20:41

Ikenama, tjemu ȩwa̧jaja okobema, Davidma inawiya o̧penö uju̧kwawajelö labebö, Jonatan ö̧jobekwö 'ya̧wibö, Jonatan öba a'ö öba nijakwö wapötakwanö bȩbachibö ja̧inobe. Ja̧danö, ösödabikwawö du̧batö, tjubudekwinobe, jo̧kwaijayonö Jonatan ubudekwi̧tjö bajalekwönönö nöinö ubudekwinobe Davidma.

1 Samuel 4:16

Ja̧danö Elinö yöbawö ichajo̧ma Elinö yöawinobe, —Ötjöma tjölakwabikwawelö ichajo̧sa, jobetjö döbibajo̧sa, —jö̧ba̧lö. Yöawökwe, Elima abebö a̧ja̧kwinobe, —Jau chitji̧, yöbawitjö, tjölakwabikwawaja̧ma dakwö baledaja̧da? —jö̧ba̧lö.

Génesis 43:28

—Jau. Ökwö kwömöayedö dabe'doma otiwanö ö̧jobe. Ina 'yaba̧lo̧— atadijadötö. Jejenö jö̧ba̧lö tjöba nijakwö bȩbachibijadötö.

Génesis 37:34

Ja̧danö, Israelma yelösöda o̧'wo̧ tjo̧ baibökwe ökamijido̧ kȩ'ekwijetö. Ikenama leluwo̧ babibajo̧ma, pjewökado̧ 'dubawijetö. Itji̧minenö omukwata̧lö o̧'wo̧ tjo̧bekwijetö lekwe möle.

Génesis 37:29

Ja̧danö, Josénö mikwanö jö̧ba̧lö tjiyena abönö pöe Rubén, öjawo̧ Josénö pjaatobö jö̧ba̧lo̧ma debijetö. Wajwibijetö ö̧ja̧wo̧dö Josénö mikwanö jö̧ba̧lö tjiyaja̧ma. Ikenama ȩwa̧bijö jo̧bama laju jo̧bekwö 'ya̧wibö edemi öjawo̧ Joséma debijetö. Jejenö edö jwiinö o̧'wo̧ tjo̧ baibiökwe ökamijido̧ kȩ'ekwijetö, o̧'wo̧ tjo̧ekwi̧ i̧sebö.

Génesis 22:4

Ja̧danö, dötölataja möle baledibajena wa̧pötakwa mölenö Abrahamma edijetö ödöobe Dios weinemi i̧'yobö.

2 Samuel 1:3

Jejenö ichibiökwe, Davima abebö a̧ja̧kwinobe, —Detjö kwichaja̧da? —jö̧ba̧lö. Abebö a̧ja̧kwökwe, —Israel ölakwabikwawa jojodö tjö̧jinelö döbibajinasa, —jö̧ba̧lö atadinobe.

2 Samuel 13:19

Ja̧danö, jo̧'wo tjo̧achö, ja̧do̧ ödöado̧ kȩ'ekwö lojinobe Tamarma, ja̧danö ökwölaso̧pja̧ juunö jöwaninobe, ja̧danö juu do̧ba̧lakwawö, labinö budekwiabö jȩwa̧jinobe.

2 Samuel 24:20

ja̧danö Araunama edö, la'aka luwo̧ David ömöayedökwö ö̧jobekwö ichobe edinobe. Tjichobe edö, Araunama labebö, öba nijakwö David öba a'o bȩbachibö ösödinobe, chuluwo̧ja jö̧ba̧lö.