2 Reyes 4:1 - Dios Iwene

¹ Ju'wi möle, Dios yöawi̧ yöbawadötjö̧ bakwo̧ wobö ujunibinokoma Eliseo öba a'o ichibö budekwö yöja̧linobe: —Chuluwo̧ Eliseo, kwömöayo̧bina chilekweminema ökwö kwöwaisinökwe, Isabenö Jo̧ Diosnö isabenö yebabinö ösödina jö̧ba̧lö, jö̧tö? Ina 'yaalayi, jelo̧nö umusidinobe chilekweminema, ja̧danö dumusidina dimidiökökwe, umusidinökwema chitji̧mu du̧ju̧tajanö 'döbebö ichakobe, iteda ömöayedö batjibakobetjö̧, —jö̧ba̧lö.

2 Reyes 4:1 Referans Kwoze

Mateo 18:25

Jo̧bama umusidi̧ imidobö jwiinobe, jo̧kwajabetjö̧ la'aka luwo̧ma weinobe, jo̧banöbi, ilekwonöbi, i̧tji̧munöbi ju'wedö tjömöayedö batjibanö mikwanö iyö lotjobö, ja̧danö okobe jwiinö tjujuna̧li̧ iyö lotjobö, ja̧ baladanö tjumusidaja̧ma tjimidawobö.

2 Reyes 2:3

Ja̧danö, Betel comunidadbe tjichibenama, Dios yöawi̧ yöbawadö Betel comunidadnö ju̧kwadöma tjichobekwö labebö, Eliseonö yötja̧linobe, —Eliseo, kwöwaisiji̧? Babe möle Isabenö Jo̧ma kwuluwo̧ Eliasnö kwö̧jelö emakobe, —jö̧ba̧lö. Yötja̧lökwe, —Jau, chöwaisa Eliasnö emakwa̧ma, wi̧inö ja̧duwi, —jö̧ba̧lö.

Apocalipsis 19:5

Ikenama, inesö ba̧kwawakatjö iwene ökwöi̧ma cha̧ja̧kwijatö, baikwö: Do̧'wo̧ döwana̧lökwe Diosnö dösödaduwo, okobe deinö jo̧ba ömöayedöma, jo̧banö yebabidöma, la'aka luwedöbi, jo̧kwada jojodöbi. Dösödonö, jö̧ba̧lö ökwöi̧ cha̧ja̧kwijatö.

Mateo 18:30

Jejenö aebijayonö, öpöjödinobe, ja̧danö lȩlö̧jinö edökönö, jo̧banö ka̧lena tjödobö weinobe, okobe jwiinö imidenanö kabatö.

1 Samuel 22:2

Ja̧danö, ju'wedöbi Davidkwö ja̧nö tji̧'yinobe. Jobadötjö ju'wedöma wene juna̧ladö, ju'wedöma musidadö, ja̧danö ju'wedöma tjo̧'wo sulawö̧ la'aka luwedönö öpöjödadö. Jobadöma David ö̧jobekwö 'ya̧nö, David ömöayedö batjibanö jobe tji̧'yinobe, jo̧bakwö ömadö cuatrocientos jenanö batjibanö.

Apocalipsis 15:4

Duluwo̧ ¿tida ökwönö yebabö̧kö̧ma? Deobe. Sule ökwöda suli̧ jwibo̧köbobetjö̧ okobe deinö ökwönö omukwatö, Jwiinö otiwo̧, jö̧ba̧lö, jö̧tja̧lobe. Jelobebi jelobe ju̧kwadöma ichö tjösödakwedö ökwönöma, ökwö omukwatö weköbi̧ma jweinö webo̧ja, tjöwaisachibanö, jö̧ba̧lö lo̧tjobe cha̧ja̧kwijatö.

Santiago 2:13

Chö̧ja̧wo̧dö, Diosma le jwiinö lȩebakobe jojodönö lȩlö̧jino edökönöma. Jo̧kwaobetjö̧ jojodönö lȩlö̧jino edö dö̧jobö jo̧be. Ja̧danö, jojodönö lȩlö̧jino dedenama di̧sekwobe, Böjȩnö ja̧nö jojodönö lȩlö̧jino dedobetjö̧ Dios ö̧jobekwö dichibenama lȩebökakwawö̧sa, jö̧ba̧lö.

Hechos 13:26

Ina yöbawijetö: —Chömöledö, Abrahamtjö tupadanö jojodöbi, ju'wedö Diosnö yebabinö ösödadöbi a̧ja̧kwaduwitjö. Diosma yöbawijetö iteda otiwa jawa wene, ji̧kwa wenema ökwödönö, Israel jojodönö.

Mateo 18:35

Tupakwö yöawinobe Jesúsma: —Mölejȩbe jo̧ Chabe'dobi ja̧danö chömöledö. Ökwödöma kwöjawo̧ sulabenö ja̧aja̧ omukwatökönö isabenö jo̧banö kwösödökötjö̧ma, Diosma ökwödö sulabenö ja̧köbaduwaja̧bi söbebö loökena— jö̧ba̧lö yöawinobe.

2 Reyes 4:38

Ju'wi möle, yemidanö Guilgal comunidadbe i̧'yinobe Eliseoma, ja̧danö jobe ichibenama, a̧wi̧chi̧ lö̧ji̧ ji̧nobe ja̧ nijitjö. Ja̧danö, ju'wedö Dios yöawi̧ yöbawadö Eliseo öba a'o ba̧nö tja̧ja̧kwa̧lonö, iteda ömöayo̧nö weinobe Eliseoma, —Chömöayo̧, palaka'do nöa'donö kwakwawa tobi, bidö Dios yöawi̧ yöbawadö tjukwakobetjö̧, —jö̧ba̧lö.

2 Reyes 2:5

Ja̧danö, Jerico comunidadbe tjichibenama, Dios yöawi̧ yöbawadö Jerico comunidadnö ju̧kwadöma tjichobekwö labebö, Eliseonö yötja̧linobe, —Eliseo, kwöwaisiji̧? Babe möle Isabenö Jo̧ma kwuluwo̧ Eliasnö kwö̧jelö emakobe, —jö̧ba̧lö. Yötja̧lökwe, —Jau, chöwaisa Eliasnö emakwa̧ma, wi̧inö ja̧duwi, —jö̧ba̧lö atadinobe.

1 Reyes 20:35

Ja̧danö, Isabenö Jo̧ weökwe, Dios yöawi̧ yöbawadötjö bakwoma ömöledöso̧nö weinobe, —Isabenö Jo̧ma weobe, inia tjöbo̧ batibanö labinö ötjönö kwaköbo, —jö̧ba̧lö. Jo̧kwaijayonö, weökwe, ömöledösonö kwaobö öpöjödinobe.

1 Reyes 18:3

Ja̧danö, kököachibiökwe, Acabma iteda ömöayo̧ Abdias mikwo̧nö jwöinobe, meje'ye jȩmi isakwakobetjö̧. Jo̧ba Abdiasma, Acab eju teada̧lakwawa luwo̧ ö̧jinobe, jo̧kwaijayonö Acab yö̧ne ömöayo̧so̧ ö̧jinayonö, otiwanö yebabinö Isabenö Jo̧nö ösödö ö̧jinobe Abdiasma. Baikwö laebobe Abdias Diosnö ösödi̧ i̧sȩbina wenema:

Génesis 22:12

Ja̧danö, ángelma jö̧ba̧lijetö: —Abraham, ¡kabati! ¡Kwitji̧nö 'wibebö lobökönuwi! Babema ötjö weti̧ a̧ja̧kwö kwitji̧nö, jo̧dawo̧nö ö'wiawökönö ötjönö kwiyobe chedobetjö̧ chöwaisa, ökwöma ötjönö kwo̧'wo wa̧na̧lö ösödo̧ja, jö̧ba̧lö— jö̧ba̧lijetö ángelma.

2 Reyes 6:9

Jo̧kwaijayonö, jobekwö yöba̧lakwawö omudawö tjujuniökwe, Dios ömöayo̧ Eliseoma yöbawo̧nö weinobe Israel la'aka luwo̧nö yöawobö, —Yenama kwöbaledoko, Siria jojodöma jobe ju̧kwawö tjiteada̧lobetjö̧, —jö̧ba̧lö.

Isaías 50:1

Baikwö wanedö yöawobe Diosma, israel jojodönö: Chitji̧mu, kwojo'donö, tajawedö jelobekwö öbibö tje'ewinada? Jobujunö kabatibö, chilekwonö katatibobö wȩyukwöja chi̧wȩyudajabetjö̧, jobujunö öbibö tje'ewinaji̧? Ja̧danö ökwödö chi̧tji̧mubedö, ju'wedö tjömöayedö bakibaduwanö kwö̧jaduwi̧ma, ju'wedönö chumusidobetjö̧, ju'wedö tjömöayedö bakibaduwanö iyö lotinaji̧? Ja̧maökö chitji̧mu, ökwödö sulabenö ja̧bö kwö̧jaduwobetjö̧, iyö lotinawö̧ja. Kwojo'doduwibi ja̧danö, sulabenö ja̧bö jö̧jinobetjö̧, jelobekwö öbibö tje'ewinoko.

2 Reyes 2:7

Ja̧danö, Jordan ojwebe kwebachö tji̧'yonö, Dios yöawi̧ yöbawadötjö cincuentabedöma ödökwönönö ja̧nö, eda̧lö kwetjachinobe, ja̧danö Eliasbi, Eliseobi ojwe ö'öbö tjö̧jonö, jobadöma ödökwönönö ja̧nö tjeda̧linobe.

2 Reyes 2:15

Jobekwö baledi̧ tjedinobe Jericonö ju̧kwadö Dios yöawi̧ yöbawadöma, ja̧danö badeibö Eliseonö tjedenama, edö yötja̧linobe, —Aaa, ajayinö Dios ujulutjö Elias ujuna̧linama, Eliseoda ujuna̧lobe babema, —jö̧ba̧lö. Ja̧danö Eliseo ichobekwö 'ya̧wibö, öba a'o bȩbachibö tjöbamatinobe, —Duluwo̧ja, —jö̧ba̧lö.

Proverbios 22:7

Ja̧danö, ju'wibi yötawa: Isabenö, balada juna̧ladöma jwibadö tjuluwedödanö tjuju̧kwobe, jwibadönö webadö. Ja̧danö, ju'wibi: Juna̧lo̧tjö balada balewo̧ma öbalewajökwenö umusidobetjö̧ midö eminökwedanö ö̧jobe.