2 Reyes 19:2 - Dios Iwene

² Ju'wibi ömöayedö Eliaquinnöbi, Sebnanöbi, Diostjö jojodötjö ö'weje pjabatadötjö luwedönöbi weinobe, epju̧yu̧nö kalukaa̧do̧ 'dubawö, Dios yöawi̧ yöbawo̧ Isaiaskwö yötja̧lakwawobö.

2 Reyes 19:2 Referans Kwoze

Isaías 1:1

Baikwö laebobe Dios yöawi̧, Amos itji̧ Isaias mikwo̧nö i̧sȩbö yöawina jawa. Juda niji inesö la'aka luwedö Uzias mikwo̧bi, Jotan mikwo̧bi, Acaz mikwo̧bi, Ezequias mikwo̧bi bakwo̧nökwena webö tjö̧jonö, Diosma iteda yöawi̧ i̧sȩbö yöawinobe Isaiasnö, Jerusalen comunidad baledakwa̧ jawabi, ju'wi Juda niji baledakwa̧ jawabi. Jadanö ja̧ yöawinama baikwö laebobe:

Isaías 2:1

Baikwö laebobe Dios Isaiasnö i̧'wi̧didanö i̧sȩbina jawa, yadakwö Juda niji baledakwa̧bi, Jerusalen comunidad baledakwa̧bi:

Lucas 3:4

Ja̧ Juan yöawi̧ma, Dios yöawi̧ yöbawo̧ Isaias iwȩyudina badekwachinö yöawinobe. Baikwö iwȩyudinobe Isaíasma, Juan yöawakwa̧ wenema: Jojodö deobetjö bakwo̧ jwöeba̧lakobe, Duluwo̧ma juluwanö ichakwo̧, jo̧ba ichakwa̧ma mana dotidaduwo, jweinö ichakobetjö̧.

Mateo 4:14

Ja̧ baledi̧ma, Dios yöawi̧ yöbawo̧ Isaías mikwo̧ iwȩyudinadanö baledinobe. Baikwö iwȩyudinobe Isaíasma:

2 Reyes 18:18

Ichibajadö, inesö la'aka luwo̧ Ezequias ichobö jwötjinobe, ja̧danö ichibö jwötjiawö̧, Ezequias ömöayedöma jobadökwö yötja̧lakwawobö tji̧'yinobe, Ezequias eju teada̧lakwawa luwo̧ Eliaquin mikwo̧bi, wȩyukwa luwo̧ Sebna mikwo̧bi, weawa wȩyu̧kwa luwo̧ Joa mikwo̧bi.

2 Samuel 3:31

Ikenama Davidma Joabnöbi, okobe deinö ju'wedö jo̧bakwö ju̧kwadönöbi weinobe: —Abnernö o̧tjö̧ di̧'yonö, kwö̧ka̧mijido̧ kȩekwö, kamijido̧ epju̧yunö kalukaa̧do̧ 'dubawö, Abner iteba'o abönö kwebachö kwubudekwaduwo, —jö̧ba̧lö. Ja̧danö, Abnernö o̧tjö̧ tji̧'yena, Davidma iteba'o a̧ja̧pjo ökömanö kweachinobe, chömöledöso̧nö do̧tjo̧be jö̧ba̧lö.

2 Reyes 12:10

Ja̧danö, ida̧ökö nöinö balada a̧jobe, jö̧ba̧lö tjedenama, inesö la'aka luwo̧ ömöayo̧ secretario jawa otido̧bi, ö'weje pjabatadötjö la'aka luwo̧bi ichö, isapjonö a̧ji̧ balada tjö̧ba̧ja̧dinobe, ja̧danö ba̧jadajadö, tuda'wijunö tjaninobe.

2 Reyes 19:3

Weawö̧, Isaias ö̧jobekwö tji̧'yinobe, ja̧danö ichibajadö, yötja̧linobe baikwö: —Duluwo̧ Ezequiasma baikwö yöa̧lobe: –Babe mölema, inesö do̧'wo tjo̧ekwi̧ möle, döpöjojodö jwiinö sulabenö ökwödönö yöba̧lö, dötabakwobö yötja̧lobetjö̧. Dö̧ji̧ma baikwö wanedö yöta̧la, Metu'wo ju̧ju, ida̧ökö jitji̧nö jemakwa̧ möle badekwachijayonö, jemobö jujulu jwibujudanö ichejekwadösa, ja'yubebi juluwöködösa.