1 Timoteo 3:4 - Dios Iwene

⁴ Ja̧danö, te'ada̧lakwawa luwo̧ baibanö otidakwo̧ma, otiwanö iteda ilekwonöbi i̧tji̧munöbi ba̧ja̧dö jwebebo̧. Ja̧danö, iteda i̧tji̧muma, tjabe'do wei̧danö ja̧badö, ja̧danö ju'wedö jojodönö otiwanö omukwatö ösödadö, jo̧ba i̧tji̧muma.

1 Timoteo 3:4 Referans Kwoze

Tito 1:6

Te'ada̧lakwawa luwo̧ otidakwo̧ma ju'wedö jo̧banö sulabenö yötja̧loböma jwibo̧, ja̧danö ilekwo bakwujunöda juna̧lo̧, jobujukwöda jo̧. Ja̧danö, te'ada̧lakwawa luwo̧ otidakwo̧ i̧tji̧muma Jesúsnö ösödadö, ja̧danö i̧tji̧munö bidöma omukwatöködö, weawa a̧ja̧kwöködö jö̧ba̧lö ju'wedö yötja̧lököwö̧.

1 Timoteo 3:12

Ja̧danö, pjaatakwawa luwo̧ baibanö otidakwo̧ma ilekwo bakwujunöda juna̧lo̧, ja̧danö jobujukwöda jo̧. Ja̧danö, iteda ilekwonöbi i̧tji̧munöbi otiwanö jwebebo̧.

Génesis 18:19

Isabenö, Abrahamnöda omudawö chujunijatö iteda i̧tji̧munöbi, jo̧batjö tupadanö jojodönöbi öba̧jadobö, ötjö weti̧ a̧ja̧kwö tjö̧jakobetjö̧, jweinö omukwatö, ötjö chösödi̧danö ja̧bö. Jejenö tjuju̧kwitjö̧ma ötjö chiwene Abrahamnö yöbawö chujuninadanö badekwachakobe— jö̧ba̧lijetö Isabenö Jo̧ Diosma, itedada.

Tito 2:2

Jesúsnö ösödadötjö ömadö damöbedönö baikwö ja̧bö tjö̧jobö kwöba̧ja̧dodönö: Okobe jwiinö ja̧tji̧ma, jweinö omukwatö ja̧bö tjö̧jobö, ja̧danö obökönö ja̧bö tjö̧jobö, ja̧danö tjösödi̧ jawa ja̧bökönö, biya̧ma otiwanö ja̧awa jö̧ba̧lö tjöwaisi̧da ja̧bö tjö̧jobö. Ja̧danö, jobadönö kwöba̧ja̧do, jwaikwöda Jesúsnö ösödö tjö̧jobö, ja̧danö tjömöledö Jesúsnö ösödadönö tjösödobö, ja̧danö tjo̧'wo̧ luwo̧nö me'dawachibökönö tjö̧jobö kwöba̧ja̧dodönö.

Hechos 10:2

Ja̧danö, Cornelioma Diosnö ösödö ji̧abijetö. Jo̧babi jo̧ba ömöledöbi Diosnö otiwanö yebabinö omukwatö ji̧abijadötö. Jo̧bama judío jojodötjö tju̧kwa jwibadönö pjabatiabijetö. Ja̧danö, Cornelioma kabatökönö Diosnö abebö ji̧abijetö.

Josué 24:15

—Jau chömöledö, Isabenö Jo̧nöda kwösödaduwobö jo̧be, jo̧kwaijayonö, Isabenö Jo̧nö ösödö kwö̧jaduwobö kwöpöjödaduwitjö̧ma, babe möleda omudawö kwujunaduwobö jo̧be, kwösödaduwakwawö̧nöma, damötjö̧ kwa'dödö Eufrates mikwödö tupakwö tjö̧jena tjösidinawö̧maö̧kö̧, bemi niji ju̧kwadö amorreos jojodö tjösödawö̧maö̧kö̧. Jo̧kwaijayonö ökwödö israel jojodöma ju'wedö tjösödawö̧nöda kwösödaduwobö omudawö kwujunadwuitjö̧böbi, ju'wedönö la'akatjöda chösödökakwo̧sa chömöledö. Ötjöbi, yö̧ne chömöledöbi, jwaikwöda Isabenö Jo̧nöda ösödö dö̧jakwedösa, jo̧ba wei̧da a̧ja̧kwö, —jö̧ba̧lö yöawinobe Josuema, israel jojodönö.

Tito 2:7

Jau Tito, ökwöbi okobe jwiinö ökwö ja̧bö kwö̧ji̧ma, otiwanö ja̧bö ja̧kwawa i̧sebö kwö̧jo, ju'wedö edö tjöwaisakobetjö̧ otiwanö ja̧bö ja̧kwawama. Ja̧danö, jojodönö yöbawö kwö̧ji̧ma, bakwainö otiwanö omukwatö, obökönö yökawo,

Filipenses 4:8

Bajaleapo yötawi̧ma baikwö yötawaduwakwö, otiwi̧ jawada, jojodö biya̧ma otiwa jö̧ba̧lö tjomukwato jö̧tja̧li̧ jawada kwomukwataduwo jö̧ba̧lö. Jau chömöledö, isabenö ji̧ jawada, ja̧danö otiwanö tjomukwati̧ jawada, ja̧danö jwei̧ jawada, ja̧danö bakwainö wene jwii̧ jawada, ja̧danö tjo̧'wo̧ ösöwi̧ jawada, ja̧danö jojodö tja̧ja̧kwobö otiwi̧ jawada omukwatö kwö̧jaduwo.

Efesios 5:24

Jejenöobetjö̧ yötawa ya̧dönöma, Kwilekweduwi okobe jwiinö wei̧ma a̧ja̧kwö ja̧köbaduwo, jö̧ba̧lö, Cristo wei̧ a̧ja̧kwö ja̧di̧danö.