2 Pedro 2:9 - Dios Iwene

⁹ Ja̧danö baikwö yötawaduwakwö chömöledö, ja̧ wene edö, baikwö döwaisachibobö jo̧be, Diosma ökwödö jo̧banö ösödadönö isabenö usula demawi̧tjö dö̧jibinö pjaatobö waiso̧, jö̧ba̧lö. Ja̧danö, ju'wibi waiso̧ chömöledö, Diosnö öpöjödadö iteda lȩebakwa̧tjö dötjibapji jö̧ba̧lö ite'ada̧lobö waiso̧, inesö jojodö ja̧tji̧ otiwojobö sulojobö jö̧ba̧lö yöawakwa̧ möle baibenanö kabatö.

2 Pedro 2:9 Referans Kwoze

1 Corintios 10:13

Ja̧danö chömöledö, nöinö baledobe otiwanö ja̧köbaduwojobö sulabenö ja̧köbaduwojobö jö̧ba̧lö. Ja̧danö, jejenö ökwödönö baledi̧ma, ju'wedö jojodönö baledi̧danö baledobe ökwödönöma. Ja̧danö, ökwödönö baledenama, Dios jö̧a̧linadanö ökwödönö pjaatakobe ja̧ baledi̧ma ökwödönö juluwapji jö̧ba̧lö chömöledö. Jau chömöledö, ja̧ jawa baledenama, ju'wibi Diosma ujulu iyobe ökwödönöma, kwo̧'wo̧ 'dibachibö waekwökönö kwöbaledaduwo jö̧ba̧lö.

Apocalipsis 3:10

Chömöledö, yötawaduwakwö. Ökwödönö wetijatö, Sulabenö baledonöbi kwo̧'wo̧ luwo̧duwi 'dibachibö te'ada̧lö kwö̧jaduwo, jö̧ba̧lö. Ja̧ wetinama otiwanö a̧ja̧kwö kwö̧jinaduwobe. Jejenö otiwanö a̧ja̧kwö kwö̧jinaduwobetjö̧ pjatatakwo̧sa ökwödönöma. Ju'wedö böjȩnö ju̧kwadönö lȩbebö weti̧ baledonö, böjȩtjö jwiinö inia tjötjinö baledonöma, ökwödönö te'ada̧lö pjatatakwo̧sa, ja̧ inia tjötji̧tjö baledökönö.

2 Timoteo 3:12

Timoteo, ötjönö baledi̧ma, ötjönödama baledokobe, isabenö okobe deinö Cristo Jesúskwö dötewanö ja̧nö, Dios ösödi̧danö ja̧bö tjö̧jobö isakwadönöbi sulabenö ja̧tjakobe, usula tjemawinö.

2 Pedro 3:7

Ja̧ okobe jwiinö Dios yöbawö weobetjö̧ baledinobe chömöledö. Ja̧danö, babe ji̧ mölejȩbi, böjȩbi jo̧bada weobetjö̧ ina jo̧be chömöledö, tupakwö mölejȩbi böjȩbi Dios söbebö loenanö kabatö. Jau chömöledö, tupakwöda böjȩbi, mölejȩbi juwö söbebö lotakwo̧sa, jö̧ba̧lö Dios omukwatö ujuninobetjö̧, böjȩbi mölejȩbi te'ada̧lobe ichejekwa, inesö Dios böjȩ jojodö ja̧tji̧ otiwojobö sulojobö jö̧ba̧lö yöawakwa̧ möle baibenanö kabatö, ja̧danö Diosnö öpöjödadönö söbebö loakwa̧ möle baibenanö kabatö. Ja̧danö, ja̧ möle baibenama, Diosma böjȩbi mölejȩbi juwö söbebö loakobe chömöledö. Jau chömöledö, damötjö okobe jwiinö Dios yöawi̧danö baledinobe, jo̧kwajabetjö̧ ju'wibi döwaisobö jo̧be, Cristo yemidanö ichakwo̧ yöawinadanö isabenö ichakwo̧, ja̧danö isabenö jobadö sulabenö obadönö lȩebakwo̧.

Proverbios 16:4

Ja̧danö, ju'wibi yötawa: Isabenö Jo̧ma iteda okobe jwiinö otidinabi, okobe deinö otidinawö̧nöbi baledakwa̧ma ajayitjöda omukwatö ujuninobe. Ja̧danö, sulabenö omukwatadönö baledakwa̧bi ajayitjöda omukwatö ujuninobe Isabenö Jo̧ma, jobadönö lȩebakwa̧ mölȩ baibena.

Diosnö ösödo̧ Job mikwo̧ usula emawina jawa 5:19

—Jau Job, Diosnö kwa̧ja̧kwitjö̧ma, isabenö otiwanö kwö̧ji̧binö pjaatakwo̧ja. Jo̧banö ösödö kwa̧ja̧kwitjö̧ma, okobe jwiinö sulabenö baledi̧tjö̧ kwö̧jibinö pjaatakwo̧ Diosma, baikwö labebö lobö yötawa:

Tito 2:14

Jo̧ba Jesucristoma midawö woinobe, okobe jwiinö sulabetjö dö̧jibinö pjaatobö, ja̧danö ökwödö do̧'wo̧ luwo̧nö sulabe dujuna̧li̧ dichö loobö, sulabe jwibadö iteda ömöledö badibanö dö̧jobö, ja̧danö otiwanö ja̧bö dö̧jo jö̧ba̧ladö badibanö dö̧jobö.

2 Pedro 2:4

Jau chömöledö, isabenö jobadönö Dios lȩebakwa̧ wene döwaisobe, jobadöjayedönö Diosma ida̧ökö damötjö lȩebinobetjö̧. Jau chömöledö, damötjö ángelesdötjö sulabenö ja̧binadöma Dios lȩebi̧tjö tjö̧jibinokobe, sulabenö ja̧tjiökwe Diosma jobadönö ödinobe, Dios lȩebakwawö̧ tjö̧jena tjö̧bobö, ja̧danö jobe ka̧lena tjö̧bobe, inesö Dios lȩebakwa̧ möle baibenanö kabatö, ¿jö̧tö?

Romanos 2:5

Jo̧kwaijayonö, jejenö ite'ada̧lijayonö, jwaikwöda sulabenö omukwatadöja, kwomukwataduwi̧ balewachökönö. Ja̧danö, jwiinö labi̧ jawa lȩebakobe Diosma, ökwödönöma, jojodönö lȩebi̧ möle baibenama. Ja̧ möle baibenama, jweinöda lȩebakwo̧ Diosma, jojodö ja̧tji̧ mikwa baibanö.

Diosnö ösödo̧ Job mikwo̧ usula emawina jawa 21:30

Tjedaja̧ baikwö yöbawadö, –Nöinö wene baledenama, sulabedöma wenetjö ji̧badö, Dios dameakwö lȩebenama, wene jwiinö Dios lȩebi̧tjö döbibajadö, –jö̧ba̧lö yötjawobe.

Proverbios 12:13

Ju'wibi yötawa: Sulabenö omukwato̧ma sulabenö yöa̧lobetjö̧ iteda wene jwöbekwo̧. 'Daliwanö tjö̧libi̧danö li̧bo̧ wene jwöebi̧tjö̧ ji̧bökönö. Jobekwö baledökökwe Dios wei̧ a̧ja̧kwö jo̧nöma. Dios wei̧ a̧ja̧kwö jo̧ma wenetjö ji̧bo̧, 'daliwatjö tjö̧jibi̧danö, li̧bö̧kö̧.

Mateo 6:13

Ja̧danö, sulabenö ja̧dakwojobö jö̧ba̧lö ja̧i̧ jawa döbaledenama, dujuluwachibanö pjabati, sulabenö ja̧dapji jö̧ba̧lö. Ja̧danö inesö sulabo̧ ujulutjö dö̧jibinö pjabati, Dabe'do jö̧ba̧lö akebaduwo Kwabe'doduwi Diosnöma— jö̧ba̧lö yöawinobe Jesúsma.

Mateo 10:15

Isabenö yötawaduwakwö chömöledö, Dios lȩebakwa̧ möle baibenama, ja̧ comunidad jojodönö isabenö lȩebakobe. Jau chömöledö jobadönö lȩebakwa̧ma, Sodoma jojodönöbi, Gomorra jojodönöbi labinö lȩebakwa̧tjö bajalekwönönö jwiinö lȩebakobe ökwödö pjakataduwobö öpöjödadönöma— jö̧ba̧lö yöawinobe Jesúsma.

Judas 1:6

Ja̧danö, Dios ömöayedö ángelesdötjö, ju'wedöma Dios tjö̧jobö otidina öpöjödö jelobe latjebinobe. Ja̧danö jejenö labebajadönö Diosma ka̧lena ödinobe, yȩa'wo okwa tjö̧bobö Dios inesö lȩebakwa̧ möle baibenanö kabatö, ¿jö̧tö?

1 Samuel 29:10

Jo̧kwajabetjö̧, itekwai yȩayi a̧la̧ibö, ju'wedö chömöayedö ökwökwö ichinadökwö kwȩwa̧jo, dewachibena kwȩwa̧jaduwo, —jö̧ba̧lö weinobe Aquisma.