2 Corintios 12:2 - Dios Iwene

² Jau chömöledö, bakwo̧ Cristonö ösödo̧nö chöwaisa, ja̧danö jo̧banö baledina baikwö yötawa. Damötjö, catorce o̧biya jenanö, jo̧bama Dios ö̧jobe mölejȩbe kaekwajinobe. Jejenö kaekwajinama wajwita chömöledö, isabenö atji̧o kaekwajinenaö̧kö̧, sule i̧'wi̧di̧danö kaekwajinenaö̧kö̧, ötjöma wajwita chömöledö, sule Diosda waiso̧.

2 Corintios 12:2 Referans Kwoze

Hechos 22:17

Ikenama, obukwobeda lekwe ja̧jo̧ Jerusalénbe yemidanö chȩwa̧jijatö. Jobetjö ȩwa̧jo̧ Dios ejube 'ya̧nö Diosnö atebijatö. Atebemi okwanö i̧sebijadötö, chi̧'wi̧di̧kwi̧danö.

Apocalipsis 4:2

Ikenama, omönanö Dios O̧'wo̧ Luwo̧ma ötjö cho̧'wo̧ luwo̧ okwanö öwawinö i̧sebijatö mölejȩbe ji̧ jawama. Bakwo̧nö chedijatö, inesö la'aka luwo̧ ba̧kwawakanö bo̧nö.

1 Tesalonicenses 4:17

Jemi ikenama ökwödö ina 'yaba̧ladöbi kadekwajachakobe, ja̧danö ja'ö ojwiyo'woelö jobadökwöbi, Duluwo̧kwöbi bakobe dediakwawakobe, ja̧danö jemi tupakwö ba̧kwȩlö̧jatebö Duluwo̧kwö dö̧jakwedösa.

2 Corintios 11:11

¿Dakwö kwomukwataduwa chömöledö? Ökwödönö chöpöjödobetjö̧, ¿ökwödötjö ateba̧lokobeji̧? Ja̧maökö chömöledö, isabenö ökwödönö ösödo̧sa, ja̧danö isabenö Diosma ökwödönö chösödi̧ waiso̧ chömöledö.

Isaías 57:15

Jau, baikwö yöa̧lobe inesö mööjȩ mölejȩnö jo̧, ba̧kwelöjatebö jo̧, Suli̧tjö Ödö Jo̧ jö̧ba̧lö mikwo̧ Diosma: Ötjöma inesö möemi, suli̧tjö ödö jȩmi jo̧sa. Jo̧kwaijayonö ju'wibi, bakwo̧ sulabenö ja̧bina, o̧'wo tjo̧bekwö, —Sulabo̧ mikwawö̧kö̧sa, —jö̧ba̧lo̧kwöbi jo̧sa. Jo̧bajayo̧kwö jo̧sa, o̧'wo ujuluwachibanö pjatatakobetjö̧, sulabenö omukwataja̧ kabatibö balewachajo̧nö omajade ujuluwachibanö pjatatakobetjö.

1 Reyes 18:12

Jejenö yötawoböma yetabi chuluwo, baikwö yöta̧la, Acabnö yöbawö chi̧'yaja̧ okobe, Isabenö Jo̧ o̧'wo luwo̧ma jelobekwö ökwönö öibakwo̧, wajwitobekwö. Ja̧danö, Acabnö yötawaja̧ okobe, ökwönö öbadekwajökötjö̧ma, –Omöna yöba̧lo̧ja, –jö̧ba̧lö ötjönö kwabö loakwo̧ Acabma. Jobekwö suli̧ kwöwaedokotjö chuluwo̧ Elias, ötjöma Isabenö Jo̧nö yebabinö ösödo̧chobetjö̧. Jau Elias, tjemubayo̧ chö̧jinemi baikwöma, bakwelöjatebö Diosnö ösödo̧sa, Acab ötjönö kwabö loobö kwisakwoko chuluwo̧.

Apocalipsis 12:5

Ja̧danö, metu'wo ju̧juma jemajökwe iso̧nö chedijatö. Jo̧ba jitji̧ma inesö la'aka luwo̧ baibakwo̧. Ja̧danö, okobe deinö böjȩnö ju̧kwadönö iteda weakwo̧, öpöjojodönö söbebö lobö. Toba'dadanöso̧ma, jemibajökwenö ukwotö jö̧ba̧lö ite'ada̧lijayonö omönanö Dios ö̧bobekwö kaekwajobe chedijatö, Dios tjemunö pjaatobetjö̧.

1 Reyes 8:27

—Chuluwo̧ Dios, ökwö kweju chotidajabe, jo̧kwaijayonö bö̧jȩnöda jö̧kö̧ja chuluwo̧. Jau chuluwo, inesö nöbo̧ja, mölejȩ inesö möjȩnöbi kwobiökenanö, jokwajabetjö̧ chöwaisa, beju bö̧jesejunö kwobioböma jwibo̧ja, jö̧balö.

Hebreos 9:24

Chömöledö, Cristoma böjȩtjö jojodö tjotidinejutjö jwiinö inesösȩko̧nö teachinokobe. Jo̧bama teachinokobe wanekwachejunö, Dios mölejȩbe inesö ejunö wanekwachejunöma. Cristoma, Dios mölejȩbe inesö ejunöda teachinobe, ökwödönö pjaatobö. Ja̧danö, Dios mölejȩbe inesö eju tebachinama, Dios öba a'o ja̧nö Diosnö aebobe ökwödönöma.

Efesios 4:10

Chömöledö, böjȩ teebenö baledibinabi mölejȩbe, jwiinö möobe kabekwajinabi bakwo̧da. Ja̧danö, jo̧bama okobe jwiinö jo̧.

Gálatas 5:6

Jau chömöledö, Cristo Jesúskwö dötewadö ja̧nö, Dios edemi dötade bajalesado̧ 'wibekwadö dö̧ji̧bi, 'wibekwöködö dö̧ji̧bi mikwawokobe chömöledö, ju'wida mikwawi̧ma. Jau chömöledö, Dios edemi jo̧ba yöawi̧ dösödi̧da mikwawi̧ma, ja̧danö dömöledö Jesúsnö ösödadönö ösödabikwawö ja̧nö di̧sebobe Dios yöawi̧ dösödi̧ma.

Gálatas 1:22

Jenama Judea nijitjö ko̧ko̧kwö tjö̧baji̧tenia Cristonö ösödadöma ina ötjönö tjedinokobe chömöledö,

2 Corintios 5:17

Jau chömöledö, Cristonö ösödadöma ida̧ökö jo̧bakwö wotjinobe, ja̧danö ida̧ökö jo̧bakwö tjetjachajinobe. Jo̧kwajabetjö̧, baikwö jo̧be chömöledö, bakwo̧ Cristokwö dötewanö ö̧jitjö̧ma, Dios 'yayinö otidajökwe baibanö jo̧ jo̧bama. Jau chömöledö, Cristokwö dötewadönöma, damö jawama ida̧ökö 'dö̧ibajinobe, ja̧danö babe dö̧ji̧ma, 'yayinö ja̧kwawa baibinobe. Jo̧kwajabetjö̧ chömöledö, damö jawa ida̧ökö 'dö̧ibajinobetjö̧, tupakwö ja̧ jawa domukwatoböma jwiobe, jwaikwöda 'yayinö ja̧kwawa jawada domukwatobö jo̧be.

Romanos 16:7

Ja̧danö, ötjöda chömöledö judío jojodö Andróniconöbi, Juniasnöbi dokwa ateba. Jobadöma ötjökwö ka̧lena ba̧jinadö, ja̧danö okobe deinö Jesús webawedöma tjöwaisawö̧ Andróniconö, Juniasnö, Otiwanö Duluwo̧ wei̧ ja̧badö, jö̧ba̧lö. Ötjötjö abönö Cristonö ösödinadö jobadöma.

Romanos 8:1

Ja̧danö chömöledö, babema Cristo Jesúskwö a̧jö dö̧jobetjö̧ bakwo̧bi deobe ökwödönö yöba̧lo̧ma, Bidöma sulabedö, Dios lȩebakwawö̧, jö̧ba̧lö.

Hechos 14:6

Jejenö tjomukwatijayonö Pabloma, Bernabéma, ju'wedö ja̧ tjomukwati̧ yötjawiawö̧ jelobe döbibajijadötö, Licaonia nijibe. Jobe comunidades, Listra mikwenabi, Derbe mikwenabi, jobe ö'öböbi yöbawiabö kwebachijadötö,

Juan 6:56

Chiteba'o kwanöbi, chökwösobu owöbi ja̧badöma ötjökwö dötewinö ju̧kwadö. Ja̧danö, ötjöma jobadökwö dötewinö jo̧sa— Jesús jö̧a̧linobe—.

Lucas 24:51

Ja̧danö, ina Diosnö aebonö, tjö̧jelötjö labebö mölejȩbe kaekwajinobe.

Apocalipsis 1:10

Ja̧danö, belö bi'onö ja̧nö, domingo möle baledibajena, Dios O̧'wo̧ Luwo̧ma ötjö cho̧'wo̧ luwo̧ okwanö i̧sebö öba̧ja̧da̧lijatö. Ja̧danö, cha̧ja̧kwijatö labinö ökwöi̧, trompeta pjutji̧danö ökwöobe.

2 Corintios 13:5

Chömöledö, ökwödöda bakwo̧nökwena omukwatakwawö kwedaduwo isabenö Jesúsnö kwösödaduwojobö jö̧ba̧lö. Baikwö isabenö kwösödaduwojobö jö̧ba̧lö kwöwaisaduwobö jo̧be chömöledö, Jesúsma okobe deinö jo̧banö ösödadökwö ö̧jobe, jo̧kwajabetjö̧ isabenö jo̧banö ösödadö kwö̧jaduwitjö̧ma, isabenö ökwödökwöbi ö̧jena. Ja̧danö, Jesúsma ökwödökwö ja̧nö öwaetjöda i̧sebakobe ökwödönö, iteda webawo̧ chö̧ji̧ma chömöledö.

2 Corintios 5:21

Jau chömöledö, otiwa jawa wenema baikwö laebobe: Cristoma la'akatjöda sulabenö ja̧inököjayonö, Diosma weinobe, ökwödö sulabenö ja̧di̧ma Cristonö baibobö, jo̧bada midawö woobö. Jejenö weinobe chömöledö, ökwödöma Cristokwö dötewanö ja̧nö, Cristonötjö Dios sulabe jwii̧ ökwödöbi dujuna̧lakobetjö̧.

1 Corintios 1:30

Ja̧danö, Diosma ökwödönö Cristo Jesúskwö bakobe bakibaduwanö ja̧inobe. Ja̧danö Diosma Cristonötjö iteda öwaisi̧ waisakwawa ji̧ma ökwödönö iyobe. Jau chömöledö, Cristoda sulabe jwibadö badibanö ja̧binama, ja̧danö Cristoda Dios ömöledö badibanö ja̧binama, ja̧danö Cristoda dö̧jibobö midawö wobinama.

2 Reyes 2:16

Ja̧danö jobe ju̧kwadö Dios yöawi̧ yöbawadöma Eliseonö yötja̧linobe, —Eliseo, ökwödö kwömöayedötjö̧, cincuentabedö kwetjachobö juluwadö tjuju̧kwobe, weköbobö adebakwö, ajayi kwuluwo̧bina Elias iteba'o isakwö kwetjachobö. Dedemi Isabenö Jo̧ O̧'wo Luwo̧ma, Eliasnö emajo̧, iteba'o jelobe ikwö loajena, mösa'o jele'otjöena, wabeko jelekotjöena, weköbakwa̧ji̧? —jö̧ba̧lö atjebökwe, —Tjisakwobö weköbaduwoko, —jö̧ba̧lö atadinobe Eliseoma.

Deuteronomio 10:14

Chömöledö, kwuluwo̧duwi Isabenö Jo̧ Diosma okobe jwiinöbi, okobe deinöbi inesö la'aka tjuluwo̧, okobe jwiinö mölejȩbi, bö̧jebi, okobe jwiinö bö̧jȩnö ji̧bi, inesö la'aka luwo̧ma jo̧bada.

Romanos 16:3

Chömöledö Aquilanöbi, ilekwo Priscanöbi dokwa ateba. Jobadöma ötjökwö otidadö Cristo Jesús weina jawama.

Romanos 16:9

Ja̧danö, Urbano, ötjökwö Cristo jawa otido̧nöbi dokwa ateba, ja̧danö chösödökwe Estaquisnöbi dokwa ateba.

Romanos 16:10

Ja̧danö, Apelesnöbi dokwa ateba, jo̧bama öwaetjöda i̧sebinobe Jesúsnö ösödi̧ma, ja̧danö Aristóbulo ömöledönöbi dokwa ateba.

Hebreos 4:14

Jo̧kwaobetjö̧ chömöledö, jwaikwöda di̧'yaduwo, domajadenö 'diinö do̧tjati̧danö, Ökwödöma Jesúsnö ösödadösa, dö̧jibinö pjabato̧nö, jö̧ba̧lö. Jejenö di̧'yobö jo̧be chömöledö, Jesúsda Diostjö jojodötjö ö'weje la'aka pjabato̧ baibanö ö̧jobetjö̧. Jo̧ba mölejȩbekwö kabekwachajinama Dios öba a'o jo̧.