2 Reyes 7:11 - Dios Iwene

¹¹ Yötjawökwe, tupakwö bajalenö yöawinobe apjude teada̧lo̧ma, ja̧danö la'aka luwo̧ ejunö ju̧kwadöbi tja̧ja̧kwinobe.

2 Reyes 7:11 Referans Kwoze

2 Reyes 7:10

Jo̧kwajabetjö̧ a̧la̧ibö, comunidad apjude teada̧lo̧ ö̧jobekwö tji̧'yinobe, ja̧danö jo̧banö jwöbö yötjawinobe, —Siria jojodö tjabekwobe dichibenama, bakwo̧nöbi dedökötö, ja̧danö bakwo̧nöbi da̧ja̧kwökötö. Jo̧kwaijayonö, jojodö deijayonö, kabayudönöbi, buludönöbi jobe di̧batö junawobe döbadekwatö, ja̧danö sabana'wotjö otikwejubiyama, ina jojodö tjuju̧kwobedanö döbadekwatö, —jö̧ba̧lö.

2 Reyes 7:12

Jobekwö yötjawiökwe, yö̧te ja'ö a̧la̧ibinobe israel la'aka luwo̧ma, ja̧danö iteda ömöayedönö yöa̧linobe: —Ötjöma chöwaisa, Siria jojodö ökwödönö suli̧ tjöwaedobö ja̧tja̧ja̧ma. Jobadöma tjöwaisa, a̧wi̧chi̧ tjöbö dö̧ji̧ma, jo̧kwajabetjö̧ tjabekwelö latjebajabe, meje'yetjö tjuju̧kwawobö, –Du̧kwa tjemotö jö̧ba̧lö comunidadtjö latjebenama, ina 'yaba̧ladönö do̧datakwedösa, ja̧danö comunidad okwa tedachakwedösa, –jö̧ba̧lö. Deobedanö ichejekwijayonö, ju̧kwawö tjö̧jena, —jö̧ba̧lö yöa̧linobe la'aka luwo̧ma.