2 Reyes 1:1 - Dios Iwene

¹ Israel jojodötjö inesö la'aka luwo̧ Acab mikwo̧ ö̧jayima, Moab jojodöma israel jojodö tjö̧möayedö tjö̧jinobe. Jo̧kwaijayonö Acab ö'wö baibaja̧ ikenama, Israel tjö̧möayedö tjö̧ji̧tjö latjebotö jö̧ba̧lö, wetji̧ a̧ja̧kwökönö katjatibinobe.

2 Reyes 1:1 Referans Kwoze

2 Samuel 8:2

Ja̧danö, Moab niji jojodönöbi ujuluwinobe Davidma. Jobadönö juluwajo̧, ölakwabikwawa jojodönö weinobe nijinö isa'ba wapö'bakwa baibanö tjö̧bamatobö. Ikenama dö'balataja ba̧jadönö kwabö loinobe, ja̧danö jele'banö ba̧jadö tjö̧jibobö weinobe. Jemi ikenama ji̧bajadöbi, ju'wedö Moab niji jojodöbi David ömöayedö batjibinobe, o̧ba bakwabakwena tjiteatjö Davidnö midadö batjibanö.

1 Crónicas 18:2

Ja̧danö, Moab niji jojodönöbi ujuluwinobe Davidma. Jemi ikenama, ujuluwajawö̧, Moab niji jojodöma David ömöayedö batjibinobe, o̧ba bakwabakwena tjiteatjö Davidnö midadö batjibanö.

2 Reyes 8:22

Jobekwö laebobe Edom jojodö Juda jojodö tjujulutjö tjö̧jibina wenema, ja̧danö ja̧ möle Libna comunidad jojodöbi Juda jojodö wetji̧ katjatibinobe.

2 Reyes 8:20

Yoram la'aka luwo̧ ö̧jonö, Edom jojodöma Juda jojodö wetji̧ katjatibinobe, ja̧danö idöda tjösödökwe la'aka luwo̧nö tjujuninobe.

2 Samuel 8:6

Ikenama, juluwajo̧, Damasco comunidadtjö iteda ömöayedö ölakwabikwawa jojodö tju̧ju̧kwemi ujuninobe, siria jojodönö wetjobö. Jo̧kwajabetjö̧ jobadö siria jojodöbi David ömöayedö batjibinobe, o̧bakwena tjiteatjö Davidnö midadö batjibanö. Okobe jwiinö David ölakwabikwawö ö̧ji̧ma, Isabenö Jo̧ma Davidnö pjaatinobe, ja̧danö okobe deinö öpöjojodönö ujuluwobö weinobe.