2 Corintios 3:16 - Dios Iwene

¹⁶ ja̧danö sule Duluwo̧nö tjösöditjö̧da, tjöekwado̧ kalekwö loawa jo̧be.

2 Corintios 3:16 Referans Kwoze

Éxodo 34:34

Ja̧danö, ja̧ mölȩtjö tupakwö Isabenö Jo̧kwö yöa̧lakwawejunö teachena, öba muchekwado̧ kabekwiabijetö teachakwa̧ abönö. Jemi ikenama, jejutjö laebajena Israel jojodönö yöbawiabijetö okobe jwiinö Isabenö Jo̧ jobadönö yöawobö weaja̧ma.

Isaías 29:18

Ja̧danö ja̧ möle badekwachenama, tjölakiyu a̧ja̧kwinöködöma, kwiyalu yötja̧lobe tja̧ja̧kwakwedö, ja̧danö o̧'wo tjo̧achö yȩa'wo tjö̧jinelö, tjöbajale ajayinö tjewawinadöma tjo̧'wo ösöwachibanö tjedakwedö.

Isaías 25:7

Ja̧danö bi'o mösa'otjöda jojodö tjo̧'wo tjo̧achi̧ söbebö loakwo̧. Jau, okobe deinö bö̧jȩnö ju̧kwadöma woba jojodö dö̧jobe, ja̧danö wobinadönö jwaawa'wo muchekwadö dö̧jobe ichejekwa, bö̧jȩ ba̧kwemeachibanö tjitebotenia jojodö ja'wonö muchekwadö tjö̧jobe. Jo̧kwaijayonö bi'o Jerusalen mösa'otjö ja'wo kabebö loakobe Diosma.

Romanos 11:23

Ja̧danö ju'wibi chömöledö wanedö yötawa: Israel jojodöma Diosnö tjösöditjö̧ma, jobadönöbi batjo jawa olivo towinö ujunakwo̧. Jau chömöledö, Diosma juluwo̧, yemidanö ajayinö tjö̧jinemi Israel jojodönö ujuno jö̧ba̧lö.

Isaías 54:13

Ja̧danö ötjö Isabenö Jo̧ Diosda kwitji̧munö chöba̧ja̧dakwo̧sa, ja̧danö kwi̧tji̧muma isabenö jwiinö otiwanö tjö̧jakwedö.

Deuteronomio 4:30

Jau chömöledö, okobe jwiinö yötawaja̧ jawa baledenama, jwiinö kwo̧'wo tjo̧bekwö usula emawö kwö̧jaduwakwedöja, ja̧danö kwo̧'wo tjo̧bekwö ja̧nö, tjebachajö kwuluwo̧duwi Isabenö Jo̧ Diosnö kwösödaduwakwedöja, ja̧danö wei̧ kwa̧ja̧kwaduwakwedöja.

2 Corintios 3:15

Jau chömöledö, babebi Israel jojodö Moisés iwȩyudina yötja̧li̧ tja̧ja̧kwenama, tjomukwati̧nö tjöekwado̧ jo̧bedanö ichejekwa, jweinö tjomukwatökönö,