2 Reyes 16:5 - Dios Iwene

⁵ Ja̧danö, Acaz Juda la'aka luwo̧ ö̧jonö, Siria la'aka luwo̧ Rezin mikwo̧bi, Israel la'aka luwo̧ Peka miwko̧bi Juda nijibe ölakwabikwawö tjichinobe, ja̧danö Acaznö tjujuluwotö jö̧ba̧lö Jerusalen comunidad tjötjösawinobe, jo̧kwaijayonö tjujuluwobö jwiinobe.

2 Reyes 16:5 Referans Kwoze

2 Reyes 15:37

Ju'wibi, Jotam la'aka luwo̧ ö̧jonö, Isabenö Jo̧ jamatö weinobe, Siria la'aka luwo̧ Rezin mikwo̧bi, Israel la'aka luwo̧ Peka mikwo̧bi Juda nijibe ichö tjölakwabikwawobö.

Isaías 8:6

—Bidö chömöledöma, dösölö̧jinö chiteada̧li̧ öpöjödadö, baikwö wanedö yöta̧la: Chiteada̧li̧ma, ojwe buluwöködö Siloe tjo̧'omanö isuwobedanö ichejekwijayonö, jobadönö chiteada̧li̧ öpöjödadö, ja̧danö öpöjödö, tjöpöjojodö Siria niji la'aka luwo̧ Rezinnöbi, Israel niji la'aka luwo̧ Peka mikwo̧nöbi yebabinö omukwatö tjö̧bawadö.

Isaías 7:14

Jobekwö sulabenö ja̧köbiökwe, i̧sȩbakwa̧ jawa Dios i̧sȩbobö akebököjayonö, yayonö Dios i̧sȩbakwa̧ jawa yötawakwö baikwö: Möayujuma metu'wo babibaju, jitji̧nö jemakobe, ja̧danö emaju, Emanuel jö̧ba̧lö jimidakobe jitji̧nö, Diosma ökwödökwö jo̧ jö̧ba̧lö.

1 Reyes 11:36

Jo̧kwaijayonö jwiinö 'dötebökakwo̧sa, Salomon itji̧ la'aka luwo̧ ö̧ji̧ma, ina bakwaso la'aka luwo̧ ö̧jobö chujunibakwo̧sa. Jau, Jerusalen comunidad 'da̧batö chujunajabe, ötjö Isabenö Jo̧ chitebo comunidad baibanö, ja̧danö chömöayo̧mine David itji̧mu tupadanö jojodö ba̧kwelöjatebö jobe Jerusalentjö chöba a'otjö luwedö tjö̧jobö chösödobetjö̧, ina jobe bakwaso la'aka luwo̧ ö̧jobö wetakwo̧sa.

1 Reyes 15:4

Jo̧kwaijayonö, sulabenö ja̧bö ö̧jinajayonö, a'dömine Davidnö omukwatö, jo̧banö söbebö loinokobe Isabenö Jo̧ma. Sulabenö ja̧bö ö̧jijayonö, yayonö ö'wö baibaja̧ ikenama itji̧mu tupadanö jojodö ina Jerusalentjö luwedö tjö̧jobö weinobe, jadanö ju'wibi Jerusalen comunidad tjöbeba̧lö pjaatinobe Diosma, tjöpöjojodö söbebö lotjapji jö̧ba̧lö.