1 Timoteo 6:8 - Dios Iwene

⁸ Jo̧kwajabetjö̧, böjȩnö ja̧nö dukwoböbi, da̧du̧kwoböbi dujuna̧litjö̧ma, do̧'wo̧ ösöwanö dö̧jobö jo̧be, otiwanö juna̧ladösa jö̧ba̧lö.

1 Timoteo 6:8 Referans Kwoze

Mateo 6:11

Ja̧danö, ju'wibi, mölekwena du̧kwa kwakwawa kwiyobö adeba Dabe'do.

Génesis 28:20

Ikenama Jacobma iwene yöbawö junijetö Diosnö: —Dios, ötjökwö kwö̧jitjö̧ma, ja̧danö, chi̧'yobe kwakwawabi, kamisibi kwiyitjö̧ma ja̧danö, sulabe baledökönö chabe'do ejube otiwanö tjebachajö chichibitjö̧ma baikwö yöbawö chujunena: Ökwönö, Isabenö Jo̧ Diosnöma ötabena, Chuluwo̧ Dios jö̧ba̧lö. Ja̧danö ju'wibi yöbawö chujunena: Biwa inawa ökwönö omukwatö chujunaja̧wa jemima jojodö ökwönö ösödö tjichakwemi, bemima Dios ö̧jemi, jö̧ba̧lö. Ja̧danö, ju'wibi yöbawö chujunena: Ökwö okobe jwiinö kwiyi̧ma domulataja jawa o'wiju kwiyi̧tjö bakwa'wo 'da̧batö tjetatocha ökwönöma. Jao, ötjökwö kwö̧jitjö̧ma, ja̧danö, chi̧'yobe kwakwawabi, kamisibi kwiyitjö̧ma, ja̧danö, sulabe baledökönö chabe'do ejube otiwanö tjebachajö chichibitjö̧ma jejenö yöbawö chujunena— yöbawö junijetö Jacobma Diosnöma.

Deuteronomio 2:7

Tupakwö yöawinobe, —Kwuluwo̧duwi Isabenö Jo̧ Diosma isabenö otiwanö iteada̧linobe ökwödönö chömöledö. Jo̧bama okobe jwiinö cuarenta o̧biya baledibanö kwekachaduwina waiso̧, ja̧danö okobe jwiinö kwö̧jaduwi̧ waekwökönö kwöbaledaduwobö pjaatinobe. Kwekachaduwonö, ökwödökwö ja̧nö pjaatinobe, kwujuna̧laduwo jö̧ka̧laduwi̧ma ja'yubebi jwiköbaduwapji jö̧ba̧lö.

Génesis 48:15

Ikenama Jacobma Dios ösödanö edö pjaatakwa̧ junijetö itji̧ Josénö, ja̧danö José i̧tji̧munö. Baikwö yöba̧lijetö: —Chitji̧, cha'dömine Abrahamma, chabe'domine Isaacma Dios wei̧ a̧ja̧kwö ju̧kwiatjinobe. Ja̧danö, Diosma ötjönöma ajayinö chö̧jinemi baikwö ite'ada̧linobe.

Filipenses 4:11

Jejenö yöta̧li̧ma, Aaa, ötjöwe, jwibo̧sa, jö̧ba̧löma yöta̧lökö chömöledö. Jau chömöledö, ida̧ökö chöwaisachibinobe, jwibö chö̧jitjö̧bi, juna̧lö chö̧jitjö̧bi, cho̧'wo̧ ösöwanö chö̧jobö, otiwanö juna̧lo̧sa jö̧ba̧lö.