2 Reyes 4:25 - Dios Iwene25 Yöba̧laju, juluwanö ji̧'yinobe, Carmelo mösa'o, Eliseo ö̧jobekwö. Ja̧danö, jichibiökwe, ödötjö jichobe edinobe Eliseoma, ja̧danö edajo̧ ömöayo̧ Giezinö weinobe, —Edi, Sunem jojosuju dö̧jobekwö jichobeta. Gade chapit la |
Otiwanö nöinö o̧bubiya bo̧akobe, ba'ali junö lo̧obedanö ichejekwinö. Jojodö deajemi kököajemima, Libanö niji otiwi̧danö otiwakobe, Carmelo ötjabobebi, Saron ötjabobebi otiwanö pokwö wa̧ji̧danö otiwanö pokwakobe, ajayinö jojodö deobe kököinemima. Jobetjö Isabenö Jo̧ inesö ujuluwi̧ öwawakobe, jobetjöda öwawinö tjedakwedö, —Dösödökwe Diosma inesö dejatinö otiwo̧, —jö̧ba̧lö.
—Babema baikwö wetakwö: Ötjöma Carmelo mösa'o chö̧jocha, ja̧danö kwömöayedönö weköbo, okobe deinö israel jojodönö ko̧ko̧dö, öbibö tjichejebobö chö̧jobekwö, Carmelo mösa'obe. Jadanö ju'wibi kwilekwo Jezabel jitea mesasötetjö kwadönöbi kwichejebo, tjösödökwe Baal yöawi̧ yöbawadö cuatrociento cincuentabedönöbi, tjösödoko Asera yöjawi̧ yöbawadö cuatrocientosbedönöbi, —jö̧ba̧lö weinobe Eliasma, Acabnö.
Jo̧kwaijayonö, mösa'obe, Eliseo öba a'o jichibenama, öba a'o bamatö ömasapiya do̧jatinobe, —Chuluwo̧, pjabatitjö, —jö̧ba̧lö. Jobekwö uluwo̧ ömasapiya do̧ja̧tiökwe, Giezima uluwo̧tjö 'da̧batö junö jiebotö jö̧ba̧lö ichinobe, jo̧kwaijayonö Eliseoma jo̧banö yöa̧linobe, —'Wainö ju̧ju. Bisuma jwiinö jo̧'wo tjo̧bekwö ju̧ju̧, jo̧kwaijayonö tajawedöjö jö̧ba̧lö wajwita, Isabenö Jo̧ma chöwaisapji jö̧ba̧lö tojajobetjö̧, —jö̧ba̧lö.
Jemi ikenama la'aka luwo̧ Ocoziasma iteda ömöayo̧ ölakwabikwawadö cincuentabedö tjuluwo̧nö weinobe, ömöayedönö öbibö, Eliasnö do̧batö ichejebobö. Ja̧danö weökwe, labebö öbadekwajinobe Eliasnö, mösa'o ja'yuwa'o wa̧pekwa'o bo̧nö. Jo̧banö badekwajo̧, jwöinobe: —Ökwö Dios yöawi̧ yöbawo̧, inesö la'aka luwo̧ma weobe, –Yutubajö ichi, —jö̧ba̧lö.
Eliseo ömöayo̧ Giezima yöa̧linobe itedada, —Chuluwo̧ Eliseoma Naaman iyi̧tjö emo jö̧a̧lajabe, midökönö jo̧ba siria jojo ȩwa̧jobö weoko jö̧a̧lajabe. Iyobö ichejebajayonö, emö̧kö̧ chuluwo̧ma. Jo̧kwaijayonö ötjöma isabenö iyi̧tjö chemakwo̧sa, Isabenö Jo̧ öba a'o, isabenö yöta̧la, ökömanö ö'öbakwawö, iyi̧tjö chemakwo̧sa, —jö̧ba̧lö.