2 Reyes 2:12 - Dios Iwene

¹² Ja̧ baledi̧ edinobe Eliseoma, ja̧danö edö jwöeba̧linobe, —Chabe'do Elias, chabe'do. Ökwö Israel niji ju̧kwadötjö inesö tjöbeba̧lö pjabato̧nö Dios emajabe!—jö̧ba̧lö. Ja̧danö, Eliseo ö̧jelö debi baibinobe Eliasma, edökenanö. Jobekwö edajo̧, o̧'wo tjo̧achö iteda ökamiji̧do̧ kȩ'ekwö loinobe, dö̧do̧lataja baibanö.

2 Reyes 2:12 Referans Kwoze

2 Reyes 13:14

Eliseoma jwiinö 'dö̧achinobe, ja̧danö ja̧ 'dö̧achi̧tjö ö'wö baibo jö̧a̧linobe. Jobekwö ö'wöchiökwe, Israel la'aka luwo̧ Yoasma jo̧banö edö i̧'yinobe, ja̧danö öba a'o ubudekwinobe, —Chabe'do Eliseowe, israel jojodötjö kolukiyanö ölakwabikwawadödanö, ja̧danö kabayudönö wanö ölakwabikwawadödanö juluwajibo̧we, —jö̧ba̧lö.

Apocalipsis 11:12

Jemi ikenama, mölejȩbetjö iwene ökwi̧ma, Baikwö kabekwachajaduwi, jö̧ba̧lö, jwöobe. Ja̧danö, jobadönö öpöjödadö tjeda̧lonö mölejȩbekwö katjekwajobe ojwiyo'wonö.

Efesios 4:8

Jejenö laebobe Dios iwenetjö, baikwö: Mölejȩbe kaekwajena ujuluwajawö̧nö öbibö kabekwajijetö. Jobetjöma ömöledönöda otiwa jawa iyabijetö. Jejenö laebobe Dios iwenetjöma.

2 Corintios 5:4

Jau chömöledö, ina bi'o böjȩsa'onö dö̧jayi, usula emawö ö̧ö̧ö̧ jö̧ba̧lö jwödobe. Jo̧kwaijayonö, jejenö jwödi̧ma, ö'wö badibobö dösödobetjö̧ jejenö jwödökö chömöledö, bajalekwönönö ji̧ ja̧kwawa dujuna̧lowe jö̧ba̧lö jejenö jwödobe, ja̧danö babe woawasa'oma, ja̧kwawa jawasa'o baibanö balewachowe jö̧ba̧lö jejenö jwödobe.

2 Corintios 5:2

Jau chömöledö baikwö wanedö yötawa: Ina diteba'o böjȩsa'onö ja̧nö, ö̧ö̧ö̧, balekwa'o mölejȩbesa'o 'dudawowe jö̧ba̧lö jwödobedanö ichejekwa,

Hechos 1:9

Ikenama jejenö yöbawajo̧nö Diosma mölejȩbe kaekwajinö ja̧bijetö Jesúsnöma, jojodö tjeda̧lonö. Kaekwajemi ojwiyo'wo tjöatibobetjö̧ jojodöma yainöma edijöködötö Jesúsnöma.

Juan 3:13

¿Dakwö tjöwaisobö jojodöma, mölejȩ tjö̧ji̧ jawa? Jojodötjö bakwo̧bi deobe böjȩnö jo̧ma, mölejȩbe kabekwachajinama. Isabenö yötawa. Ötjö, mölejȩbetjö weinökwe, jojo baibanö jeminökweda mölejȩbe katekwachajakwo̧ma— yöawinobe Jesúsma Nicodemonöma. Ina yöawinobe:

Lucas 24:51

Ja̧danö, ina Diosnö aebonö, tjö̧jelötjö labebö mölejȩbe kaekwajinobe.

Lucas 2:15

Jemi ikenama ángelesdö mölejȩbe tjȩwa̧jinobe, ja̧danö tjȩwa̧ja ikena, o̧bȩja̧dönö te'ada̧ladöma yötja̧lakwawinobe baikwö: —¡Belenbe 'ya̧nö dedajaduwo dakwö baledajobö jö̧ba̧lö! Duluwo̧ ökwödönö yöawaja̧ baledi̧ma dedajaduwo— jö̧ba̧lö.

Marcos 16:19

Ikenama yöba̧lö kaatena Diosma mölejȩbe kaekwajinö ja̧bijetö Jesúsnöma. Jobe mölejȩbema Jesúsma Dios öwaisobekwöchobe bamatijetö.

Isaías 37:21

Jemi ikenama Isaiasma yöawi̧ weinobe Ezequiasnö: —Baikwö yöawobe Isabenö Jo̧, Israel jojodö tjösödökwe Diosma ökwönö: –Ezequias, otiwanö akebajabe, Asiria la'aka luwo̧ Senaqueribnö, ja̧danö otiwanö akebi̧tjö,

Isaías 37:15

Ja̧danö Isabenö Jo̧ öba a'o ja̧nö, baikwö aebinobe Ezequiasma:

Proverbios 30:4

Ja̧danö, baikwö abebö cha̧ja̧kwaijatö, kwomukwataduwobö: Mö̧lȩjebe 'ya̧nö Diosnö edinö yöbawö ȩwa̧jo̧ma ¿ö̧jobeji̧? Deobe. Ja̧danö, jwa̧lȩ'ȩpjo ömamunö do̧batö emo̧ma ¿ö̧jobeji̧? Deobe. Ja̧danö, jwai balawa ökamijido̧nö jwabebö emo̧ma ¿ö̧jobeji̧? Deobe. Ja̧danö, bö̧je okobe jwiinö ju'wedö tjitebo, ju'wedö tjitebo ö'öbö tjöekwa ba̧ja̧dö juno̧ma ¿ö̧jobeji̧? Deobe. Jo̧badanö jo̧nö kwöwaisitjö̧ma jo̧ba imi yökawotjö, ja̧danö i̧tji̧mu̧ tji̧mi̧bi yökawotjö. Isabenö yötawa: Deobe, jobekwö ja̧bö jo̧ma.

Hechos 27:24

baikwö yöawatö: Pablo, yekabi. Ina debö kwebachö̧kö̧ja. Isabenö ökwöma Roma la'aka luwo̧ César öba a'otjö kwö̧jakobe. Ja̧danö, Diosma ökwönö lȩlö̧jino edö, ökwönöbi ökwökwö kwebachadönöbi pjaatakobe, kwö̧jibaduwinö ja̧bö. Jejenö yöawatö Dios weajökwe ángelma.

Isaías 37:4

Jo̧kwaijayonö chedemi kwuluwo̧ Isabenö Jo̧ Diosma Asiria la'aka luwo̧ yöawi̧ yöbawo̧ yöa̧laja̧ a̧ja̧kwajena, 'yaba̧lo̧ Diosnö obö sulabenö yöa̧laja̧ma. Ja̧danö a̧ja̧kwajo̧, kwuluwo̧ Isabenö Jo̧ Diosma öpöjödö, jobadönö lȩebena. Jo̧kwajabetjö̧ ökwönö ateba Isaias, Diosnö akebobö, ökwödö Juda niji ju̧kwadötjö ina 'ya̧ba̧ladönö pjaatakobetjö̧, –jö̧ba̧lö yöa̧lobe duluwo̧ Ezequiasma, —jö̧ba̧lö Isaiasnö yötja̧linobe.

Proverbios 11:11

Ja̧danö, ju'wibi yötawa: Diosma jweinöda yöba̧lö ju̧kwadönö ösödö pjaatobetjö̧ jobadö tjiteboma otiwanö jo̧be. Jo̧bekwö jokobe sulabenö omukwatadö tjiteboma. Sulabenö omukwatadö tjiteboma sulamachibobe, jobadöma jwiinö sulabenöda yöba̧lö tjö̧jobetjö̧.

Diosnö ösödo̧ Job mikwo̧ usula emawina jawa 22:30

Isabenö sulabenö ja̧böködönö tjö̧jibinö pjabato̧ Diosma Job, jo̧kwajabetjö̧ Dios wei̧ a̧ja̧kwö, otiwanö ja̧bö kwö̧jitjö̧ma, isabenö kwö̧jibinö pjaatakwo̧, —jö̧ba̧lö yöa̧linobe Elifazma, Jobnö.

Génesis 37:34

Ja̧danö, Israelma yelösöda o̧'wo̧ tjo̧ baibökwe ökamijido̧ kȩ'ekwijetö. Ikenama leluwo̧ babibajo̧ma, pjewökado̧ 'dubawijetö. Itji̧minenö omukwata̧lö o̧'wo̧ tjo̧bekwijetö lekwe möle.

2 Reyes 2:13

Ja̧danö, Elias mölejȩbe kaekwajenama, ökamiji̧do̧ wamesa̧do̧ma nijakwö meinobe, jo̧kwajabetjö̧ ja̧do̧ eminobe Eliseoma. Ja̧danö, tjeachajinobe Jordan ojwebe, ja̧danö ojwe ö'öbö öjamatinobe.

2 Reyes 5:13

Jo̧kwaijayonö, Naaman ömöayedöma ö̧jobekwö ichibö, bakwo̧ dösölö̧jinö yöa̧linobe, baikwö: —Chabe'do Naaman, Dios yöawi̧ yöbawo̧ ökwönö waiyi̧ jawa weatjö̧ma, öpöjödökönö ja̧köbo jö̧ka̧lajena, jö̧tö? Ja̧danö ökwönö weaja̧ma, –Ojwenö kwidichawitjö̧ma, lepra jwiinö kwö̧jakwo̧ja, –jö̧ba̧lö weaja̧ma, waiyökö ji̧ chabe'do. Weaja̧ kwa̧ja̧kwobö otiwena, a̧ja̧kwö ja̧köbakwa̧ji̧? —jö̧ba̧lö.

2 Reyes 6:21

Ja̧danö, Israel la'aka luwo̧ jobadönö edenama, Eliseonö abebö a̧ja̧kwinobe, —Chabe'do Eliseo, bidönö kwabö lotakwa̧ji̧? Babeda jobadönö kwabö lotakwaji̧? —jö̧ba̧lö.

Génesis 5:24

Isabenö jo̧bama Dioskwö jwaikwöda 'yi̧abijetö. Ikenama Enocma wobökönö omöna debi̧ babibijetö böjȩtjöma, Diosma mölejȩbe kaekwachajinö ja̧obetjö̧.

Jueces 17:10

Atadökwe, Micaiasma abebö yöa̧linobe, —Ötjökwö kwöjo, Diostjö ötjötjö dö̧'da̧de pjabato̧ bakibanö. Jau, chabe'dodanö babibö, dö̧'da̧de pjabato̧ kwotidobö chösöda, ja̧danö jejenö otidö kwö̧jitjö̧ma, otiwanö chimidakwo̧sa, o̧bakwena plata ö̧pi̧biya domulataja jawa ö̧pi̧biya chimidocha, ja̧danö kwö̧ka̧mijido̧ chiyocha, ja̧danö kwu̧kwa kwukwobö chiyocha, —jö̧ba̧lö aebinobe.