2 Corintios 11:32 - Dios Iwene

³² Jau chömöledö, tupakwö yöta̧la chujulu jwii̧ wene yöbawö. Belö Damasco comunidadnö chö̧jenama, la'aka luwo̧ Aretas mikwo̧ ujuninökwe gobernadorma ötjönö do̧atobö ösödinobe, jo̧kwajabetjö̧ guardia jojodönö ujuninobe comunidad tjöekwemi apjudebiya tjite'ada̧lobö, ötjönö do̧tjatobö.

2 Corintios 11:32 Referans Kwoze

2 Corintios 11:26

Ja̧danö nöinö kwebachö, ojwetjö labi̧ jawa balediachijatö, ja̧danö naukwabidötjö labi̧ jawa balediachijatö, ja̧danö ötjöda chömöledö judío jojodötjö labi̧ jawa balediachijatö, ja̧danö judío jojodöböködötjö labi̧ jawa balediachijatö, comunidadnö ja̧nö, labi̧ jawa balediachijatö, ja̧danö jojodö deobetjö labi̧ jawa balediachijatö, ojwe nöödönö kwebachö, labi̧ jawa balediachijatö, ja̧danö Aaa, ökwödöbi Jesúsnö ösödadösa jö̧ba̧lö omöna yöba̧ladötjöbi labi̧ jawa balediachijatö chömöledö.

Hechos 9:2

Ichibö ö'weje la'aka pjabato̧nö abebijetö öjiya iwȩyudobö, jo̧ba imikwö, jelobe, Damascobe e'ewotö jö̧ba̧lö. Ja̧ öjiyama Sauloma Damascobe e'ewö 'ya̧jo̧ ichibö judío jojodö ba̧nö tja̧ja̧kwa̧leju te'ada̧lakwawa jojodönö i̧sebobö jö̧ba̧lijetö. Ja̧danö, Jesúsnö ösödadönö, ji̧bakwawa mananö kwebachadö ötjabiwö̧nö, ömadönöbi ya̧dönöbi do̧batö nu'yajo̧ Jerusalénbe öbibö ȩwa̧jobö jö̧ba̧lijetö Sauloma.

Hechos 9:8

Ikenama Sauloma a̧laibö öbajalebiya 'boebijayonö edijökötö. Ikenama öbajale tjewawiawö̧ jo̧bakwö 'ya̧jadöma ömamunö do̧ba̧lö tötöbö öbibö 'yi̧jadötö Damasco comunidadbe.

Hechos 9:10

Ja̧danö, jobe Damasconö Jesúsnö ösödo̧ma, Ananías mikwo̧, ji̧jetö. Duluwo̧ma jo̧banö yöbawijetö i̧'wi̧di̧danö, baikwö: —Ananías— jwöbijetö Duluwo̧ma. Ananías atadijetö: —Chuluwo̧— atadijetö.