Isabenö labinö lȩtebakwo̧sa jobadönö. Weti̧ öpöjödö, idöda tjösödi̧ ja̧tjobö omudawö tjujuninobetjö̧, jobadönö lȩtebakwa̧ omudawö chujunakwo̧sa, inesö yetjabi̧ jawa jobadönö baledobö omudawö chujunakwo̧sa. Isabenö jobekwö lȩtebobö jo̧be, baikwö yöta̧la: Jobadönö jwötenama, atadinöködö, ja̧danö yötawenama, a̧ja̧kwinöködö. A̧ja̧kwökönö, ju'wida omudawö juninadö, chöba a'otjö sulabenö ja̧tjoböda omudawö tjujuninobe. Ötjö chösödi̧ jawa tjöwaisijayonö, ja̧ jawa ja̧bökönö, inesö chöpöjödi̧ jawada sulabenö ja̧badö, jo̧kwajabetjö̧ isabenö jobadönö lȩtebobö jo̧be, jö̧ba̧lö laebobe Isabenö Jo̧ yöawi̧ma.
1 Samuel 8:19 - Dios Iwene19 Jo̧kwaijayonö, jejenö jweinö inesö la'aka luwo̧ ja̧akwa̧ yöawijayonö, yebaiböma tjomukwatakwawinokobe, dujunoko jö̧ba̧löma. Samuel yöawi̧ tja̧ja̧kwobö tjöpöjödinobe israel jojodöma, ja̧danö baikwö tjatadinobe: —Jejenö baibitjö̧bi, yayonö inesö la'aka duluwo̧nö dösöda. Gade chapit la |
1 Samuel 8:19
9 Referans Kwoze
Tupakwö yöawinobe Moisesma: —Chömöledö, kwuluwo̧duwi Isabenö Jo̧ Dios iyakwa̧ nijibe ichibajadö, ja̧danö kwiteboduwi baibanö emajadö jobe kwö̧jaduwenama, omukwatö yöka̧lakwawaduwena, –Okobe deinö dipjeanö tjitebokwena jojodöma, tjitebokwena inesö la'aka tjuluwo̧nö tjujuna̧lobe, ökwödöbi inesö la'aka duluwo̧nö dösöda, jo̧ba weonö dö̧jobö, –jö̧ba̧lö inesö la'aka luwo̧ kwuluwo̧duwinö kwujunaduwobö jö̧ka̧laduwena.
Jo̧kwaijayonö, jejenö otiwanö pjabatiainajayonö, babe amonitas jojodö tjuluwo̧ Nahas mikwo̧ baikwö ichobe edö, inesö la'aka luwo̧ kwuluwo̧duwi Isabenö Jo̧ Diosnö omukwatökönö, ötjönö yöka̧linaduwobe, Diosda duluwo̧ ö̧jobömaökö, jojonö inesö la'aka duluwo̧nö kwujuno jö̧ba̧lö. Kwuluwo̧duwi Isabenö Jo̧ Diosda kwuluwo̧ ö̧jinajayonö, jo̧banö öpöjödö jojonö akebinaduwobe.
Piblisite