2 Reyes 1:4 - Dios Iwene

⁴ Jobekwö sulabenö abebö kwi̧'yaduwiökwe, baikwö yöawobe Isabenö Jo̧ma, kwuluwo̧duwi Ocoziasnö: -Ökwöma kwö̧bapjo camapjotjö kwa̧la̧ibökakwo̧ja, isabenö a̧la̧ibökönö, ö'wö bakibakwo̧ja, –jö̧ba̧lö yökawo Ocozias ömöayedönö, —jö̧ba̧lö weinobe angelma. Ja̧danö weökwe, a̧la̧ibö i̧'yinobe Eliasma, ja̧danö weaja̧danö yöawinobe Ocozias ömöayedönö.

2 Reyes 1:4 Referans Kwoze

Génesis 3:4

— Isaö̧kö̧. Omöna yöbawö ujuninobe. Woköbaduwökakwedöja— jö̧ba̧lijetö ako̧'dama isujunö—.

Proverbios 11:19

Ja̧danö, ju'wibi yötawa: Bakwo̧, isabenö ötjöma Dios wei̧da a̧ja̧kwö chö̧jo, jö̧ba̧lo̧ma o̧'wo̧ ösöwanö lekwe ö̧jakwo̧. Jobekwö ö̧jokobe suli̧ jawada isakwo̧ma. Suli̧ jawada isakwo̧ma debö i̧'yakwo̧.

2 Reyes 1:16

La'aka luwo̧ Ocozias öba a'o ichibajo̧, jo̧banö yöawinobe Eliasma: —Baikwö yöawobe Isabenö Jo̧ma ökwönö: –Ocozias, ökwöma kwömöayedönö weköbatö, Ecron jojodö tjösödökwe Baal Zebub ötjabökwenö abebö tja̧ja̧kwobö, jö̧tö? Tajawedö jobekwö weköbaja̧da? Kwedemi bemi israel nijitjö, Dios deobetjö̧, ju'wedö tjitebo jojodö tjösödökwenöda abebö kwa̧ja̧kwobö jo̧beji̧? Ötjönöda abebö kwa̧ja̧kwo jö̧ka̧lajabe. Jo̧kwajabetjö̧ baledakwa̧ baikwö yötawakwö, kwö̧bapjo kamapjotjö a̧la̧ibökönö, isabenö ö'wö bakibakwo̧ja, –jö̧ba̧lö yöawobe Isabenö Jo̧ma, —Ocoziasnö yöawinobe Eliasma.

1 Samuel 28:19

Ja̧danö, ju'wibi yötawakwö Saul, Isabenö Jo̧ma ökwönöbi, ju'wedö israel jojodönöbi filisteo jojodö tjujuluwobö weakobe itekwayima, ja̧danö itekwayi ökwöbi, kwi̧tji̧mu ömadöbi, ö'wö babibö ötjökwö kwö̧jaduwakwedöja. Isabenö Jo̧ma isabenö weakobe, filisteo jojodöma kwömöayedö israel ölakwabikwawa jojodönö tjujuluwobö, —jö̧ba̧lö yöawinobe Samuelma Saulnö.

Proverbios 14:32

Ja̧danö, ju'wibi yötawa: Dios wei̧ a̧ja̧kwö jo̧ma, otiwanö ja̧bö ö̧ji̧ma jo̧banö ite'ada̧li̧danö te'ada̧lobe labi̧ jawatjö ö̧jibinö. Jobekwö baledokobe sulabenö omukwato̧nöma. Sulabenö omukwato̧ ö̧ji̧ma itenöda nöinö wene jwöebakwa̧, wene ujuna̧li̧tjö̧ ö̧jibökönö.

2 Reyes 1:6

Abebö a̧ja̧kwawö̧, —Bakwo̧ ökwödönö öbadekwajinobe, ja̧danö badekwajo̧, ökwödönö yöbawö weinobe: –Tjebachajö, ökwödönö webina la'aka luwo̧nö yökawaduwonö: -Isabenö Jo̧ Diosma baikwö yöawobe: Ocozias, tajawedö Ecron jojodö tjösödökwe Baal Zebubnö abebö tja̧ja̧kwobö weköbobeda? Kwedemi Israel nijitjö Dios deobeji̧? -Chitebotjö deobe Diosma, -jö̧ba̧lö ju'wedö tjitebo jojodö tjösödökwenöda abebö tji̧'yobö weköbaji̧? Jobekwö sulabenö weköbobetjö̧, kwö̧bapjo camapjotjö kwa̧la̧ibökakwo̧ja, isabenö a̧la̧ibökönö ö'wö bakibakwo̧ja, –jö̧ba̧lö ökwönö yödawobö weatö, —jö̧ba̧lö yötjawinobe.

1 Reyes 14:12

—Ja̧danö ökwö Jeroboan ilekwonö baikwö wetakwö, a̧la̧ibö kwejube kwȩwa̧jo̧. Ja̧danö, kwitebo comunidadbe kwichibenama, jenada ö'wö baibakwo̧ kwi̧tji̧ma.

2 Reyes 1:5

Yöawiawö̧, juluwanö la'aka luwo̧ Ocozias ö̧jobekwö tjȩwa̧jinobe, ja̧danö juluwanö tjichibiökwe, —Tajawedö juluwanö tjekachajaduwada? —jö̧ba̧lö abebö a̧ja̧kwinobe.

1 Reyes 18:2

Weökwe, Acab öba a'o öwawachobö i̧'yinobe Eliasma. Ja̧ möle baledi̧ baikwö laebobe. Lekwe ojwiyo o̧bokobetjö, nöinö a̧wi̧chi̧ lö̧jinobe Samaria comunidadtjö.

2 Reyes 8:10

Abebö a̧ja̧kwökwe, —Tjebachajö jo̧banö yökawo, –Isabenö 'dö̧kachi̧tjö kwö̧bibakwo̧ja, –jö̧ba̧lö. Jo̧kwaijayonö, baikwö yötawakwö, Isabenö Jo̧ma ötjönö i̧sȩbajabe, –Isabenö ö'wö baibakwo̧ Ben Adadma, –jö̧ba̧lö, —atadinobe Eliseoma.

2 Reyes 20:1

Ja̧ möle jenanö, la'aka luwo̧ Ezequiasma jwiinö 'dö̧achinobe, ö'wö baibo jö̧a̧lenanö. Ja̧danö, Dios yöawi̧ yöbawo̧ Isaiasma ichibö yöawinobe, —Baikwö yöawobe Isabenö Jo̧ma ökwönö, –Juluwanö ö'wö bakibakwo̧ja, bi̧ya kwö'wöchi̧tjö kwö̧bibajökakwo̧ja, jo̧kwajabetjö̧ ö'wö bakibaja̧ ikena jawa webö yökawo kwömöledönö, —jö̧ba̧lö yöawinobe Isaiasma.