2 Reyes 3:10 - Dios Iwene

¹⁰ Jobekwö ojwiyo 'dö̧ibiökwe, Israel la'aka luwo̧ Joramma yöa̧linobe, —Ayö, Isabenö Jo̧ma ökwödö Israel la'aka luwo̧nöbi, Juda la'aka luwo̧nöbi, Edom la'aka luwo̧nöbi baikwö dichibobö jwöajabe, Moab la'aka luwo̧nö iyö loobö, ökwödönö ujuluwakobetjö̧, —jö̧ba̧lö.

2 Reyes 3:10 Referans Kwoze

Isaías 51:20

Kwitji̧muduwima, 'dö̧bachajadö, comunidad mana ö'wejenö nijinö ba̧jadö, ja̧danö jobe ba̧nö, yama mayanö do̧tja̧tajökwedanö ichejekwadö, tjö̧jiboböma jwitjobetjö̧. Jau, jobadönö baledaja̧ma, baikwö labebö lobö yöta̧la, kwuluwo̧duwi Isabenö Jo̧ Diosma jwiinö ödameakwobe jobadönö, ja̧danö jobadönö lȩbebö, inesö ödameakwi̧ jobadönö lȩebajabe.

Isaías 8:21

Jobadöma tjo̧'wo tjo̧bekwö, ja̧danö a̧wi̧chi̧ tjöbö israel niji ö'wejenö kwebachö tjö̧jakwedö, ja̧danö a̧wi̧chi̧ lö̧jawö̧ tjö̧dameakwakwedö, ja̧danö tjome suli̧nö sulabenö yötja̧lakwedö. Jau, dameakwö ja̧nö, möakwö edö sulabenö yötja̧lakwedö tjuluwo Diosnöbi, tjuluwo̧ bö̧jȩ jojo la'aka luwo̧nöbi.

Proverbios 19:3

Ja̧danö, ju'wibi yötawa: Isabenö, bakwo̧ jweinö omukwatökönö ö̧jobetjö̧ itedada wene jwöbekwo̧. Jobekwö jo̧banö wene nöinö baledena iteda jawaijayonö Isabenö Jo̧nöda o'wo̧ sulinö edö labinö jwöbeba̧lo̧, ökwöda jawa, jö̧ba̧lö.

2 Reyes 6:33

Ja̧danö, jobekwö ina yö̧a̧lonö, la'aka luwo̧ weajökwe ichibinobe, ja̧danö ichibajo̧ yöawinobe, —La'aka luwo̧ma yöa̧lobe, –Tajawedö Isabenö Jo̧ Dios pjaatakwa̧ chiteada̧lobö? Babe wene döbaledi̧ma, Isabenö Jo̧ Diostjöda ichi̧, jo̧kwajabetjö̧, Dios pjaatakwo̧ jö̧ba̧lö chiteada̧loböma mikwawokobe, —jö̧ba̧lö la'aka luwo̧ yöa̧li̧ yöawinobe.

Génesis 4:13

Jejenö jö̧a̧lökwe: —¡Ayö! Nöinö lȩkebökwesa! Ja̧ lȩkebi̧ma cho̧'wo̧ 'dibachibö chö̧jökenanö— jö̧ba̧lijetö Caínma—.

2 Reyes 3:9

Ja̧danö, jobekwö yöba̧lakwawajadö, Israel niji la'aka luwo̧ Jorambi, Juda niji la'aka luwo̧ Josafatbi, Edom niji la'aka luwo̧bi bakobe tji̧'yinobe, Moab nijibema. Ja̧danö, jwaibalawa söpödö, jelemutjö dötölataja möle kwetjachaja̧ ikenama, ojwiyo 'dö̧tjekwajinobe, tjömöayedö ölakwabikwawadö tjowakwa̧bi, tjajwimu tjökömanö ichadö tjowakwa̧bi.

2 Reyes 3:11

Jobekwö yöa̧liökwe, Juda luwo̧ Josafatma abebö a̧ja̧kwinobe: —Isabenö Jo̧ Dios yöawi̧ yöbawo̧ deiji̧, jo̧banö Dios yöawi̧ abebö da̧ja̧kwoböma? —jö̧ba̧lö. Abebö a̧ja̧kwiawö̧, Israel luwo̧ ömöayedötjö bakwo̧ yöawinobe, —Ajayinö Elias ömöayo̧ ji̧na, Eliseo mikwo̧ma ökwödökwö ö̧jobe, —jö̧ba̧lö.