2 Reyes 11:2 - Dios Iwene

² Jo̧kwaijayonö, ju'wedö Ocozias itji̧munö kwabö lojonö, Ocozias öpöo, la'aka luwo̧ Yorammine itjiju Josaba mikwujuma, Ocozias itji̧ bajaliya jojo Joas mikwo̧nö ö̧jibinö pjajatinobe. Atalia ju'wedönö kwabawö lojonö, Josabama Joasnöbi, Joasnö teada̧lujunöbi jotojinobe, jelȩko̧ abȩko̧ okwa. Jobekwö ju'wedö Joas öpöedönö Atalia kwabawö lojonö, Joasnö ö̧jibinö tjotojinobe, ja̧danö ö̧jibinobe.

2 Reyes 11:2 Referans Kwoze

Proverbios 21:30

Ja̧danö, ju'wibi yötawa: Isabenö Jo̧ma ökwödö domajadenö domukwati̧ma waiso̧. Ja̧danö, ökwödö jojodöma yöda̧lena, Ökwödöma jweinö omukwatadösa̧, ja̧danö, di̧ya sulojobö jö̧ba̧lö, di̧ya otiwojobö jö̧ba̧lö waisadösa, ja̧danö, baledakwa̧ma ajayinö omukwatadösa, jö̧ba̧lö. Jobekwö domukwatijayonö Isabenö Jo̧ma ökwödö domukwati̧ öpöjöditjö̧ma weena domukwati̧danö badekwachinö waekwobö. Isabenö ¿dakwö badekwachoböda ökwödö domukwati̧danö Isabenö Jo̧ma öpöjöditjö̧ma? Badekwachokobe.

2 Reyes 11:21

Jobekwö inesö la'aka luwo̧ babibö, jamatö webö ö̧jenama, la'aka luwo̧ Joasma jelemutjö dötölataja o̧biya ujuna̧linobe.

2 Reyes 8:19

Jo̧kwaijayonö, sulabenö ja̧bö ö̧jijayonö, yayonö itebosaso Judasaso söbebö looböma öpöjödinobe Isabenö Jo̧ma. Ömöayo̧mine Davidnö otiwanö omukwatobetjö̧, ja̧danö Davidnö, —Kwitji̧mu tupadanö jojodö ba̧kwelöjatebö webö tjö̧jobö wetocha, —jö̧ba̧lö yöbawö ujuninobetjö̧, Yoram sulabenö ja̧bö ö̧jijayonö, Juda jojodönö söbebö loinokobe.

2 Reyes 8:16

Acab itji̧ Joram israel niji laaka luwo̧ ö̧jayi, ida̧ökö bakwamu jawa o̧biya baledibanö webö ö̧jenama, ja̧danö Yoram abe'do Josafat mikwo̧ ina Juda la'aka luwo̧ ö̧jayi, Josafat itji̧ Yoram mikwo̧ma Juda niji la'aka luwo̧ baibinobe.

1 Reyes 6:10

Ja̧danö ö'öböseju otidinama, i̧sȩkokwena dos metro veinticinco centimetronö möakwö otidinobe, jadanö cedro okwi'ijunö Dios eju tjöekwemi dötewinö ji̧nobe. Jobekwö otidö kaatinobe, o̧dosakama.

1 Reyes 6:8

Ö'öböseju apjudema, a̧li̧kwöchobe bajale ji̧nobe, jadanö nijibesȩko̧ okwa, wi̧so̧winö nöchawaka ji̧nobe, ikenasȩkobe tjönöchobö, ja̧danö ikenasȩkotjö, mösȩkobe nöchawakabi ji̧nobe.

Éxodo 8:3

Nilo ojwetjöma jwo̧i̧döda tjuju̧kwakobe su̧'bȩ baibanö chömöledönö kakatakwawökötjö̧ma. Ja̧danö, jödötjö labekwö kweju okwa tjetjachakobe, kwö̧lȩko̧nöbi tebachö, ja̧danö ku̧kwa kamapjonö wa̧jö. Ja̧danö, kwömöayedö tjejunöbi, kwömöledö tjejunöbi tjetjachakobe jwoi̧döma. Ba̧i̧ toawakiju okwabi, pan yo̧awa'di̧ju okwabi tja̧jakobe jwo̧i̧döma.

Jueces 9:5

Ja̧danö, ömöayedönö öbibö, Ofra comunidadbe i̧'yinobe, abe'do Gedeon ejube, ja̧danö ichibajo̧, okobe deinö yö̧ne ömöledö Gedeon itji̧munö kwabawö loinobe. Inaba nöabatjö, okobe deinö jobadönö kwabawö loinobe, bakwawatjö. Okobe deinö Gedeon itji̧mutjö, sule bakwo̧da, bajaliya jojo Jotan mikwo̧da ö̧jibinobe. Ju'wedönö kwabö lotjijayonö, Jotanma u̧ju̧kwawinobe, ja̧danö jobadötjö̧ ö̧jibinobe.

2 Reyes 11:3

Ja̧danö, ja̧ möle tupakwö, jelemutjö bakwöta o̧biya baledibanö Atalia webö jö̧jonö, Isabenö Jo̧ eju okwa ju̧kwawö ö̧jinobe Joasma öja'u Josabakwö.

2 Reyes 12:1

Jehu israel la'aka luwo̧ ö̧jayi, ida̧ökö jelemutjö dötölataja o̧biya baledibanö webö ö̧jenama, Joas mikwo̧ma Juda la'aka luwo̧ baibinobe, ja̧danö cuarenta o̧biya baledibanö Jerusalentjö webö ö̧jinobe. Joas ojo'doma, Beerseba comunidad jojosuju Sibia mikwuju.

1 Reyes 11:17

Jo̧kwaijayonö, ju'wedö debö tji̧'yonö, Hadadma jobetjö döbibajö ö̧jibinobe. Ja̧ möle Hadadma ina tjemu ö̧jinobe, ja̧danö abe'do ömöayedö edomitas jojodötjö ju'wedökwö döibajinobe Egipto nijibe.

1 Crónicas 3:11

Ja̧danö Josafat itji̧ma Yoram mikwo̧. Ja̧danö Yoram itji̧ma Ocozias mikwo̧. Ja̧danö Ocozias itji̧ma Joas mikwo̧.