2 Samuel 1:19 - Dios Iwene

¹⁹ —Ökwödö israel jojodötjö inesö juluwadönö kwabö lotjajabetija mösa'otjöma, isabenö ökwödötjö juluwadöma debö tji̧'yajabe.

2 Samuel 1:19 Referans Kwoze

2 Samuel 1:27

Jobadö juluwadöwe, ölakwabikwawö debö tji̧'yajabetija, ja̧danö jobadö ölakwabikwawa jawama, suli̧ waekwajabetija, —jö̧ba̧lö lo̧inobe Davidma, Saulnöbi Jonatannöbi.

2 Samuel 1:25

Jobadöwe, isabenö juluwadöma mebö, debö tji̧'yajabe, tjölakwabikwawelö debö tji̧'yajabe, ja̧danö jobe möena kwabö lotjökwe, Jonatan iteba'oma jobe mösa'onö bo̧be.

Isaías 4:2

Yadakwö Isabenö Jo̧ma yemidanö israel jojodönö pjaatakwo̧. Ja̧ möle Israel niji pokwi̧ma, jwiinö otiwanö pokwakobe. Ja̧danö, jejenö otiwanö pokwiawö̧, israel jojodötjö ji̧binadöma tjo̧'wo ösöwanö tjö̧jakwedö, —Ditebo israel niji pokwi̧ma, jwiinö otiwanö pokwobe, otiwanö kwakwawa dujuna̧lobö, —jö̧ba̧lö.

2 Samuel 1:23

Isabenö otiwadö ba̧jȩkwadö tjösödawö̧ tjö̧jinobe Saulbi Jonatanbi, otiwanö bakobe tjö̧jinobe ina 'ya̧tja̧layima, ja̧danö debö tji̧'yenabi, bakobe ja̧nö debö tji̧'yinobe. Isabenö juluwadö tjö̧jinobe, muko köa̧litjö bajalekwönönö juluwadö tjö̧jinobe, ja̧danö didiba ujulutjö bajalekwönönö tjujuluwinobe.

1 Samuel 31:8

Ja̧danö, Saul ö'wö baibaja̧ ikena möle, filisteo jojodöma ichö, kwabö lotjinawö̧ tjitea emö kwetjachinobe, ja̧danö Saul iteba'obi, itji̧mu tjiteba'ijubi tjöbadekwajinobe jobe Guilboasa'onö.

Isaías 53:2

Baikwö yöta̧la Dios ömöayo̧nö: Dios öba a'o ö̧da̧peachinama, a̧dekwanö pokwi̧danö, kököelö bö'diatjö pokwi̧danö ichejekwinobe. Jo̧banö edö, jo̧kwadabo̧danö ichejekwijatö, wamenö edö, otiwo̧nöma dedijökötö, ja̧danö la'aka luwo̧ ichejekwi̧danöma ichejekwinokobe. Wamenö edö, —Bitenö dösödo jö̧da̧lökwe, —jö̧ba̧lö edö domukwatijökötö, jo̧kwadabo̧danö ichejekwobetjö̧.