2 Reyes 10:30 - Dios Iwene

³⁰ Isabenö Jo̧ weina a̧ja̧kwö, okobe deinö Acabmine ömöledönö söbebö loinobe, ja̧danö ja̧ weina a̧ja̧kwiökwe, Jehunö yöawinobe Isabenö Jo̧ma: —Wetina a̧ja̧kwö, otiwanö chösödi̧danö okobe deinö Acab ömöledönö söbebö loköbajabe, chomajadenö jo̧banö baledakwa̧ omukwatö chujuninadanö badekwachinö. Ja̧danö, ja̧ wetina kwa̧ja̧kwinobetjö̧, isabenö otiwanö pjatatakwo̧sa ökwönö, ja̧danö la'aka luwo̧ kwö̧jinemi, ökwö kwitji̧mu tupadanö jojodöbi luwedö tjö̧jobö wetakwo̧sa, kwitji̧bi, kwö̧'dö̧bi, kwö̧'dö itji̧bi, kwö̧'dö̧ ö̧'döbi inesö la'aka luwedö batjibanö, la'aka luwo̧ iteakanö tjöbamatobö chiyakwo̧sa, —jö̧ba̧lö yöbawö ujuninobe Isabenö Jo̧ma.

2 Reyes 10:30 Referans Kwoze

2 Reyes 10:35

Ja̧danö, Jehuma ö'wö baibinobe, ja̧danö ö'wö babibajo̧nö tjo̧tjinobe, Samaria comunidadtjö. Ja̧danö, Jehu la'aka luwo̧ ö̧jinemi, itji̧ Joacazma Israel inesö la'aka luwo̧ baibinobe.

2 Reyes 13:1

Juda la'aka luwo̧ Joas öjayi, ida̧ökö veintitres o̧biya baledibanö webö ö̧jenama, Jehu itji̧ Joacaz mikwo̧ma Israel la'aka luwo̧ baibinobe, ja̧danö diecisiete o̧biya baledibanö, Samaria comunidadnö ja̧nö webö ö̧jinobe.

2 Reyes 14:23

Juda la'aka luwo̧ Amazias ö̧jayi, quince o̧biya baledibanö ida̧ökö webö ö̧jenama, Israel la'aka luwo̧ Yoas itji̧ Jeroboan mikwo̧ma israel la'aka luwo̧ baibinobe, ja̧danö cuarenta y un o̧biya baledibanö, Samaria comunidadnö ja̧nö webö ö̧jinobe.

2 Reyes 13:10

Juda la'aka luwo̧ Joas öjayi, ida̧ökö treinta y siete o̧biya baledibanö webö ö̧jenama, Joacaz itji̧ Yoas mikwo̧ma Israel la'aka luwo̧ baibinobe, ja̧danö dieciseis o̧biya baledibanö, Samaria comunidadnö ja̧nö webö ö̧jinobe.

1 Reyes 21:29

—Chöba a'otjö Acab –Mikwawö̧kö̧sa, –jö̧ba̧lö i̧sebaja̧ kwedaji̧? Baikwö yötawakwö, lȩtebakwa yötawajökwe, chöba a'otjö, –Mikwawö̧kö̧sa, –jö̧ba̧lö, o̧'wo tjo̧achi̧ i̧sȩbö jo̧, ja̧danö jejenö ö̧jobetjö̧, iteda ina 'ya̧alayima ömöledönö lȩtebökakwo̧sa, itji̧da la'aka luwo̧ ö̧jenada, okobe deinö ömöledönö söbebö lobö lȩtebocha, —jö̧ba̧lö yöawinobe Isabenö Jo̧ma, Eliasnö.

1 Reyes 21:22

Jau Acab, chödameakwinö jaköbajabe, jadanö israel jojodö sulabenö ja̧tjobö weköbajabe, jo̧kwajabetjö ökwönö lȩbebö söbebö lotocha, baikwö yötawa: Ökwötjö ajayinö ji̧nadö la'aka luwedö Jereboanbi, Basabi tjömöledö deinö batjibanö lȩtebinadanö, ökwötjö tupadanö jojodönöbi söbebö lotocha, ji̧bo̧ bakwo̧bi deinö, —jö̧ba̧lö Dios yöawi̧ yöawinobe Eliasma.

1 Reyes 20:42

Jemi ikenama Dios yöawi̧ yöbawo̧ jo̧banö yöawinobe, —Baikwö yöbawo̧ Isabenö Jo̧ma ökwönö, –Ötjöma omudawö chujunijatö, Ben-adadma isabenö ö'wö baiböbö jo̧be, –jö̧ba̧lö, jo̧kwaijayonö, jejenö omudawö chujuninajayonö, jo̧banö kwabö lobökönö, ejatö loköbajabe. Jo̧kwajabetjö̧, jo̧ba ö'wö baibo jö̧a̧linemi, ökwöda ö'wö bakibobö ja̧kobe, ja̧danö jo̧ba ömöledö usula tjemawo jö̧tja̧linemi, ökwöda kwömöledöda usula tjemawakwedö, —jö̧ba̧lö.

2 Reyes 14:29

Ja̧danö, Jeroboanma ö'wö baibinobe, ja̧danö a'dödö ajayinö israel la'aka luwedöbinadökwö tjo̧tjinobe. Ja̧danö, Jeroboan webö ö̧jinemi, itji̧ Zacariasma israel la'aka luwo̧ baibinobe.