2 Reyes 4:41 - Dios Iwene

⁴¹ Yötja̧liökwe, —Harinaso̧pja̧ ichejebaduwi, —jö̧ba̧lö weinobe, ja̧danö tjichejebiökwe, pa̧laka'do̧ okwa ikwinobe. Ikenama, weinobe, —Tjukwobö iyabidönö, —jö̧ba̧lö weinobe. Ja̧danö, tjiyabenama, 'di̧atakwawa jwiinö otiwanö tjukwinobe.

2 Reyes 4:41 Referans Kwoze

2 Reyes 2:21

Jemi ikenama Eliseoma ojwese'dobe i̧'yinobe, ja̧danö ojwese'do okwa sayu wa̧ebinobe. Jobekwö wa̧bebajo̧, —Baikwö yöawobe Isabenö Jo̧ma, –Bi'do ojwese'do otidö lotajabe, welachobu ojwiyoma otiwachibanö. Bemi tupakwö bi'dotjö welachobuma jojodö tjö'wöchinö ja̧ökakwobu, ja̧danö tji̧tji̧munö emökönö tjö̧joböma ja̧ökakwobu, —jö̧ba̧lö yöawinobe Eliseoma.

Éxodo 15:25

Jo̧kwaiökwe Isabenö Jo̧nö budekwö abebijetö Moisésma. Aebiökwe Isabenö Jo̧ma Moisésnö isȩbijetö towinö. Moisésma jowitjö ötjebiya tjebö lobijetö ojwese'do okwa. Loemi ojwiyo o̧'dajobuma otiwobu baibijetö. Jobema Isabenö Jo̧ma Israel jojodönö tjö̧ji̧ weawa jawa junijetö, ja̧ weawa a̧ja̧kwö tjö̧jobö. Ja̧danö, jo̧ba wei̧ tja̧ja̧kwojobö edobö

1 Corintios 1:25

Jau chömöledö, baikwö yötawa: Dios omukwati̧ waisakwawa jwii̧danö ichejekwi̧ma, jojodö tjöwaisi̧tjö o̧penönö waisakwawa ji̧. Ja̧danö Dios ujulu jwii̧danö ichejekwi̧ma, jojodö tjujuluwi̧tjö o̧penönö juluwi̧ ji̧.

Hechos 28:5

Jejenö yötja̧lakwawijayonö Pabloma, ö'wöchökönö a̧ko'danö 'döbekwö loijatö ökwölanö.

Juan 9:6

Jejenö yöawaja̧ ikena, nijinö aasobu suinobe. Subajo̧ nijisopja̧kwö aasobukwö iwiwodinobe, letiya baibanö. Ja̧ letiyama öbajale tjewawökwe öbajalebiya wame duebinobe.

2 Reyes 6:6

Yöa̧lökwe, Dios yöawi̧ yöbawo̧ Eliseoma abebö a̧ja̧kwinobe, —Dena meaja̧da? Ba̧ja̧ditjö, —jö̧ba̧lö. Ja̧danö, meajemi ö̧ba̧jadenama, ö̧sö̧'a̧ 'wibebö meajena ikwinobe, ja̧danö ikwenama, o̧to̧mo'a samatibö lamatinobe ojwe wame.

2 Reyes 5:10

Ichibiökwe, yöbawo̧nö weinobe Eliseoma, Namaannö yöawobö: —Jordan ojwebe 'ya̧wi, ja̧danö jobetjö jelemutjö dötölatajanö kwidichawo. Jemi ikenama, kwi̧sȩdo̧ma yemidanö otiwachibakobe, ja̧danö lepra kwö'wöchi̧tjö otiwanö kwö̧bibajakwo̧ja, —jö̧ba̧lö.