2 Reyes 5:13 - Dios Iwene

¹³ Jo̧kwaijayonö, Naaman ömöayedöma ö̧jobekwö ichibö, bakwo̧ dösölö̧jinö yöa̧linobe, baikwö: —Chabe'do Naaman, Dios yöawi̧ yöbawo̧ ökwönö waiyi̧ jawa weatjö̧ma, öpöjödökönö ja̧köbo jö̧ka̧lajena, jö̧tö? Ja̧danö ökwönö weaja̧ma, –Ojwenö kwidichawitjö̧ma, lepra jwiinö kwö̧jakwo̧ja, –jö̧ba̧lö weaja̧ma, waiyökö ji̧ chabe'do. Weaja̧ kwa̧ja̧kwobö otiwena, a̧ja̧kwö ja̧köbakwa̧ji̧? —jö̧ba̧lö.

2 Reyes 5:13 Referans Kwoze

2 Reyes 6:21

Ja̧danö, Israel la'aka luwo̧ jobadönö edenama, Eliseonö abebö a̧ja̧kwinobe, —Chabe'do Eliseo, bidönö kwabö lotakwa̧ji̧? Babeda jobadönö kwabö lotakwaji̧? —jö̧ba̧lö.

Apocalipsis 7:14

Jejenö abebö a̧ja̧kwitjö̧ chatadijatö: —Chuluwo̧ma, ökwöda kwöwaisa— jö̧ta̧lökwe: —Jau, yötawakwö. Bidöma, inia tjöawa baledi̧ möletjö o̧penönö baledi̧ möle inia tjöbö ji̧nadö. Ja̧danö, tjökamisima, Obeja Itji̧danö Jo̧ ökwösobutjö dichö loi̧danö dichö loawa odi̧ju, dewi̧ odo̧ baibanö. Ja̧danö, bidöma dewi̧ odo̧ 'dubawadö babibinadö.

2 Reyes 13:14

Eliseoma jwiinö 'dö̧achinobe, ja̧danö ja̧ 'dö̧achi̧tjö ö'wö baibo jö̧a̧linobe. Jobekwö ö'wöchiökwe, Israel la'aka luwo̧ Yoasma jo̧banö edö i̧'yinobe, ja̧danö öba a'o ubudekwinobe, —Chabe'do Eliseowe, israel jojodötjö kolukiyanö ölakwabikwawadödanö, ja̧danö kabayudönö wanö ölakwabikwawadödanö juluwajibo̧we, —jö̧ba̧lö.

2 Reyes 2:12

Ja̧ baledi̧ edinobe Eliseoma, ja̧danö edö jwöeba̧linobe, —Chabe'do Elias, chabe'do. Ökwö Israel niji ju̧kwadötjö inesö tjöbeba̧lö pjabato̧nö Dios emajabe!—jö̧ba̧lö. Ja̧danö, Eliseo ö̧jelö debi baibinobe Eliasma, edökenanö. Jobekwö edajo̧, o̧'wo tjo̧achö iteda ökamiji̧do̧ kȩ'ekwö loinobe, dö̧do̧lataja baibanö.

1 Pedro 3:21

ja̧danö jobadö ojwetjö tjö̧jibinama, babe ökwödö dö̧jibi̧ jawa ojwenö bu̧datakwawa jawa badekwachobe. Ja̧ dö̧jibi̧ma, ojwema diteba'otjö dusula dichö loobetjö̧ ji̧badösa jö̧ba̧löma yöta̧lökö chömöledö, baikwö yötawa: Diosnö abebadösa, domukwati̧ jawa dusula dichö loobö, ja̧danö Jesucristo woawatjö tjeachajinobetjö̧, dö̧jibinö pjabato̧ Diosma.

Hebreos 10:22

Jo̧kwaobetjö̧ Dios ö̧jobekwö tedachaduwo chömöledö, jo̧banö ösödö. Omukwataduwökönuwi, ¡Ayö! Ötjöma Dios öba a'otjö wene juna̧lo̧sa, jö̧ba̧lö. Dioskwö chichibobö jwibo̧sa, jö̧ba̧lö, omukwataduwökönuwi. Jejenö domukwatobö jwiobe chö̧ja̧wo̧dö. Tjo̧wi̧, ökwödöma ja̧ domukwati̧tjö dichö loinawö̧sa, Jesús ökwösobunö lilibö. Ja̧danö chö̧ja̧wo̧dö jwiinö salöobu ojwiyonö idichinawö̧sa, Dios öba a'otjö dewadöda badibinö. Jo̧kwaobetjö̧ Dios ö̧jobekwö tedachaduwo, okwa dichawedöda, Jesús imidawinanö jwiinö do̧'wo̧ wana̧lö.

Tito 3:5

ja̧danö dö̧jibinö pjaatinobe. Ökwödöda otiwanö ja̧diökwema ja̧inokobe dö̧jibinö ja̧böma, iteda lȩlö̧jinö edo̧obetjö̧, dö̧jibinö ja̧inobe. Jau Tito, Dios O̧'wo̧ Luwo̧ma ökwödö sulabe dujuna̧li̧ dichö loinobe, 'yabayedö badibanö, 'yayinö bötjachibadö badibanö.

Hechos 22:16

Ikenama jö̧a̧lijatö, ¿Tajawedö bena ba̧nö eda̧lödö kwö̧ja? A̧laibi, ojwenö chubu̧datokwö. Diosnö abebi ökwö kwusuli̧ söbebö lookwö, jö̧ba̧lö, yöawijatö Ananíasma ötjönöma— yöbawijetö Pabloma—.

1 Corintios 4:15

Jau chömöledö, ökwödönö ba̧ja̧dadöma ba̧jekwadö tjö̧jena, wanedö yötawa, ba̧jekwadö diez mil jenanö ba̧ja̧dadö ökwödö Cristonö ösödadönö Dios iwene tjöba̧ja̧dena, jo̧kwaijayonö jobadötjö kwabe'dodanöbo̧ma ötjödasa chömöledö. Jau chömöledö, ötjö Pabloda ajayinö otiwa jawa wene ökwödönö yötawinobetjö̧, kwabe'dodanö chichejekwa chömöledö.

1 Corintios 1:27

Jo̧kwaijayonö, Diosma böjȩ jojodö wajwibadö jö̧ba̧lö ötjabiwö̧nö omudawinobe, waisadö ötjabiwö̧ tabakwö tjö̧jakobetjö̧. Ja̧danö, böjȩ jojodö juluwöködö jö̧ba̧lö ötjabiwö̧nö omudawinobe Diosma, juluwadö ötjabiwö̧ tabakwö tjö̧jakobetjö̧.

1 Corintios 1:21

Jau chömöledö, Diosma iteda waisanö omukwati̧ma i̧sebobe, baikwö yötawa. Böjȩ jojodö idöda waisanö tjomukwati̧ omukwatö Diosnö tjöwaisachibinokobe, ¿jö̧tö? Ja̧danö, böjȩ jojodö tjedemi, yödawi̧ wene Jesús midawö woina wenema waisakwawa jwii̧ wene jo̧be, ¿jö̧tö? Jo̧kwaijayonö Diosma waisanö omukwatö, ja̧ Jesús midawö woina wene ösödadönöda dö̧jibinö ja̧bo̧ chömöledö.

Juan 13:8

—Chuluwo̧, la'akatjöda kwidichökakobe chömasapama—jö̧a̧liökwe: —Simón Pedro, kwömasapa chidichökötjö̧ma chömöayo̧bö̧kö̧ kwö̧jena—jö̧a̧liökwe:

Mateo 23:9

Ja̧danö, böjȩtjö bakwo̧nöbi chabe'do jö̧ba̧lö yöba̧lökönaduwi, Kwabe'doduwima bakwo̧daobetjö̧, mölejȩbe jo̧ Kwabe'doduwida.

Isaías 1:16

—Isabenö ötjönö kwösödaduwobö jö̧ka̧laduwitjö̧ma, kwidichawaduwo, chöba a'otjö sulabe jwibadö kwö̧jaduwakobetjö̧. Chöba a'otjö sulabenö ja̧köbaduwi̧ kakatibaduwo.

2 Reyes 8:9

Weökwe, Eliseo ö̧jobekwö i̧'yinobe Hazaelma, abebö a̧ja̧kwobö. Ja̧danö, nöinö iyawa e'ewinobe, Damasco comunidad otiwi̧ jawatjö, kameyudö cuarentabedö tje'ewo jö̧tja̧li̧ jawa e'ewinobe, Eliseonö iyobö. Ja̧danö, Eliseo öba a'o ichibajo̧, yöa̧linobe: —Eliseo, kwitji̧danöbo̧ Ben Adadma abebö a̧ja̧kwobe, –'Dö̧tachi̧tjö chö̧bibakwa̧ji̧? —jö̧ba̧lö.

2 Reyes 5:10

Ichibiökwe, yöbawo̧nö weinobe Eliseoma, Namaannö yöawobö: —Jordan ojwebe 'ya̧wi, ja̧danö jobetjö jelemutjö dötölatajanö kwidichawo. Jemi ikenama, kwi̧sȩdo̧ma yemidanö otiwachibakobe, ja̧danö lepra kwö'wöchi̧tjö otiwanö kwö̧bibajakwo̧ja, —jö̧ba̧lö.

2 Reyes 5:3

Jobekwö 'dö̧achioko, juluwuju Naaman ilekwonö yöja̧linobe, —Samaria comunidadtjö Dios yöawi̧ yöbawo̧ juluwo̧ ö̧jobe chuluwuju, ja̧danö jo̧ba öba a'o chuluwo̧ Naaman ö̧jitjö̧ma, otiwo jö̧a̧lena chuluwuju. Jau, jo̧ba öba a'ö ö̧jitjö̧ma, chuluwo̧ Naaman lepratjö ö'wöchi̧ otidö loena, —jö̧ba̧lö yöja̧linobe Naaman ilekwonö.

1 Reyes 20:31

Ja̧danö, jobe uju̧kwawemi, waisanö omukwatobö pjabatadöma tjuluwo̧ Ben-adadnö yötja̧linobe, —Duluwo̧, ökwödöma da̧ja̧kwajabe, israel jojodötjö la'aka luwedönö, tjöpöjojodönö lȩlö̧inö edadötö, jö̧ba̧lö. Jo̧kwajabetjö̧ baikwö adebakwö, ökwödönö weköbo, budekwadö 'dutjawa̧do̧, a̧do epju̧yunö kalukaa̧do̧ 'dubawö, jadanö duunö a̧la̧chi'bo di̧batö, israel la'aka luwo̧ öjobekwö di̧'yobö, –Ökwönö iyawadösa, kwömöayedö badibanö, –jö̧ba̧lö. Dedemi jejenö i̧sȩbö di̧'yitjö̧ma, ökwönö lȩlö̧jinö edena, ja̧danö ökwönö kwabö loökena, —jö̧ba̧lö tjuluwo̧ Ben-adadnö yötjalinobe.

1 Reyes 20:23

Ja̧danö, Siria la'aka luwo̧ ömöayedötjö, waisanö omukwatobö pjabatadöma, tjuluwo̧nö yötja̧linobe, —Duluwo̧, dedemi israel jojodö tjösödökwe Diosma, mösa'iju jȩmi nijinö jo̧, ja̧danö mösa'iju jȩmi dölakwabikwawinobetjö̧, tjösödökwe Dios pjaatawö̧ ökwödönö tjujuluwinobe. Jo̧kwaijayonö, ba̧ba̧lawemi jobadökwö dölakwabikwawitjö̧ma, tjösödökwe Diosma jobetjö deena, ja̧danö pjaatobö jwiena. Jo̧kwajabetjö̧ ba̧ba̧lawobetjö dölakwabikwawitjö̧ma, isabenö israel jojodönö dujuluwena.

Génesis 41:43

Ikenama ka̧ba̧yu̧dö tötjaka koluka otiwaka iyijetö, iteda u̧kwa kolukiyatjö, iteda ökömanö kweachakwawaka. Ja̧danö José kolukanö ja̧nö i̧'yena faraón ömöayedötjö ju'wedöma jo̧ba abönö jwöbö 'yi̧jadötö, pjolachibö ja̧wi, la'aka luwo öbaleda, jö̧ba̧lö. Jejenö faraónma Josénö junijetö Egipto jojodö tjuluwo̧ baibanö.

Juan 9:7

Dubebö kabatajo̧ weinobe Jesúsma jo̧banöma: —Ojwese'do, Siloé mikwa'dobe 'ya̧wi kwidichawo— weinobe Jesúsma jo̧banö. Je'do imi, Siloé, jö̧ba̧löma, Weinökwe, jö̧a̧lobe. Jesúsma jejenö weajiökwe, öbajale tjewawökwema jobekwö 'ya̧jo̧ idichawemi otiwanö öbajalema edinö baibinobe. Ja̧danö, otiwanö baibajökwema tjebachajö i̧'yinobe.

1 Samuel 24:11

Edi chabe'do, isabenö kwabö loto jö̧talatö, edi, kwökamiji̧do̧tjö 'witebaja̧ma. Ökwönö kwabö lobökönö, kwökamiji̧do̧da 'witebajabe. Ja̧ 'witebaja̧ma öwaetjöda öwawinö i̧sȩbobe, ökwönö suli̧ chöwaedoböma isakwö̧kö̧sa jö̧ba̧lö. Jau chuluwo̧, isabenö ötjönö kwabö loköbotö jö̧ba̧lö luba̧libö kwisakwijayonö, yayonö ökwönö sulabenöma ja̧bö̧kö̧sa jö̧ba̧lö chi̧sebajabe.

1 Samuel 28:23

Yöja̧liökwe, Saul öpöjödinobe, —Kwakwawa chukwökö, —jö̧ba̧lö. Jo̧kwaijayonö, ömöayedöbi, jojosujubi, —Kwukwobö jo̧be, —jö̧ba̧lö pjabatö yötja̧liökwe, a̧ja̧kwinobe. Ja̧danö nijinö ö̧bobetjö a̧la̧ibö, kamapjonö öbamatinobe.