2 Reyes 19:6 - Dios Iwene

⁶ jobadönö yöa̧linobe Isaiasma: —Baikwö yökawaduwo kwuluwo̧duwi Ezequiasnö: –Isabenö Jo̧ yöawi̧ma baikwö laebobe: Yebabökönuwi Ezequias. Asiria la'aka luwo̧ ömöayedö ötjönö sulabenö yötja̧laja̧ a̧ja̧kwajo̧, jobadönö yebabökönui.

2 Reyes 19:6 Referans Kwoze

2 Reyes 18:35

Ja̧danö okobe deinö ju'wedö tjitebotenia jojodö tjösödawö̧tjö, dite ömöledönö tjö̧jibinö pjaatinada, jobadönö chujuluwapji jö̧ba̧löma? Deobe, jö̧tö? Jo̧kwajabetjö̧ ju'wibi öwawinö öwawobe, Isabenö Jo̧ma la'akatjöda pjaatökakwo̧, Jerusalen comunidadbi chujuluwapji jö̧ba̧lö, –chuluwo̧ Asiria luwo̧ yöawi̧ yötawaduwakwö, —jö̧ba̧lö yöawinobe yöbawo̧ma.

2 Reyes 18:17

Jo̧kwaijayonö, jobekwö iyajayonö, yayonö Asiria la'aka luwo̧ma iteda ömöayedönö, ölakwabikwawadötjö la'aka luwo̧nöbi, eju teada̧ladötjö la'aka luwo̧nöbi, yöawi̧ la'aka yöbawo̧nöbi weinobe, ba̧jȩkwadö ölakwabikwawadönö öbibö, Jerusalenbe 'yanö Ezequiaskwö yötja̧lakwawobö. Ja̧danö, Jerusalenbe ichibajadö, kamisi dichawemibe 'ya̧kwawama mananö tjöjamatinobe, möakwö ojwese'dotjö i̧sa̧la sotjinemi bajale ö'öbö.

Apocalipsis 13:6

Ja̧danö, webö ja̧nö, jwiinö sulabenö, öpöjödö yöba̧lo̧ Diosnöma, Diosma mikwawö̧kö̧, sulabo̧, jö̧ba̧lö. Dios ö̧jemi mölejȩbebi, sulabenö yöba̧lo̧, Dios ö̧jemima jwiinö sulemi, jö̧ba̧lö. Ja̧danö, okobe deinö mölejȩnö ju̧kwadönöbi, Sulabedö, jö̧ba̧lö, yöba̧lo̧.

Isaías 51:7

Ökwödö weti̧ a̧ja̧kwö ju̧kwadöma, kwomajadeduwinö, —Dios wei̧ma inesö mikwawi̧ a̧ja̧kwö dö̧jobö, —jö̧ba̧lö ösödadöma, ökwödönö yöta̧li̧ kwa̧ja̧kwaduwo: Jojodö ökwödönö obö, sulabenö yötja̧li̧jayonö, jobadönö yekabiduwoko, ja̧danö sulabenö yötja̧li̧ a̧ja̧kwö, kwo̧'woduwi tjo̧kekwaduwoko.

2 Reyes 18:30

Jau, Ezequiasma ökwödönö yöa̧lena, –Isabenö Jo̧ma isabenö dö̧jibinö pjaatakwo̧, ditebo comunidad Asiria la'aka luwo̧ ujuluwapji jö̧ba̧lö, dö̧jibinö pjaatakwo̧, –jö̧ba̧lö yöa̧lena. Jobekwö yöa̧litjö̧ma, yöa̧li̧ kwösödaduwoko, isabenö waekwakobetjö̧.

2 Reyes 6:16

Yöa̧lökwe, —Yebabökönui chömöayo̧, tjö̧ba̧jekwijayonö, ökwödökwö ju̧kwadö ölakwabikwawadöma, jobadö tjö̧ba̧jȩkwi̧tjö bajalekwönönö ba̧jȩkwadö pjabatö tju̧ju̧kwobe, —jö̧ba̧lö atadinobe.

Josué 11:6

Jejenö tjo̧ko̧kwiökwe, Josuema israel ölakwabikwawa jojodönö öbibö i̧'yinobe Merom ojwese'dobe. Ja̧danö, tjichibakwa̧ abönö, Isabenö Jo̧ma Josuenö yöawinobe, —Idö ko̧ko̧kwadönö yekabobö jwiobe Josue, isabenö jobadönö kwujuluwobö chiyakobetjö̧. Jau Josue, isabenö israel jojodö jobadönö kwabö lotjobö chiyocha, itekwayi, babedajayena baibakwa̧ abönö, ida̧ökö okobe deinö jobadönö kwabö loköbaduwakwedöja. Ikenama, jejenö jobadönö juluwajadö, tja̧jwi̧mu ka̧bayudö tji̧se'bo ja'önö 'wikebaduwo, kabayudöma otiwanö ö'öbakwawöködö batjibanö, ja̧danö kolukiyama juwö loköbaduwo, —jö̧ba̧lö yöa̧linobe Isabenö Jo̧ma Josuenö. Ikenama Josuema ömöayedö ölakwabikwawa jojodökwö ichibö meibinobe Meromtjö ko̧ko̧kwajadönö. Tjichibaja̧ wajwitjonö, juluwanö metjibinobe,

Deuteronomio 20:1

Tupakwö yöawinobe Moisesma, israel jojodönö: —Chömöledö, kwöpöjojodöduwinö ölakwabikwawö lakebaduwenama, tja̧jwi̧mu kabayudönöbi, kolukiyabi juna̧ladönö kwedaduwena, ja̧danö ökwödötjö bajalekwönönö ba̧jȩkwadö ölakwabikwawadönö kwedaduwena. Jejenö ökwödötjö bajalekwönönö juluwadönö kwedaduwijayonö, jobadönö yekabiduwoböma jwiakobe chömöledö, baikwö yötawa: Kwöwaisaduwa, kwuluwo̧duwi Isabenö Jo̧ Diosma, iteda ujulu i̧sȩbö Egipto nijitjö lakebaduwinö ichejebinobe, ja̧danö jo̧bada ökwödökwö ö̧jakwo̧ chömöledö. Ja̧danö jo̧ba inesö juluwo̧da ökwödökwö ja̧nö pjaatobetjö̧, kwöpöjojodöduwinö yekabiduwoböma jwiakobe chömöledö.

Éxodo 14:13

Jejenö jwötjeba̧lökwe: —Chömöledö yekabiduwa. Kwo̧'woduwi 'dibachibö ja̧duwi. Makö kwedaduwakwedöja Isabenö Jo̧ ökwödö kwö̧jibaduwinö pjaati̧ma. Ja̧danö, kwö̧jibaduwinö pjaatobetjö̧ idö Egipto jojodö ichadö, babe kwedaduwawö̧nöma yemidanöma kwedaduwökakwawö̧.

2 Reyes 19:5

Ezequias ömöayedö jobekwö yöba̧lö tjichibiökwe,

2 Reyes 19:22

Tinö oköbinada Senaquerib, tinö juluwö̧kö̧ jö̧ba̧lö kwöpöjödinada? Ötjödasa juluwo̧ma jö̧ba̧lö, tinö öpöjödö jwökeba̧linada Senaquerib? Ötjö Israel jojodö tjösödökwe Sulabe Jwibo̧ Diosnöda sulabenö kwöpöjödajabe Senaquerib.

Isaías 10:24

Jo̧kwajabetjö̧ baikwö yöawobe Isabenö Jo̧ Okobe Jwiinö Juluwo̧ Diosma: —Chömöledö Jerusalennö ju̧kwadö, Asiria jojodönö yekabiduwoko. Damötjö Egipto jojodö ö̧sö̧'anö kwakwatjinadanö, ja̧danö ökwödönö kwatjotö jö̧ba̧lö tjotokwa'o katjebinadanö idö Asiria jojodöbi ja̧tjijayonö, jobadönö yekabiduwoko, baikwö yötawa: