2 Reyes 12:21 - Dios Iwene

²¹ Jobadö Joasnö kwabö lobinadöma, yöne ömöayedö Simeat itji̧ Josacar mikwo̧bi, Somer itji̧ Jozabad mikwo̧bi. Ja̧danö ö'wö babibajo̧nö tjo̧tjinobe a'dödökwö, a'dö David itebo comunidad ötjabena. Ja̧danö, Joas la'aka luwo̧ öjinemi, itji̧ Amasiasma la'aka luwo̧ baibinobe.

2 Reyes 12:21 Referans Kwoze

2 Reyes 14:1

Joacas itji̧ Yoas Israel la'aka luwo̧ ö̧jayi, ida̧ökö dötölataja o̧biya baledibanö webö ö̧jenama, Juda la'aka luwo̧ Joas itji̧ Amasias mikwo̧ma, Juda la'aka luwo̧ baibinobe.

2 Reyes 13:1

Juda la'aka luwo̧ Joas öjayi, ida̧ökö veintitres o̧biya baledibanö webö ö̧jenama, Jehu itji̧ Joacaz mikwo̧ma Israel la'aka luwo̧ baibinobe, ja̧danö diecisiete o̧biya baledibanö, Samaria comunidadnö ja̧nö webö ö̧jinobe.

2 Samuel 5:9

Ja̧danö 'diinö tjöekwobe Jerusalen comunidad juluwajo̧, Davidma jobe pjolachö ö̧jinobe itebo baibanö. Ja̧danö ja̧ comunidad imidinobe, David itebo comunidad jö̧ba̧lö. Ja̧danö Davidma nöinö comunidad tjotidobö weinobe, jalobe baibanö. Milo ötjabobetjö jamatö, comunidad okwa baibanö nöinö tjotidinobe.

1 Reyes 15:27

Ja̧danö, Isacarsaso jojo bakwo̧, Ahias itji̧ Basa mikwo̧ma, omukwatö ujuninobe, Nadabnö suli̧ öwaedakwa̧ma, ja̧danö omukwatö ujunaja̧danö, Nadabnö kwabö loinobe. Baikwö baledinobe Nadabnö kwabö loinama: Nadabbi, okobe deinö ömöayedö ölakwabikwawa jojodöbi, Filisteo jojodökwö tjölakwabikwawinobe, ja̧danö filisteo jojodö tjitebo comunidad Guibeton tjujuluwotö jö̧ba̧lö, tjösawibö tjö̧jinobe. Ja̧danö, jejenö tjösawö tjö̧jemi ja'ötjö, Basama Nadabnö kwabö loinobe,

2 Reyes 9:14

Baikwö laebobe Jehu iteda uluwo̧ Joram wei̧ kabatibö, jo̧banö ujuluwina wenema: Ajayinöma Joramma okobe deinö Israel jojodötjö ölakwabikwawa jojodökwö, Ramot de Galaad comunidadnö tjöbeba̧lö ö̧jinobe, Siria la'aka luwo̧ Hazaelma israel niji tebachö ujuluwapji jö̧ba̧lö.

2 Reyes 9:27

Juda niji la'aka luwo̧ Ocoziasma ja̧ baledobe edinobe, ja̧danö edajo̧, iteda iteakanö döibajinobe, Bet-hagan comunidad jo̧bekwö. Ja̧danö jo̧banöbi luinobe Jehuma, ja̧danö ömöayedönö weinobe, —Ocoziasnöbi 'böbaduwinö, —jö̧ba̧lö. Ja̧danö, iteaka kolukanö a̧jonö Ocoziasnö 'bötjinobe, Ibleam comunidad pjeanö, nöchawemi Gur ötjabemi nöchawemi ja'ötjö. 'Bötjökwe, tupakwö döibajinobe, Meguido comunidadbe, ja̧danö jobe Meguido comunidadtjö ö'wö baibinobe Ocoziasma.

2 Reyes 10:9

Ja̧danö, ikena möle dewachenama, labebö jojodö tjöba a'o jamatö yöa̧linobe jojodönö: —Chömöledö, ökwödöma kwuluwo̧mine Joram wei̧ kabatibinöködöja, ötjödasa chuluwo̧nö katatibobö omukwatinasa, ja̧danö omukwatajo̧ jo̧banö kwabö lobinasa̧. Jo̧kwajabetjö̧ Joramnö kwabö loawama, ökwödö jawamaökö, ja̧tjö wene jwibadöja. Jo̧kwaijayonö, ötjöma bidö ju'wedö Acab itji̧munö kwabö lobinö̧kö̧sa, tida bidönö kwabö lobinama?

2 Reyes 14:5

Ja̧danö, la'aka luwo̧ baibaja̧ ikenama, Amasias ida̧ökö 'diinö ja̧nö webö ö̧jenama, ömöayedötjö abe'do Joasnö kwabö lobinadönö lȩekwa weinobe, ja̧danö Joasnö kwabö lotjinobetjö̧, balekwa mikwa jobadönö kwabö loinobe.

2 Reyes 14:19

Amasias ö'wö baibina wene baikwö laebobe: Amasias ömöayedö Jerusalennö ju̧kwadötjö ju'wedö jo̧banö kwabö lotjobö omukwatö tjujuninobe, ja̧danö jo̧banö kwabö lotjakwa̧ öwaisachibajo̧, Laquis comunidadbe döibajinobe Amasiasma. Jo̧kwaijayonö, ju'wedönö wetjinobe, Amasiasnö lubö, Laquis comunidadbe tji̧'yobö, ja̧danö Laquis comunidadtjö Amasiasnö kwabö lotjinobe.

2 Reyes 15:10

Ja̧danö, Jabes itji̧ Salum mikwo̧ma omukwatö ujuninobe, uluwo̧ Zacariasnö kwabö loobö, ja̧danö Ibleam comunidadtjö jo̧banö kwabö loinobe, ja̧danö Zacarias webö ö̧jinemi, Salumda israel la'aka luwo̧ baibinobe.