2 Juan 1:5 - Dios Iwene

⁵ Ja̧danö chö̧ja̧wo̧dö, ökwödö Jesúsnö ösödadöma dö̧ja̧wo̧dökwö ösödabikwawö duju̧kwobö jo̧be, Diosma jejenö duju̧kwobö weinobetjö̧. Ja̧danö, ja̧ Dios wei̧ma babe möledama weökö, ajayitjöda weina. Babe möledama wei̧maökö, Jesúsnö do̧batö deminemitjö baikwö döwaisina ja̧ Dios wei̧ma.

2 Juan 1:5 Referans Kwoze

1 Juan 3:11

Ja̧danö chö̧ja̧wo̧dö, ida̧ökö kwa̧ja̧kwinaduwobe, Ökwödö Jesúsnö ösödadöma kwö̧ja̧wo̧dökwö ösödabikwawö kwö̧jaduwo, jö̧ba̧lö. Cristonö ajayinö do̧batö kweminaduwemitjö baikwö ja̧ wei̧ma kwa̧ja̧kwinaduwobe. Chömöledö, ja̧ wei̧ a̧ja̧kwö dö̧jaduwo, dö̧ja̧wo̧dökwö ösödabikwawö.

1 Tesalonicenses 4:9

Chömöledö, Diosma ida̧ökö ökwödönö öba̧ja̧dobe, kwömöledöduwi Jesúsnö ösödadönö ösödabikwawö kwö̧jaduwobö. Ja̧danö, jo̧ba öba̧ja̧di̧danö isabenö okobe deinö kwömöledöduwi kwiteboduwi Macedonia nijinö ju̧kwadönö ösödadöja. Jo̧kwajabetjö̧, Aaa, ja̧ jawa ba̧ja̧dö chiwȩyudo jö̧ba̧löma chomukwatökö chömöledö, ida̧ökö jejenö ja̧bö kwö̧jaduwobetjö̧. Jo̧kwaijayonö, yayonö ökwödönö budekwödanö wedobe chömöledö, jemi tupakwönönö ösödabikwawö kwö̧jaduwo jö̧ba̧lö.

Juan 15:12

Ja̧danö, ökwödönö wetaduwakwö. Ötjö ökwödönö ile nitebi̧danö kwömöledöduwinö ile nibekwö kwö̧jaduwo.

1 Juan 3:23

Ja̧danö, Dios wei̧ma dötölataja jawa. Abönö jawa biya̧: Jesucristonö dösödobö weobe, Jesucristoma Dios Itji̧, jwiinö inesö jo̧, jö̧ba̧lö. Ikenama jawa, Dios wei̧ma biya̧: Ökwödöda ösödabikwawö dö̧jobö weobe.

1 Juan 4:20

Jo̧kwaobetjö̧ Diosnö ösödo̧sa, jö̧ba̧lö, yöba̧lo̧ma, Jesústjö öjawo̧nö ösödö jo̧. Öjawo̧nö ösödökönö jo̧ma, Diosnö ösödo̧sa jö̧ba̧lö, yöa̧litjö̧ma omöna yöa̧lena. Öjawo̧nö, edökwenö ösödökötjö̧ma ¿dakwö ösödobeda Diosnö, edökökwenö? Wajuwanö i̧sebobe, Jo̧bama öjawo̧nö ösödökönö ö̧jobetjö̧, Diosnöbi ösödö̧kö̧, jö̧ba̧lö.

1 Pedro 4:8

Ja̧danö inesö mikwawi̧ ja̧bö kwö̧jaduwobö yötawaduwakwö chömöledö, jwaikwöda kwömöledö Jesúsnö ösödadönö ösödabikwawö kwö̧jaduwo jö̧ba̧lö. Ja̧ma, ju'wi jayetjö bajalekwönönö inesö mikwawi̧ chömöledö, jejenö ösödabikwawö kwö̧jaduwitjö̧ma, kwömöledö sulabenö ja̧tjaja̧ omukwatökönö jobadönö ösödö kwö̧jaduwakobetjö̧.

2 Pedro 1:7

Ja̧danö jemi tupakwö kwömöledöduwinö ösödabikwawö kwö̧jaduwobö kwisakwaduwo, Ja̧danö jemi tupakwö okobe deinö jojodönö isabenö kwösödaduwobö kwisakwaduwo chömöledö.

Hebreos 13:1

Chömöledö yötawaduwakwö. Babe kwö̧ja̧wo̧döduwinö ösödabikwawö kwö̧jaduwi̧danö jemi tupakwöbi jwaikwöda ösödabikwawö kwi̧'yaduwo.

Efesios 5:2

Cristoma ökwödönö ile niebobetjö̧ dumusidi̧ midawö ö'wöchijetö, dö̧jibinö pjabatö. Jejenö pjabatö, Diosnö söinö nöekwi̧ jawa juwö tjiyinadanö Cristoma midawö iyijetö Diosnöma. Ja̧danö chömöledö, Cristo ökwödönö ile niebi̧danö ökwödöbi kwömöledöduwinö ile nibebö ja̧duwi.

Gálatas 5:22

Jo̧kwaijayonö Dios O̧'wo̧ Luwo̧ do̧'wo̧ luwo̧nö otidi̧ma wainö ji̧ chömöledö. Baikwö yötawa: Dios O̧'wo̧ Luwo̧ otidi̧ma chömöledö, biya̧: ösödabikwawi̧bi, tjo̧'wo̧ ösöwi̧bi, tjo̧'wo̧ luwo̧nö wene jwiinö ja̧kwawabi, tjo̧'wo̧ 'dibachibö ja̧kwawabi, jojodönö dösölö̧jinö ja̧danö otiwanö ja̧awabi, jö̧tja̧li̧danö ja̧awabi,

Juan 15:17

Ja̧danö chömöledö, yemidanö wetaduwakwö. Ökwödödada ile nikekwaduwo— yöawinobe Jesúsma öba̧ja̧di̧ waisachadönöma.

2 Juan 1:1

Jesústjö chö̧ja̧wo̧dö dokwa. Ötjöma Jesúsnö ösödadö tjuluwo̧sa, ja̧danö te'ada̧lakwawa jojosa. Ja̧danö, böjanö wȩyudö yötawa ökwödö Jesúsnö ösödadö ko̧ko̧kwa̧ladönö, Dios omudawö ujuninawö̧nöma. Ja̧danö, chö̧ja̧wo̧dö yötawaduwakwö. Ökwödönö ile nibebo̧sa bakwainö Dios yöawi̧, isabenö ji̧ iwenema dösödobetjö̧. Ja̧danö chö̧ja̧wo̧dö ötjödamaökö, okobe deinö Dios isabenö ji̧ yöawi̧ ösödadöma ökwödönö ile nitjebobe.