2 Corintios 6:18 - Dios Iwene

¹⁸ ja̧danö ökwödö kwabe'doduwi chö̧jakwo̧sa, ja̧danö chi̧tji̧mu ömadöbi, chi̧tji̧mu ya̧döbi kwö̧jaduwakwedöja, jö̧ba̧lö laebobe Dios iwene, okobe jwiinö juluwo̧ Duluwo̧ yöbawö ujunina wenema.

2 Corintios 6:18 Referans Kwoze

Apocalipsis 21:7

Ja̧danö, sulabetjö juluwinadö, chö̧jobekwö ichibadönö jwiinö otiwi̧ jawa iyabo̧sa. Ja̧danö, ötjödasa, sulabetjö juluwinadö tjo̧'wo̧ tjöwana̧lökwe Diosma. Jobadönöma, Chi̧tji̧mu, jö̧ba̧lö, öbabo̧sa.

Juan 1:12

Jo̧kwaijayonö jojodötjö ju'wedöma jo̧banö ösödö do̧batö tjeminobe, Biteda, jö̧ba̧lö. Ösödö do̧batö tjemobetjö̧, Bidöma Dios i̧tji̧mu, jö̧ba̧lö, yöawinobe dewinö jo̧ma.

2 Samuel 7:14

Jo̧ba kwitji̧ma, ötjö chitji̧ ö̧jakobe, ja̧danö jo̧ba abe'do chö̧jakwo̧sa. Ja̧danö, abe'do ja̧nö, sulabenö ja̧enama, bö̧je tjabe'dodö jwebebö kwatji̧danö, jo̧banö jwebebö kwatocha.

Apocalipsis 1:8

Chömöledö, Duluwo̧ Diosma, jwiinö juluwo̧ma baikwö yöawobe: Ötjöma la'akatjöda ji̧nasa. Ja̧danö, 'dö̧ibajenanö baibanöbi chö̧jakwo̧sa, jö̧ba̧lö. Jejenö yöawobe Diosma, babe jo̧bi, la'akatjöda ji̧nabi, 'dö̧ibajenanö baibanöbi ö̧jakwo̧.

Romanos 8:29

Jau chömöledö, Diosma la'akatjöda öwaisinobe jo̧banö tjösödakwedönöma, iteda ömöledö batjibakwedönöma. Ja̧danö, jejenö waisö, jobadönö 'da̧batö ujuninobe, iteda itji̧ Jesúsdanö ichejekwadö batjibo jö̧ba̧lö. Ja̧danö, weinobe, Jesúsda iteda i̧tji̧mutjö abönö pöe baibobö, ökwödö döpöe baibobö chömöledö.

Gálatas 3:26

Jau chömöledö, Cristo Jesúskwö bakobe dötewinö ja̧nö, okobe deinö Dios i̧tji̧mubedöja, Jesúsnö kwösödaduwobetjö̧.

Génesis 17:1

Ja̧danö, Abramma noventa y nueve a̧yo bo̧ ö̧jena Diosma jo̧banö öwawachö yöbawijetö: —Ötjöma Jwiinö Juluwo̧ Diossa. Abram, ötjö weti̧ a̧ja̧kwö, ja̧danö, sulabenö ja̧bökönö kwö̧jo.

Efesios 1:5

Chömöledö, Diosma ökwödönö ile niebobetjö̧ ida̧ökö ajayitjöda omukwatijetö ökwödönöma, Bidönöma ötjö chi̧tji̧mu batjibanö 'da̧batö chujunakwo̧sa, Jesús imidawakobetjö̧, jö̧ba̧lö. Jejenö omukwatö ösödinobetjö̧ Diosma omudawö junijetö ökwödönöma, iteda i̧tji̧mu badibobö.

Isaías 43:6

U'dakwö ju̧kwadönöbi, a̧li̧kwö ju̧kwadönöbi ja̧danö. U'da wetocha, –Chömöledö israel jojodönö iyitjö, –jö̧ba̧lö, ja̧danö a̧li̧ wetocha, –Chömöledö tjȩwa̧japji jö̧ba̧lö tjöbeba̧lökönui, –jö̧ba̧lö. Jobekwö bö̧jȩ bakwachö̧jetjöbi chitji̧mu ömadönöbi, ya̧dönöbi tjebatajö ödötjö chichejebakwo̧sa.

Apocalipsis 21:22

Ja̧danö, jobe chedemi, 'yayi̧ Jerusalénnöma, Dios eju jwiobe, Diosbi, Obeja Itji̧danö Jo̧bi okobe jwiinö tjö̧jobetjö̧, 'yayi̧ Jerusalénnöma.

Génesis 48:3

Ja̧danö, kamapjonö ba̧nö yöba̧lijetö Josénö:—Chitji̧, damötjö Jwiinö Juluwo̧ Diosma ötjönö öwawachijatö, Luz mikwena chö̧jena, Canaán nijinö. Ja̧danö, öwawachajo̧ma Pjatatakwo̧sa, jö̧ba̧lö

1 Crónicas 17:13

Jo̧ba kwitji̧ma, ötjö chitji̧ ö̧jakobe, ja̧danö jo̧ba abe'do chö̧jakwo̧sa. Ja̧danö, la'akatjöda le'dedö lötökakwo̧ kwitji̧nöma, damötjö ökwötjö ajayinö ji̧na Saulminenö le'dedö lotinadanöma, ba̧kwelöjatebö jo̧banö ile nibebö chö̧jakwo̧sa.

Romanos 8:19

Jau chömöledö, ju'winö Diosma ökwödönö kabebö i̧sebakobe, Bidöma ötjöda chi̧tji̧mu, jö̧ba̧lö. Jejenö i̧sebenama, jwiinö otiwakobe chömöledö. Ja̧danö, okobe jwiinö Dios otidina jawama, böjȩbi, böjȩ jawabi ösödinö omukwatö te'ada̧lobe ichejekwa, ja̧ möle badekwachobö.