2 Juan 1:11 - Dios Iwene

¹¹ Isabenö jobadönö yöka̧laduwoko, dokwa jö̧tja̧lenabi, jobadö sulabenö omukwatadökwö kwödötekwaduwapji jö̧ba̧lö.

2 Juan 1:11 Referans Kwoze

1 Timoteo 5:22

Ja̧danö, jojodönö juluwanöma kwömamu 'bibeba̧lö ja̧bökönuwi, bidöma Jesúsnö ösödadönö te'ada̧lakwawa luwedö jö̧ba̧löma, otiwanö kweda̧lo jobadönö kwujunakwa̧ abönöma. Ja̧danö, ju'wibi yötawakwö ju'wedö sulabenö ja̧tji̧tjö wainö 'da̧bachibö ja̧wi, sulabenö ja̧tji̧ jobadökwö ja̧bökönö, bakwainö otiwanö ja̧böda kwö̧jo.

Efesios 5:11

Yȩa'wo okwa kwebachö ja̧dö sulabenö ja̧tjijayonö ökwödöma jobadökwöma pjabacha̧löma kwö̧jaduwa chömöledö. Jobadö sulabenö ja̧badönö jweinö yöka̧laduwo, Ökwödöma sulabenö ja̧köbaduwobe, jö̧ba̧lö. Jejenö ja̧bö ökwödöma dewinö dejati̧danö kwidejataduwakobe, jobadö sulabenö ja̧tjobema, öwaitjöda öwawobö.

Apocalipsis 18:4

Ikenama, mölejȩbetjö Dios iwene cha̧ja̧kwijatö, baikwö: Ötjö chömöledö babibinadönö yötawa. Jobe comunidadtjö labebaduwi, sulabedö ja̧tji̧danö ökwödöbi ja̧köbaduwapji, jö̧ba̧lö. Ja̧danö, ökwödönöbi inia tjököbaduwinö baledapji, jö̧ba̧lö, jobetjöma labebaduwi.

Hebreos 5:13

Ja̧ wanedö yötawaja̧, tjemu ina da̧peachöködödanö da̧peachöködöja, jö̧ba̧lö, wanekwachobe. Ina Dios iwene kwa̧ja̧kwaduwijayonö waisachiböködöja. Ja̧danö, ina Dios iwene a̧ja̧kwö kwö̧jaduwi̧ ö'wiawakwawö̧jö̧nö kwomukwataduwobö wajwibadöja, Biya̧ma otiwa, biya̧ma sula, jö̧ba̧lö.

Judas 1:23

Ja̧danö ju'wedönöbi pjakataduwo. Wanedö yötawa: Ökwöla nöola ö'öbö tjö̧ji̧tjö tjö̧jibanö do̧kataduwodönö. Ja̧danö, ju'wedö inesö sulabenö ja̧bö ju̧kwadönöbi lȩlö̧jinö edö pjakataduwo chömöledö, ja̧danö jejenö pjakataduwenama, te'ada̧lönö yebabinö kwö̧jaduwo, sulabenö ja̧tji̧danö ökwödöbi sulabenö ja̧köbaduwapji jö̧ba̧lö. Jau chömöledö, jobadönö lȩlö̧jinö edö kwösödaduwijayonö, ja̧tji̧ma kwösödaduwoko yelösöda, isabenö Dios öpöjödi̧ jawa jö̧ba̧lö.