2 Reyes 23:11 - Dios Iwene

¹¹ Ju'wibi ja̧inobe Josiasma. Josiastjö ajayinö ji̧nadö Juda la'aka luwedö Mölȩ jawo̧nö ösödö, ösödakwawa jawa batjibanö 'da̧batö tjujuninobe kabayudönöbi, kolukiyabi, ja̧danö la'aka luwo̧ ömöayo̧ Natan-melec eju pjeanö, Isabenö Jo̧ eju teachakwawemi pjeanö tjujuninobe. Ja̧danö, jobadö kabayudönö jobetjö laebinobe, ja̧danö ja̧ ösödakwawa jawa kolukiya juwö loinobe Josiasma.

2 Reyes 23:11 Referans Kwoze

2 Reyes 23:5

Josiasma isabenö jwiinö söbebö loinobe ju'wedönö ösödakwawama. Josiastjö ajayinö ji̧nadö la'aka luwedöma, ö'weje pjabatadönö 'da̧batö tjujuninobe, Jerusalen comunidad pjeanöbi, jelobe Juda niji ba̧kwemeachibanö möemiteniatjö iyawa kwabö juwö tjiyobö. Ja̧danö, Josiasma jobadö ö'weje pjabatadönö, ö'weje pjabatadö tjö̧ji̧tjö laebinobe, ja̧danö ju'wibi, Baalnöbi, möle jawo̧nöbi, yöte jawo̧nöbi, ju'wedö mölejȩnö lö̧jadönöbi ösödö omewi̧ jawa juwö otidadönö, juwö tjotidi̧tjö latjebobö weinobe Josiasma.

Deuteronomio 4:19

Ja̧danö mölejȩbe edö, mölejȩnö la̧jadönö jawo̧nöbi, yö̧te jawo̧nöbi, si̧li̧'idönöbi kwösödaduwoböma omukwatökönaduwi. Ju'wedöma ö'öbönö kwomukwataduwobö öbibö yötja̧lena, –Mölejȩnö la̧jadönö dösödobö otiwa, –jö̧ba̧lö, jo̧kwaijayonö sulabenö öbibö yötja̧li̧ma ösödökönaduwi, ja̧danö jobadönö bȩbachibö ösödökönaduwi. Jau chömöledö, duluwo̧ Isabenö Jo̧ Diosma bö̧jȩ ba̧kwemeachibanö ju̧kwadönö pjabatö, jobadö mölejȩnö la̧jadönö jobe tjö̧lobö öninobe, jo̧kwaijayonö ja'yubebi jobadönö kwösödaduwobö jwiobe, Diosnöda kwösödaduwobö jo̧be.

1 Crónicas 26:18

Ja̧danö jawo̧ meajobekwö Parbar ötjabemi, jelemutjö bakwo̧bedö tjiteada̧lobö ji̧nobe. Jobadötjö ö'wejemubedö mana tjiteada̧lobö ji̧nobe, ja̧danö Parbar ötjabemi teachakwawemi du̧ju̧taja tjiteada̧lobö ji̧nobe.

Diosnö ösödo̧ Job mikwo̧ usula emawina jawa 31:26

—Ju'wibi, möle jawo̧ idejatobe edö, jadanö yö̧te jawo̧ otiwi̧ edö,