2 Reyes 10:4 - Dios Iwene

⁴ Iwȩyudiawö̧, jwiinö yetjaibinobe Samaria jojodöma, ja̧danö yötja̧lakwawinobe, —Ayö, du̧ju̧taja la'aka luwedö Jorambi, Ocoziasbi ite Jehu öba a'o tjö̧jobö jwibinadö, jo̧ba öba a'o ö'wö batjibinobe. Jobekwö baledinobema, ökwödöma dakwö öba a'o ja̧nö dölakwabikwawobö, waekwena, —jö̧ba̧lö.

2 Reyes 10:4 Referans Kwoze

2 Reyes 9:27

Juda niji la'aka luwo̧ Ocoziasma ja̧ baledobe edinobe, ja̧danö edajo̧, iteda iteakanö döibajinobe, Bet-hagan comunidad jo̧bekwö. Ja̧danö jo̧banöbi luinobe Jehuma, ja̧danö ömöayedönö weinobe, —Ocoziasnöbi 'böbaduwinö, —jö̧ba̧lö. Ja̧danö, iteaka kolukanö a̧jonö Ocoziasnö 'bötjinobe, Ibleam comunidad pjeanö, nöchawemi Gur ötjabemi nöchawemi ja'ötjö. 'Bötjökwe, tupakwö döibajinobe, Meguido comunidadbe, ja̧danö jobe Meguido comunidadtjö ö'wö baibinobe Ocoziasma.

2 Reyes 9:24

Ja̧danö, öba a'o döibajiökwe, Jehuma okobe jwiinö ujulunö 'böpö sedatö Joramnö 'böinobe, ja̧danö nayunu 'böajanuma, Joram öböbe'o ö'wejenö söibinobe, omajade okwa söibinö. Jobekwö söibiökwe, iteaka koluka okwa mebö ö'wö baibinobe Joramma.

Lucas 14:31

Ja̧danö ju'wibi yötawa, chöba̧ja̧di̧ waisachadö bakibaduwakwa̧ abönö otiwanö kwomukwataduwo ötjökwö kwichaduwojobö kwichaduwokojobö jö̧ba̧lö. Baikwö wanedö yötawa: Bakwo̧ la'aka luwo̧, iteda ömöayedö guardia jojodökwö kwakwabö i̧'yakwa̧ abönö, isabenö öpöjojonö ujuluwojobö jö̧ba̧lö ¿omukwatökenaji̧? Isabenö omukwatena chömöledö, öpöjojoma iteda ömöayedö guardia jojodö veinte mil jenanö ömöayedökwö ichitjö̧ma, jo̧bakwö kwakwabö laebakwa̧ abönö bamatö omukwatena, iteda ömöayedö diez milbedökwö öpöjojonö ujuluwakwojobö jö̧ba̧lö, ¿jö̧tö?

Isaías 27:4

dameakwö̧kö̧sa, chöbatjobedönö. —Chöbatjobedönö pjatatobö jö̧ta̧la, tjöpöjojodö sȩakadanö ichejekwadönöbi, ju'wi sula'wodanö ichejekwadönöbi chölakwabikwawobö jö̧ta̧la. Ja̧danö jobadökwö chölakwabikwawobö ji̧tjö̧ma, jobadönö ja̧tö lotena, ja̧danö juluwajo̧, jobadönö juwö lotena.

2 Reyes 10:3

kwuluwo̧mine itji̧mu tupadanö jojodötjö bakwo̧nö omudawö kwujunaduwo, ju'wedötjö bajalekwönönö webö ö̧jobö waiso̧nö. Ja̧danö, jo̧banö omudawö junajadö, abe'do ö̧jinemi inesö la'aka luwo̧ iteakanö ö̧bobö kwujunaduwo. Ikenama, ötjökwö ölakwabikwawö kwö̧jaduwo, kwuluwo̧ Acab ömöledönö chujuluwapji jö̧ba̧lö, —wȩyudö weinobe Jehuma.

Diosnö ösödo̧ Job mikwo̧ usula emawina jawa 41:8

Kwöwaisa Job, bakwötanöbi jo̧banö kwujuluwobö kwölakwabikwawitjö̧ma, isabenö labinö ölakwabikwawakwo̧, ja̧danö kwujuluwobö jö̧ka̧laja̧ma waekwena, jö̧tö? Jau, labinö ölakwabikwawaja̧ la'akatjöda kwo'wo sökibökena, jadanö la'akatjöda yemidanö jo̧banö kwujuluwobö kwisakwökena, –Jwiinö chujulutjö bajalekwönönö juluwo̧, –jö̧ba̧lö.