1 Timoteo 6:15 - Dios Iwene

¹⁵ Jau Timoteo, Duluwo̧ Jesucristo isabenö yemidanö öwawachobö ja̧akobe Diosma, Dios badedö ujunina möle badekwachenama. Jo̧ba jojodö tjösödökwe Diosda okobe deinö tjuluwo̧ma, ja̧danö Diosda luwedö tjuluwo̧ma, ja̧danö Diosda la'aka luwedö inesö la'aka tjuluwo̧ma.

1 Timoteo 6:15 Referans Kwoze

Apocalipsis 19:16

Jo̧ba ökamijido̧nöbi i̧sȩ'bonöbi wȩyukwo̧, Ötjödasa Inesö La'aka Luwo̧ma, jö̧ba̧lö, wȩyukwo̧. Ja̧danö, Jojodö inesö tjuluwo̧, jö̧ba̧lö wȩyukwo̧ ökamijido̧nöbi, i̧sȩ'bonöbi. Jejenö chedijatö mölejȩ apjude po̧ekwobema.

Apocalipsis 17:14

Ja̧danö, jobadöma Obeja Itji̧danö Jo̧nö tjujuluwobö tji̧'yakwedö. Jo̧kwaijayonö waekwakwawö̧ yelösöda. Obeja Itji̧danö Jo̧ma jobadönö jwiinö ujuluwakwo̧. Jo̧bama inesö Duluwo̧obetjö̧, inesö La'aka Luwo̧obetjö̧ jobadönö jwiinö ujuluwakwo̧. Ja̧danö, Obeja Itji̧danö Jo̧kwö ja̧döma, jo̧ba jwöbö, omudawö ujuninawö̧ma, jo̧banö kabatibökönö tjo̧'wo̧ wana̧ladö— yöawijatö ángelma ötjönöma.

1 Timoteo 1:17

Inesö la'aka luwo̧, wobökönö ba̧kwȩlö̧jatebö jo̧, jojodöbi dedökökwe Diosma bakwo̧da, jelo̧ma deobe, jo̧banöda otiwanö domukwatobö jo̧be, ja̧danö jo̧banöda dösödobö jo̧be, otiwo̧ja̧, juluwo̧ja, jö̧ba̧lö. Jejenö kabatökönö dösödobö jo̧be.

1 Timoteo 1:11

Jobekwö laebobe isabenö wene ötjö yötawi̧ wenema Timoteo. Ja̧danö, ja̧ jwiinö otiwa jawa wene yötawi̧ma, inesö otiwo̧ Diosma ötjönö yöbawö iyinobe, tupakwö ju'wedönö yötawo jö̧ba̧lö.

Daniel 4:34

Ja̧danö, ja̧ jelemutjö döbalataja o̧biya baledibajenama, ötjö Nabucodonosorma mölejȩbekwö chedijatö, ja̧danö yemidanö jojo omukwati̧danö otiwanö chomukwatijatö. Ja̧danö Okobe Jwiinö Juluwo̧ Diosnö chösödijatö, ba̧kwȩlö̧jatebö jo̧nö chösödijatö, otiwo̧, juluwo̧ jö̧ba̧lö. Isabenö ba̧kwȩlö̧jatebö la'aka luwo̧ jo̧ Diosma, isabenö ba̧kwȩlö̧jatebö 'dö̧ibajökönö la'aka luwo̧ ö̧jakwo̧.

Proverbios 8:15

Ju'wibi yöbawuju: —Ja̧danö, ötjö, jweinö omukwatö ja̧kwawa wanekwachujuma inesö la'aka luwedönö öbibujusa, jweinö omukwatö wetjobö. Ja̧danö, inesö la'aka luwedöma jweinö omukwatö tjö̧jitjö̧ma jweinö wetjena tjitebotenia ju̧kwadönöma. Ja̧danö, jweinö omukwatö tjö̧jitjö̧ma weawa jawa yöbawö tju̧juni̧ma jweinöda omukwatö tju̧junena— yöbawuju—.

1 Timoteo 2:6

Jo̧bada midawö woinobe, okobe deinö jojodö tjö̧jibobö. Jau, Dios badedö ujunina möle badekwachenama, Cristo Jesúsma midawö woinobe, ja̧danö jejenö Diosma öwaetjöda i̧sebinobe, okobe deinö tjö̧jibobö chösöda jö̧ba̧lö.

Mateo 6:13

Ja̧danö, sulabenö ja̧dakwojobö jö̧ba̧lö ja̧i̧ jawa döbaledenama, dujuluwachibanö pjabati, sulabenö ja̧dapji jö̧ba̧lö. Ja̧danö inesö sulabo̧ ujulutjö dö̧jibinö pjabati, Dabe'do jö̧ba̧lö akebaduwo Kwabe'doduwi Diosnöma— jö̧ba̧lö yöawinobe Jesúsma.

Deuteronomio 10:17

—Jau chömöledö, isabenö Dios wei̧ kwa̧ja̧kwaduwobö jo̧be, baikwö yötawa: Kwuluwo̧duwi Isabenö Jo̧ Diosma, okobe deinö tjösödawö̧tjö inesö Diosbo̧ chömöledö, ja̧danö okobe deinö luwedötjö inesö la'aka luwo̧, ja̧danö jo̧bada inesö juluwo̧ Diosma, okobe deinö yetjaibo jö̧tja̧lökwema. Ju'wibi, wainökwena omukwatökönö, bakwainö edo̧ jo̧bama jojodönö. Ju'wedö lȩekwa jojodöma jweinö yöbawökönö, jojodö tjimidobö abebadö, sulabenö lȩekwa yötjawobö, jo̧kwaijayonö jejenöbö̧kö̧ Diosma chömöledö, bakweminö jweinö lȩbebo̧, juna̧ladönöbi jwibadönöbi.