2 Reyes 17:10 - Dios Iwene

¹⁰ Jau, mösa'iju wa̧pekwa'oteniatjöbi, towibiya teebetjöbi o̧'wo jawanö ösödakwawa o'iju tjujuninobe, ja̧danö Asera ötjabokonö ösödakwawa o'iju tjujuninobe,

2 Reyes 17:10 Referans Kwoze

2 Reyes 16:4

Ju'wibi, Jerusalentjöda Diosnö kwabö juwö iyo jö̧a̧linajayonö, jelobetenia möemiteniatjöbi, towi teebeteniatjöbi sulabenö kwabö juwö iyöbi, omewi̧ jawa juwöbi ja̧bö ö̧jinobe Acazma.

Éxodo 34:13

Jo̧kwaobetjö̧ jobadö tjo̧'wo jawa tjösödi̧ jawa, juwö iyawapjobi, inawiya ödöi̧ öwiya junawa öwiyabi 'dobö loköbaduwo. Ja̧danö, towitjö otikwa Asera mikwuju o̧'wo jawa löbö loköbaduwo.

Isaías 57:5

Ökwödöma Diosnöda kwösödaduwo jö̧ka̧laduwijayonö, encina towibiya jȩnabi, okobe jwiinö ju'wi towibiya teebebi, jwaikwöda o̧'wo jawa ösödadöja. Ja̧danö o̧'wo jawa ösödö, wabekotjöbi, inawa ötölatjöbi, kwitji̧muduwinö kwabö iyadöja.

Deuteronomio 16:21

Tupakwö yöawinobe Moisesma: —Ja̧danö chömöledö, kwuluwo̧duwi Isabenö Jo̧ Diosnö iyawöte kwotidaduwenama, jöte ö'öbönö ju'wedö tjösödoko Aseranö ösödakwawowi towima kwujunaduwoko,

Éxodo 34:12

Ja̧danö, jobe tekachaja̧duwa ikena tjöbeba̧löjinö kwö̧jaduwo jobe ju̧kwadökwö. Jobadönö yöka̧laduwoko, bakobe ösödinö dö̧jobö yöba̧lakwawö dujuno, jö̧ba̧lö. Jejenö yöba̧lakwawö kwujunaduwoko, jobadö tjö̧ji̧ma 'daliwanö kwö̧libaduwi̧danö ötjibapji jö̧ba̧lö, jobadökwö pjakacha̧laduwinö.

2 Reyes 17:11

ja̧danö möemitenia jobadönö kwabö juwö tjiyinobe, töba a'otjö Isabenö Jo̧ a'dewö loinawö̧ sulabenö ja̧bö tjö̧jinadanö. Jwiinö sulabenö ja̧tjinobe israel jojodöma, Isabenö Jo̧ jobadönö ödameakwenanö baibanö.

Deuteronomio 16:22

ja̧danö ju'wibi jobe inawatjö otikwa'o o̧'wo jawanö ösödakwawa'oma kwujunaduwoko. Kwuluwo̧duwi Isabenö Jo̧ Diosma ja̧ ösödakwawama jwiinö öpöjödo̧ chömöledö, jo̧kwajabetjö̧ ja̧köbaduwoko jejenöma.

Isaías 2:8

Ju'wibi nöinö o̧'wo jawa tjemajabe, tjitebo o̧'wo jawatjö su̧'be baibenanö kabatö, ja̧danö idöda tjotidinawö̧, idöda tjömamunö, idöda tjötö'iyanö tjodidinawö̧nö bȩbachibö ösödadö, sulabenö.