2 Pedro 3:11 - Dios Iwene

¹¹ ¿Dakwö kwomukwataduwa chömöledö? Jejenö okobe jwiinö dedi̧ma jejenö ubö jwiinö baibakobema, ¿böjȩ jawada omukwatö kwö̧jaduwobö otiwenaji̧? Ja̧maökö chömöledö, sulabenö ja̧bökönö Dios ösödi̧ ja̧bö kwö̧jaduwo chömöledö.

2 Pedro 3:11 Referans Kwoze

1 Pedro 1:15

Jau chömöledö, ökwödönö jwöbina Diosma sulabe jwibo̧, ¿jö̧tö? Jo̧kwajabetjö̧, ökwödöbi okobe jwiinö ja̧bö kwö̧ja̧duwi̧ sulabenö ja̧bökönö kwö̧jaduwo chömöledö.

Filipenses 1:27

Chömöledö, baikwö wetaduwakwö: Ba̧kwȩlö̧jatebö otiwa jawa wene ösödadö otiwanö ja̧bö tjö̧ji̧danö ja̧bö kwö̧jaduwo chömöledö, ökwödökwö chö̧jitjö̧bi, detitjö̧bi ökwödönö yötjawi̧ cha̧ja̧kwakobetjö̧: Filipos jojodöma bakwainö ösödö 'diinö pjolachibökönö ju̧kwadötö jö̧ba̧lö, ja̧danö biya̧da isabenö wene jö̧ba̧lö, bakwainö omukwatö bakobe otiwa jawa wene tjöbeba̧lö ju̧kwadötö jö̧ba̧lö cha̧ja̧kwakobetjö̧.

1 Pedro 2:12

Jau chömöledö, ökwödöma Diosnö ösödöködö tjö'da̧de ja̧nö, otiwanö ja̧bö kwö̧jaduwo, otiwanö ja̧bö kwö̧ja̧duwi̧ tjedakobetjö̧. Ajayinöma isabenö ökwödönö wanedö sulabenö ja̧badö jö̧ba̧lö yötja̧lena chömöledö, jo̧kwaijayonö jwaikwöda otiwanö ja̧bö kwö̧jaduwitjö̧ma, otiwanö ja̧bö kwö̧jaduwi̧ edö tjöwaisachibena, Aaa, Jesúsnö ösödadöma isabenö otiwanö ja̧bö ju̧kwadö, jö̧ba̧lö. Ja̧danö chömöledö, jejenö tjöwaisachibobetjö̧, 'dö̧ibaji̧ möle Dios ichakwa̧ möle badekwachenama, jo̧banö tjösödena, Otiwo̧ja, jö̧ba̧lö.

2 Pedro 3:12

Jau chömöledö, Duluwo̧ yemidanö ichakwa̧ kwite'ada̧laduwonö, Dios ösödi̧ ja̧bö kwö̧jaduwo, Dios lȩebakwa̧ möle juluwanö baibowe jö̧ba̧lö. Jau chömöledö, ja̧ möle baibenama, mölejȩ juwö loakobe Diosma, ja̧danö mölejȩnö ji̧ma, okobe jwiinö ubö jwiinö baibakobe.

1 Timoteo 6:11

Jau Timoteo, ökwöma Dios ömöledöso̧ja, jo̧kwajabetjö̧, biya̧ yötawaja̧ sulabenö ja̧awatjö döbibaji, sulabenö ja̧bökönö. Dios ömöledöso̧köbobetjö̧, ju'wida isakwö kwö̧jobö jo̧be, ja̧ma biya̧: Dios ösödi̧danö ja̧awa kwisakwo, ja̧danö Diosnö ösödö jo̧ba ösödi̧danö ja̧bö kwö̧jobö kwisakwo. Ja̧danö, kabatökönö Cristonö kwo̧'wo̧ wana̧lö kwö̧jobö kwisakwo, ja̧danö jwaikwöda kwömöledö Cristonö ösödadönö kwösödobö kwisakwo. Ja̧danö, wene baibenabi kwo̧'wo̧ 'dibachibö me'dawachibökönö Cristonö kwo̧'wo̧ kwöwana̧lobö kwisakwo, ja̧danö otiwanö dösölö̧jinö jojodönö ja̧köbobö kwisakwo Timoteo.

Santiago 3:13

Chö̧ja̧wo̧dö ökwödötjö bakwo̧, waisanö omukwato̧ma, ja̧danö, Dios iwene jweinö waiso̧ma jo̧ba öwaisi̧ma i̧sekwobö jo̧be. Ja̧danö ¿dakwö i̧sekwobö jo̧beda? Biya̧ chö̧ja̧wo̧dö: Bakwo̧, jweinö waiso̧ma jojodönö dösölö̧jinö pjabato̧. Jejenö dösölö̧jinö pjabatö i̧sekwobe, Ötjöma Dios öibökwesa waisanö chomukwatobö, jö̧ba̧lö.

Filipenses 3:20

Jo̧kwaijayonö böjȩ jojodöböködösa ökwödöma, böjȩ jawada domukwato jö̧ba̧lö. Ökwödöma mölejȩ jojodösa chömöledö, ja̧danö dö̧jibinö pjabato̧ Duluwo̧ Jesucristo mölejȩbetjö ichakwa̧ te'ada̧lö dö̧jobe ökwödöma chömöledö.

Isaías 34:4

Okobe deinö si̧li̧'idöma, tibibö tjöwawökakwedö, ja̧danö ösöja do̧la̧chibi̧danö, mölȩjȩma do̧lachibakobe. Okobe deinö si̧li̧'idöma, tibibö tjodutjakwedö, towi öjiya kököbachibö tjoduwi̧danö, ja̧danö higo waji̧ kököbachibö tjoduwi̧danö, mölȩjȩbetjö tjodutjakwedö si̧li̧'idöma.

Isaías 14:31

Jo̧kwajabetjö̧ kwiteboduwi comunidad apjude a'o ja̧nö, kwubudekwaduwo, ökwödö comunidad jojodö yebabinö jwökeba̧laduwo, kwomajadeduwinö yebabinö kwö̧jaduwo, okobe deinö ökwödö filisteo jojodöma. Jau, imiyu'wo ichi̧danö, ökwödönö metjibakwedöma tjichobe, bakwo̧bi ime'dawachibökönö, ökwödönö metji̧bakwedö ölakwabikwawa jojodöma tjichobe, jo̧kwajabetjö̧ yekabiduwo, isabenö ökwödönö söbebö lotjakobetjö̧, —jö̧ba̧lö yöawobe Diosma, filisteo jojodönö.

2 Pedro 1:3

Chömöledö, Duluwo̧ma Diosdaobetjö̧, okobe jwiinö juluwo̧, ¿jö̧tö? Jau chömöledö, okobe jwiinö juluwo̧ duluwo̧ma, ja̧danö, ju'wibi, iteda ujulu ökwödönö iyobe, jo̧ba ujulunö Dios ösödi̧danö ja̧bö dö̧jobö. Jau chömöledö, Duluwo̧ma ökwödönö jwöinobe, iteda dejatinö ujulu ökwödöbi dujuna̧lobö, ja̧danö iteda inesö otiwi̧ ökwödöbi dujuna̧lobö. Ja̧danö chömöledö, jo̧banö waisadö dö̧jobetjö̧, iteda ujulu ökwödönö iyobe, jo̧kwajabetjö̧ ina böjȩnö dö̧jayi, okobe jwiinö juna̧ladösa, böjȩnö ina dö̧jayi Dios ösödi̧danö ja̧bö dö̧jakobetjö̧.

1 Timoteo 6:3

Ju'wedöma yötawaja̧danöma yöbawöködö, ja̧danö Duluwo̧ Jesucristo yöawi̧ öpöjödadö, ja̧danö Cristonö ösödadö ja̧bö tjö̧jo jö̧ba̧lö döba̧ja̧di̧ wene öpöjödadö.

1 Timoteo 4:12

Ina möayo̧danöbo̧ja Timoteo, jo̧kwaijayonö Dios ösödi̧danö ja̧bö ja̧kwawa i̧sebö kwö̧jo, ju'wedö edö tjöwaisachibobö. Ja̧danö, yöba̧lö kwö̧ji̧bi, ja̧danö ja̧bö kwö̧ji̧bi, ja̧danö jojodönö ösödö kwö̧ji̧bi, ja̧danö Jesúsnö ösödö kwö̧ji̧ma, bakwainö Dios ösödi̧danö ja̧bö ja̧kwawada i̧sebö kwö̧jo. Jejenö ja̧bö kwö̧jo Timoteo, jojodö, Aaa, bite möayo̧danöbo̧ Timoteo yöawi̧ma da̧ja̧kwoko, jö̧ba̧lö yötja̧lökakobetjö̧.

Mateo 8:27

Jejenö balediawö̧, Jesús öba̧ja̧di̧ waisachadöma tjöbajale jalaka baibanö yötja̧linobe: —Ayö, bitema ¿ditejayo̧jö? Jwa̧lȩ'epjobi, balawabi bite wei̧ a̧ja̧kwobe— jö̧ba̧lö.

Santiago 1:24

Jo̧kwaijayonö edaja̧ ikena o̧'wo̧ jwibibö, dichawökönö i̧'yobe. Chö̧ja̧wo̧dö, jejenö bakwo̧ Dios iwene a̧ja̧kwijayonö ja̧ iwenetjö yöawi̧danö i̧sekwökönö jo̧ma. Jo̧bama a̧ja̧kwijayonö a̧ja̧kwaja̧ ikena Dios iwenetjö laebi̧, jo̧ba ö̧jobö yöawi̧ma o̧'wo̧ jwibibo̧. Chö̧ja̧wo̧dö, jejenöma kwö̧jaduwoko.

1 Timoteo 3:16

Dösödi̧ wenema isabenö otiwa jawa wene Timoteo, jojodö ajayinö wajwitjina wene, Dios i̧sebina wenema. Ja̧danö bakwo̧bi, Aaa, sulabe wene, isa̧ökö wene, jö̧a̧loböma jwia. Ja̧ Cristo Jesús jawa wenema biya̧: Jo̧bama jojo baibanö öwawinobe. Jo̧banö i̧sebinobe Dios O̧'wo̧ Luwo̧ma, sulabe jwibo̧ jö̧ba̧lö. Jo̧banö tjedinobe ángelesdöma. Jo̧banö tja̧ja̧kwinobe böjȩ bakwameachibanö ju̧kwadö jojodöma. Jo̧banö tjösödinobe böjȩ bakwameachibanö ju̧kwadö jojodöma. Jo̧bama mölejȩbe kaekwajinobe.

1 Timoteo 6:6

Timoteo, do̧'wo̧ ösöwanö ja̧nö Diosnö ösödadöma, isabenö nöinö juna̧ladösa, do̧'wo̧ luwo̧ jawama.

Isaías 24:19

Bö̧jȩma bakobe 'daakobe, 'dabö pjo̧'yachajakobe bö̧jema, ja̧danö labinö tjö̧awakobe.

2 Pedro 1:6

Ja̧danö jemi tupakwö sulabenö kwösödaduwi̧ ja̧bökönö kwö̧jaduwobö kwisakwaduwo. Ja̧danö jemi tupakwö kwo̧'wo̧ 'dibachibö kwö̧jaduwobö kwisakwaduwo. Ja̧danö jemi tupakwö jwaikwöda Dios ösödi̧da ja̧bö kwö̧jaduwobö kwisakwaduwo.

Hebreos 13:5

Ja̧danö, ju'wibi yötawaduwakwö. Balada kwujuna̧laduwi̧dama omukwatö kwö̧jaduwoko chömöledö. Otiwanö omukwataduwi tjo̧wi̧ kwujuna̧laduwi̧ma, ju'wi jawabi, ju'wi jawabi, kabatökönö kwemaduwobö omukwatökönö. Chömöledö, ökwödöma jwiinö mikwawinö ji̧ juna̧ladöja, Diosma ökwödönö ile niebobetjö̧. Kwomukwataduwo Dios ökwödönö yöawina. Baikwö laebobe Dios iwenetjöma, iteda yöawina: Ökwödönö la'akatjöda le'dedibö chȩwa̧jökakwo̧sa. La'akatjöda ökwödönö katatibökakwo̧sa. Jejenö laebobe Dios iwenetjö, Diosma ba̧kwȩlö̧jatebö ökwödökwö jo̧, jö̧ba̧lö.

2 Corintios 1:12

Chömöledö, otiwanö ökwödönö ja̧bö dö̧jina wene yötawaduwakwö, ökwödönö sulabenöma ja̧binöködösa jö̧ba̧lö. Jau chömöledö, okobe jwiinö böjȩnö ja̧nö ja̧di̧ma, ja̧danö ökwödönö ja̧bö dö̧ji̧ma sulabenö ja̧bökönö dö̧jijatö, Dios pjaatonö jweinö ja̧bö dö̧jijatö chömöledö. Ja̧danö, ja̧bö dö̧jinama ökwödöda waisanö omukwatöma ja̧dijökötö chömöledö, Diosda lȩlö̧jinö edö ökwödönö pjaatobetjö̧, otiwanö ja̧bö dö̧jijatö chömöledö. Jejenö yötawaja̧ma, jweinö yötawa chömöledö, ja̧danö chomajadenö chöwaisa, isabenö yötawa jö̧ba̧lö.

Romanos 13:11

Ju'wibi yötawaduwakwö chömöledö. Kwöwaisaduwa, Dios ökwödönö dö̧jibinö ja̧akwa̧ möle ökwödönö böjȩtjö emakwa̧ mölema ida̧ökö yöneawachiba, jo̧kwajabetjö̧ ökwödönö yötawaja̧danö ja̧bö kwö̧jaduwo. Jau chömöledö, ajayi Jesúsnö dösödenama, ja'yubenö lekwijatö, ökwödönö iteda i̧tji̧munö emakwa̧ mölema, jo̧kwaijayonö ida̧ökö yöneawachiba dö̧jibakwa̧ mölema. Ja̧danö, wanedö yötawa chömöledö: Wilubaduwi,

Romanos 13:12

yö̧te böjȩnö dö̧ji̧ma juluwanö 'dö̧iba, dewachakwa̧ Dios ökwödönö emakwa̧ma yöneawachiba ida̧ökö. Jo̧kwajabetjö̧, yö̧te jawa kabatibö lodaduwo, yȩa'wo okwa jojodö ja̧tji̧ jawa, Dios öpöjödi̧ jawama. Ja̧danö, wanedö yötawa: Mölesado̧da 'dudawaduwo chömöledö, Dios ösödi̧ jawama. Ja̧ma tjöekwado̧danö ji̧, döpöjojo ökwödökwö ölakwabikwawobetjö̧.

2 Pedro 3:10

Jo̧kwaijayonö Duluwo̧ma lekwe ite'ada̧lijayonö, isabenö yemidanö ichakwo̧ chömöledö. Ja̧danö wanedö yötawa, naukwabo̧ ju'wedö tjomukwatokonö tebachö önaukwi̧danö, jojodö jo̧ba ichakwa̧ tjomukwatokonö ja̧ inesö lȩebakwa̧ möle baibakobe chömöledö. Ja̧danö, ja̧ baibenama, labinö ökwöobetjö mölejȩma jwiinö baibakobe, ja̧danö mölejȩnö la̧jadöma ökwölanö ubö jwiinö baibakobe, ja̧danö böjȩbi, okobe jwiinö böjȩnö ji̧bi ubö jwiinö baibakobe. Jau chömöledö, obadö ichökena jö̧ba̧lö otjijayonö, isabenö ichakwo̧ Duluwo̧ma.