2 Pedro 1:17 - Dios Iwene

^17-18 Jau chömöledö, belö Diosnö ösödakwawa'o mö'ösa'onö Duluwo̧kwö dö̧jenama, Dabe'do Diosma jo̧banö i̧sebinobe, Bitema otiwanö chomukwatökwe, jö̧ba̧lö. Jau chömöledö, otiwanö omukwati̧ i̧sebö Duluwo̧ Jesús salöinö idejatobö weinobe, ja̧danö Duluwo̧ jejenö idejatenama, ökwödöma ja̧ baledi̧ dedijatö. Ja̧danö, inesö salöinö dewobe mölejȩbetjö ökwöi̧: —Bitema ötjöda chitji̧, jwiinö chösödökwe— jö̧ba̧lö Dios yöawi̧ ökwöenama, ökwödöma ja̧ ökwöi̧ mölejȩbetjö da̧ja̧kwijatö chömöledö. Jau chömöledö, Duluwo̧kwö ja'o mö'ösa'onö dö̧jena, ja̧ baledi̧ma döbajalenö dedijatö, ja̧danö dölakiyunö da̧ja̧kwijatö. Jau chömöledö, jejenö edinadösa, ja̧danö jejenö a̧ja̧kwinadösa, jo̧kwajabetjö̧ isabenö yödawi̧ kwösödaduwobö jo̧be chömöledö.

2 Pedro 1:17 Referans Kwoze

Marcos 9:7

Ikenama ojwiyo'wo öwawachö jwiachibijetö, jobadö okwa batjibanö. Ikenama ja'wo okwatjö iwene ökwijetö, baikwö: —Bitema ötjö chitji̧, ile nitebökwe. Tjöbeba̧löjönö a̧ja̧kwaduwi jo̧ba yöawi̧ma— ökwöijetö.

Mateo 17:5

Pedro ina jejenö yöa̧lonö, ojwiyo'wo dewinö dejata'wo jobadö tjöwamenö öwawachinobe, ja̧danö ja'wotjö̧ iwene ökwöinobe baikwö ökwöi̧ma: —Bitema ötjöda chösödökwe chitji̧, cho̧'wo̧ ösöwanö chedobe jo̧banö. Jo̧banö kwa̧ja̧kwaduwo— jö̧ba̧lö iwene ökwöinobe.

Mateo 3:17

Ja̧danö, mölejȩbetjö Dios iwene ökwöinobe, baikwö ökwöi̧ma: —Bitema ötjöda chösödökwe chitji̧. Cho̧'wo̧ ösöwanö chedökwe bitema— jö̧ba̧lö ökwöinobe.

Lucas 3:22

Ja̧danö Dios O̧'wo̧ Luwo̧ma atji̧onö yunukodanö ichejekwo̧ jwibachibö Jesúsnö öwamatinobe, ja̧danö ju'wibi mölejȩbetjö iwene ökwöinobe, Ökwöma chösödökwe chitji̧ja, cho̧'wo̧ ösöwanö chösödobe ökwönö, jö̧ba̧lö.

Marcos 1:11

Ja̧danö, mölejȩbetjö Dios iwene ökwöijetö, baikwö ökwöi̧ma: —Ökwöma ötjöda chösödökwe chitji̧ja. Cho̧'wo̧ ösöwanö chösödobe ökwönö— jö̧ba̧lö ökwöijetö.

Mateo 12:18

Bitema ötjöda omudawö chujuninökwe chömöayo̧. Jo̧bama, ötjö ile nitebökwe, ja̧danö cho̧'wo̧ ösöwanö chösödökwe. Jo̧banö chiyocha ötjöda Cho̧'wo̧ Luwo̧nö, ja̧danö jo̧bama tjitebotenia jojodönö lȩtebakwa̧ wene yöawakwo̧.

Juan 3:35

Dabe'do Diosma jwiinö ile niebobe itji̧nö. Ja̧danö, jo̧banö pjaatobe, okobe jwiinö iyö—yöawinobe—.

Juan 5:26

Ina yöawinobe: —Ötjö Chabe'doma jojodönö ba̧kwȩlö̧jatebö ja̧kwawa iyo̧. Jo̧bama la'akatjöda ji̧naobetjö̧, jo̧batjöda laebinobe ja̧kwawama. Ja̧danö, jo̧bama weinobetjö̧, ötjö, iteda Itji̧bi, bakwainö itedadanö, ba̧kwȩlö̧jatebö ja̧kwawa iyo̧sa.

Isaías 42:1

Baikwö laebobe Dios yöa̧li̧ma: Bitema ötjöda omudawö chujuninökwe chömöayo̧, ujuluwachibanö pjatjatökwema. Jo̧bama ötjö ile 'di̧tebökwe. Jo̧banö chiyajabe ötjöda Cho̧'wo Luwo̧nö, ja̧danö jo̧bama jweinö lȩebo jö̧a̧li̧danö lȩebakwo̧ tjitebotenia jojojodönö.

2 Juan 1:3

Chö̧ja̧wo̧dö, Dabe'do Diosbi, ja̧danö iteda Itji̧ Jesucristobi ökwödönö jwiinö pjatjatakobe. Ja̧danö, ökwödönö lȩlö̧jino tjedakobe. Ja̧danö, do̧'wo̧ luwo̧nö wene jwiinö dö̧jobö pjatjatakobe. Jau chö̧ja̧wo̧dö, jejenö ökwödö Dios isabenö ji̧ yöawi̧ ösödadönö, ja̧danö dö̧ja̧wo̧dönö ösödabikwawö ju̧kwadönö pjatjatakobe Dabe'do Diosma, ja̧danö iteda Itji̧ Jesucristobi.

Lucas 10:22

Ikenama Jesúsma yöawinobe: —Chömöledö, Chabe'doma okobe jwiinö ötjönö iyajabe, la'aka luwo̧ batibanö. Ötjönö Dios itji̧nö isabenö waiso̧ma bakwo̧da chömöledö, Chabe'do Diosda, ja̧danö Chabe'do Diosnö isabenö waiso̧ma sule ötjö Dios Itji̧da, ja̧danö ötjöda chösödi̧danö chi̧sebawö̧da— jö̧ba̧lö yöawinobe Jesúsma.

2 Corintios 1:3

Okobe deinö Diosnö, Duluwo̧ Jesucristo Abe'donö dösödaduwo chömöledö, otiwanö pjabato̧ja jö̧ba̧lö. Jau chömöledö, Diosma isabenö otiwanö pjabato̧ ökwödönö, jo̧kwajabetjö̧ jo̧banö dösödobö jo̧be, otiwanö pjabato̧ja jö̧ba̧lö. Jo̧bama lȩlö̧jinö edo̧ Dabe'do, chömöledö, ja̧danö jo̧batjöda ichi̧ do̧'wo̧ tjo̧bekwö dö̧jajelö do̧'wo̧ ösöwachibi̧ma chömöledö.

Juan 17:21

Chabe'do, ökwönö ateba okobe deinö böjȩnö ju̧kwadö ötjönö ösödadöma bakwaibedödanö batjibobö, bakwainö omukwatö. Ötjökwö, ökwökwö bakwainö omukwatadösa. Ja̧danö, bakwaibedösa ökwödöma. Ötjöma ökwödanö bakwainö jo̧sa. Ja̧danö, ökwöma ötjödanö bakwainö jo̧ja. Ja̧danö, jobadöbi, bakwaibedödanö batjibobö pjakato. Jejenö bakwaibedödanö tjö̧jitjö̧ma böjȩ jojodö tjomukwatakobe, Isabenö Diosma weinobe Jesúsnö, jö̧ba̧lö— aebinobe—.

Judas 1:1

Ötjö böja wȩyudö webo̧ma, Judassa, Jesucristo ömöayo̧sa, ja̧danö ju'wibi Jacobo öjawo̧sa. Ja̧danö, böjanö wȩyudö wetawö̧ma bidö, Dios jwöinawö̧nö, ju'wibi Dabe'do Dios ösödawö̧nö, ju'wibi Jesucristo tjöbeba̧lö ite'ada̧lawö̧nö.

Juan 6:27

A̧ja̧kwaduwitjö, wanedö yötawi̧ma: Ökwödöma 'dö̧ibaji̧ kwakwawada kwukwaduwobö omukwatö kwö̧jaduwobe. Jo̧kwaijayonö yötawaduwakwö. 'Dö̧ibajökö jawa kwakwawa kwujuna̧laduwobö omukwatö kwö̧jaduwo. Ja̧ 'dö̧ibajökö kwakwawama ba̧kwȩlö̧jatebö ja̧kwawa iyi̧ kwakwawa. Ja̧ kwakwawa iyo̧ma ötjöda, jojo baibanö jeminökweda. Jau, ötjödasa ba̧kwȩlö̧jatebö ja̧kwawa iyo̧ma, Chabe'do Dios jejenö chiyobö ösödö ötjönö weinobetjö̧— yöawinobe Jesúsma jobadönöma.

Juan 6:39

Ja̧danö, ötjönö webo̧ ösödi̧ma biya̧: Ötjönö iyawö̧nö, okobe deinö, tjö̧jibinö pjatatobö ösödobe, bakwo̧bi ö̧jibökönö. Ja̧danö, ötjönö webo̧ Chabe'doma, 'dö̧ibaji̧ möle baledena ötjönö iyawö̧nö yemidanö tjetjachajinö pjatatobö weobe. Jejenö pjatatobö ötjönö webo̧ Chabe'do ösödi̧ma.

Juan 20:17

Wo̧jatibiökwe: —Wo̧katibatjö María, ina Dabe'do ö̧jobekwö ȩwa̧jö katekwachokobetjö̧— jö̧a̧linobe—. Babema chömöledönö yöbawaji, tjöwaiso. Ja̧danö, jobadönö yökawo, Chabe'do ö̧jobekwö chȩwa̧jakobe, ötjö Chabe'dobi ökwödö kwabe'doduwibi ö̧jobekwö. Ja̧danö, ötjö cho̧'wo̧ chöwana̧lökwe Dios, ökwödö kwo̧'wo̧duwi kwöwana̧laduwökwe Dios ö̧jobekwö chȩwa̧jakobe, yökawo— weinobe Jesúsma María Magdalenanö.

Juan 10:36

¿tajawedö, Ötjöma Dios Itji̧sa, jö̧ba̧lö yöta̧lena jwökeba̧laduwobeda, Ökwöma sulabenö yöka̧la, jö̧ba̧lö? Ötjöma Dabe'do Dios omudawö böjȩkwö weinökwesa, jo̧ba wei̧ otidö chö̧jobö.

Isaías 53:10

yayonö inia tjöinö, jo̧banö lȩebobö ösödinobe Isabenö Jo̧ma, jwiinö o̧'wo tjo̧bekwo̧ baibanö. Dios ömöayo̧ma tjusula söbebö loawa iyawa baibanö iyawakwo̧, ja̧danö jobekwö iyawenama, Isabenö Jo̧ jo̧banötjö̧ otidobö omukwatö ujuninama badekwachakobe. Jemi ikenama iteda itji̧mu tupadanö jojodönö edakwo̧, ja̧danö lekwe möle otiwanö öjakwo̧.

Juan 14:6

—Ötjödasa Dios ö̧jobekwö 'ya̧kwawa manama— yöawinobe Jesúsma—. Ja̧danö, ötjödasa jweinö yöbawo̧ma jweinö jo̧chobetjö̧. Ja̧danö, ötjödasa ba̧kwȩlö̧jatebö ja̧kwawa iyo̧ma. Ja̧danö, ötjöma Dios ö̧jobekwö 'ya̧kwawa manachobetjö̧, ötjönöda 'yo̧ma Dabe'do Dios ö̧jobekwö ichibakwo̧.

Juan 10:15

Jejenö ötjökwö, Chabe'dokwö jo̧be. Ötjö Chabe'doma ötjönö öwaisobe, ja̧danö, ötjöma Chabe'donö chöwaisobe. Ja̧danö, ötjöma cha̧jwi̧mu o̧bȩja̧dö tjö̧jibinö ö'wöchö midawö lotakwo̧sa.

Mateo 17:3

Ikenama Dios yöawi̧ yöbawinadö damötjö ji̧nadö Moisésnöbi, Elíasnöbi, tjedinobe, öwawachö Jesúskwö yötja̧lakwawobema.

Juan 14:11

Ja̧danö, ja̧ yötawi̧, Ötjö, Dabe'do Dios bakwo̧dabedösa, jö̧ba̧lö, a̧ja̧kwö ösödaduwi, Jweinö yöbawo̧, jö̧ba̧lö. Jejenö kwösödaduwobö chösöda. Jo̧kwaijayonö yötawi̧ a̧ja̧kwöda ina wajwiköbaduwitjö̧ma, juluwinö chotidi̧ edö ötjönö ösödaduwi, Jweinö yöbawo̧, jö̧ba̧lö.

Juan 6:37

Ja̧danö, yötawaduwakwö. Chabe'do Dios ötjönö iyawö̧ jojodöma ötjökwö tjichibakwedö. Ja̧danö, ötjökwö ichibo̧nöma a'dewakwawö̧kö̧sa.

Romanos 15:6

Ja̧danö, okobe deinö bakwainö omukwatö, Diosnö kwösödaduwo, Duluwo̧ Jesucristo uluwo̧ Diosnö, Jesús Abe'do Diosnö kwösödaduwo chömöledö. Jau chömöledö, okobe deinö bakobe kwösodaduwonö, ökwöma otiwo̧ja jö̧ba̧lö.

Mateo 28:19

jo̧kwajabetjö̧ baikwö wetaduwakwö: Böjȩ bakwameachibanö tjitebokwena jojodönö yöbawö, ösödadönö chöba̧ja̧di̧ waisachadö batjibanö yöbawaduwi. Ja̧danö, Chabe'do Diosbi, ötjö Dios Itji̧bi, Dios O̧'wo̧ Luwo̧bi ökwödönö wedobetjö̧, diminö jobadönö ojwenö bu̧dataduwi.

Juan 5:20

Ja̧danö, Diosma ötjönö, iteda itji̧nö jwiinö ile niebobetjö̧ iteda otidi̧ma okobe jwiinö i̧sebobe ötjönöma, iteda ösödi̧ chöwaisobö. Ja̧danö, Diosma ju'wi jawabi i̧sebakobe, ötjö otiwa jawa chotidakwa̧ma. Yelösöda, kwebachö̧kö̧nö otiwanö baibanö chotidajemitjö o̧penönö mikwawi̧ jawa chotidakwo̧sa. Jejenö chotidiawö̧ ökwödöma, ¡Ayö!, jö̧ba̧lö, kwöbajaleduwi jalaka baibanö kwedaduwakwedöja— yöawinobe Jesúsma judío la'aka luwedönö.