1 Timoteo 3:11 - Dios Iwene

¹¹ Pjaatakwawa luwo̧ baibanö otidakwo̧ ilekwobi ja̧danö, otiwanö ja̧bö ju̧ju. Ja̧danö, jojodönö sulabenö yöba̧lökuju, ja̧danö nöinö nio ojwiyo owa̧lökuju.

1 Timoteo 3:11 Referans Kwoze

Tito 2:3

Ja̧danö, ya̧dö damöbedönöbi baikwö ja̧bö tjö̧jobö kwöba̧ja̧dodönö: Ja̧bö tjö̧ji̧ma otiwanö Diosnö ösödadö ja̧bö tjö̧ji̧danö ja̧bö tjö̧jobö. Ju'wedönö omöna yöba̧lö tjoma'apekwönöma yötja̧loko, ja̧danö nio ojwiyo 'dukwachinö owa̧löma tjö̧joko, wainö ja̧bö tjö̧jobö kwöba̧ja̧dodönö, otiwa jawa ba̧ja̧dadö baibanö tjö̧jobö.

Tito 3:2

ja̧danö, ju'wedönö sulabenö yöba̧lökönö tjö̧jobö, ja̧danö jwöjwöbökönö tjö̧jobö, ja̧danö, dösölö̧jinö yöba̧lö tjö̧jobö, ja̧danö okobe deinö ju'wedönö otiwanö dösölö̧jinö ja̧bö tjö̧jobö yökawodönö.

1 Timoteo 3:2

Ja̧danö, te'ada̧lakwawa luwedö jawa yötawa. Te'ada̧lakwawa luwo̧ baibanö otidakwo̧ma, otiwanö ja̧bö jo̧. Ja̧danö, otiwanö ja̧bö ö̧jobetjö̧, jojodö sulabenö yötja̧loböma jwibo̧. Ja̧danö, ilekwo bakwujunöda junalo̧, ja̧danö jobujukwöda jo̧. Ja̧danö, ja̧bö ö̧ji̧ma, bakweminö omukwatö jo̧. Ja̧danö, Aaa, biya̧ma otiwanö ja̧awa, jö̧ba̧lö öwaisi̧danö ja̧bö jo̧. Ja̧danö jojodö, Aaa, bitema otiwanö ja̧bö jo̧, jö̧ba̧lö tjöwaisökweda. Ja̧danö, jelobetjö ichajadö tjichenama, ejutjö dösölö̧jinö tebatö pjabato̧, ja̧danö, Dios iwene ba̧ja̧dakwawa waiso̧.

1 Pedro 5:8

Jweinö omukwatö eda̧lö kwö̧jaduwo chömöledö, kwöpöjojo Awetjama, ökwödönö suli̧ öwaedobö isakwobetjö̧. Kwöpöjojonö baikwö wanedö yötawa chömöledö: Didiba nöbo̧ma tulubö kwebacho̧, ukwakwo̧nö isakwö, ¿jö̧tö? Ja̧danö, Awetjama ökwödönö suli̧ öwaedobö isakwo̧ chömöledö, jo̧kwajabetjö̧ jweinö omukwatö eda̧lö kwö̧jaduwobö jo̧be.

2 Timoteo 3:3

Ja̧danö, jojodönö ösödabikwawöma tjö̧jökakobe, ja̧danö jojodönö lȩlö̧jinöma tjedökakobe, ja̧danö ju'wedönö omöna yötja̧lakobe, sulabenö ja̧badö jö̧ba̧lö. Ja̧danö, idöda tjösödi̧da ja̧tjakobe, ja̧danö jojodönö tjölabikobe, ja̧danö otiwanö ja̧awama tjöpöjödakobe.

Proverbios 10:18

Ja̧danö, ju'wibi yötawa, wanedö: Bakwo̧ma jelo̧nö jwiinö öpöjödijayonö öpöjödi̧ i̧sebökönö omöna yöa̧lobe, Chösödökwe, jö̧ba̧lö. Isabenö, jobekwö yöba̧lo̧ma omönada yöba̧lo̧. Ja̧danö, ju'wibi yötawa, wanedö: Bakwo̧ma jojodönö omöna yöawobe ju'wedönöma. Sulabenö ja̧tja̧jabe, jö̧ba̧lö yöawobe sulabenö ja̧tjö̧köjayonö. Jobekwö omöna yöbawo̧ma isabenö jweinö omukwatö̧kö̧.

2 Timoteo 4:5

Timoteo, ba̧kwȩlö̧jatebö jweinö omukwatö kwö̧jo, ja̧danö usula kwemawenama, kwo̧'wo̧ 'dibachibö kwöbaledo. Otiwa jawa wene yöbawö kwotido, ja̧danö ju'wi Dios ökwönö wei̧bi otidö kwö̧jo.

1 Timoteo 6:2

Ja̧danö, tjuluwedöbi Cristonö ösödadö tjö̧jitjö̧ma, tjuluwedönö sulabenö tjomukwatoko, bitema chömöledöso̧obetjö̧, ötjönö weoko jö̧ba̧lö. Jejenö omukwatökönö, ajayi wetji̧ ja̧bö tjö̧ji̧tjö o̧penönö otiwanö ja̧bö tjö̧jobö jo̧be, bite chösödökwe chömöledöso̧nö pjatatobe jö̧ba̧lö. Jau Timoteo, okobe jwiinö biya̧ ökwönö yötawaja̧ma, Cristonö ösödadönö yökawodönö. Ja̧danö, jobadönö yöbawö weköbo, yötawaja̧danö ja̧bö tjö̧jobö.

1 Timoteo 1:12

Duluwo̧ Cristo Jesúsma ujulu iyinobe ötjönöma, biya̧ chotidi̧ jawa chotidobö. Ja̧danö, Cristo Jesúsma ötjönö ösödö omukwatinobe, bitema weti̧ otiwanö ja̧akwo̧, jö̧ba̧lö. Ja̧danö, ötjönö 'da̧batö ujuninobe iteda wei̧ chotidobö. Ja̧danö, jejenö 'da̧batö ujuninobetjö̧, jo̧banö ösödö yöta̧la, otiwanö weköbinobe, jö̧ba̧lö.

Juan 6:70

Ja̧danö Jesúsma jö̧a̧linobe jobadönö: —Ökwödö a̧li̧nösamutjö du̧ju̧tajanö 'da̧batö chujunijatö. Jo̧kwaijayonö, ökwödötjö bakwo̧ Awetja ömöayo̧— jö̧a̧linobe Jesúsma.

Mateo 4:1

Jemi ikenama, Dios O̧'wo̧ Luwo̧ma Jesúsnö öibinobe, jojodö deobe i̧'yobö, jobetjö Jesús sulabenö ja̧ojobö ja̧okojobö jö̧ba̧lö Awetja edö ja̧obö.

Proverbios 25:13

Ja̧danö, ju'wibi yötawa: Bakwo̧ luwo̧ma iteda ömöayo̧nö yötawaja̧ yöawobö weobe ju'wedönö. Ja̧danö, weajökwema uluwo̧ yöawaja̧danö otiwanö jweinöda yöawitjö̧ma uluwo̧ma o̧'wo ösöwanö ö̧jobe, yötawaja̧ma otiwanö tja̧ja̧kwajabe, jö̧ba̧lö. Wanedö yötawa: Batjo tju̧junaja̧ ikena ojwiyo o̧bi̧ma niji tju̧junajemi otiwanö tiyuwachi̧danö jo̧ba uluwo̧ma o̧'wo ösöwanö ö̧jobe ömöayo̧ otiwanö yöawobetjö̧.

Romanos 1:29

Jobadönöma baikwö yötawa: Okobe jwiinö Dios öpöjödi̧ jawada ja̧badö, ju'wedö tjitea ö'wiabinö omukwatadö, okobe jwiinö jojodö sulabenö ja̧tji̧bi ja̧bö ju̧kwadö. Ju'wedö tjitea ösödö, ö'wö 'yaabinö kwabö lobadö, ölakwabikwawabi jö̧ba̧ladö, omöna yöba̧ladö, ju'wedönö sulabenö ja̧tjotö jö̧ba̧lö omukwatadö. Ja̧danö, tjoma'apekwönö yöba̧lakwawadö,