1 Samuel 6:20 - Dios Iwene

²⁰ Ikenama Betsemesnö ju̧kwadöma yebabinö yötja̧linobe, —Isabenö bakwo̧bi deobe, Isabenö Jo̧ , bite suli̧ jwibo̧ Dios öba a'o jo̧ma. Dai wedakwa̧da jo̧ba iteapjo isapjoma, ökwödö ditebonö jo̧bö jwiobe jö̧ba̧lö.

1 Samuel 6:20 Referans Kwoze

2 Samuel 6:9

Ja̧danö ja̧ möle Isabenö Jo̧nö yeaibinobe Davidma, —Yetabi, chitebo Jerusalenbe che'ewökako̧sa Isabenö Jo̧ iteapjoma, —jö̧ba̧lö.

Apocalipsis 6:17

¡Ayö! Döwaisa, ida̧ökö, Dios jwiinö labinö lȩebi̧ma badekwachajabe. Bakwo̧bi deobe jo̧ba lȩebi̧tjö döbibajo̧ma— yebabinö jwötjeba̧li̧ cha̧ja̧kwijatö.

Lucas 8:37

ja̧danö yötjawiawö̧, jwiinö yetjaibinobe jojodöma. Ja̧danö, jwiinö yetjaibobetjö̧, okobe deinö gadarenos tjitebo jojodöma Jesúsnö atjebinobe, tjitebotjö laebajobö. Ja̧danö, atjebökwe, Jesúsma yemidanö isowinö a̧jibinobe, ȩwa̧jobö.

Lucas 5:8

Jejenö baibiawö̧, Simónbi, jo̧bakwö otidajibadö Zebedeo i̧tji̧mu Jacobobi, Juanbi, ju'wedö Simónkwö ju̧kwadöbi tjöbajale jalaka baibanö tjedinobe, Ayö, bitema ¿tijö? ¿Dakwö jejenö beiso̧jö? ¿Dakwö ba̧jekwadönö jwodobö weajö? jö̧ba̧lö. Ja̧danö Simónma Jesús öba a'o bȩbachibö, u̧yu̧ku̧nö bamatö Jesúsnö yöa̧linobe: —Chuluwo̧, ötjöma sulabenö ja̧bö jo̧chobetjö̧ ökwökwö chö̧joböma jwibo̧sa, jo̧kwajabetjö̧ ötjötjö 'da̧bachibö 'ya̧wi— jö̧ba̧lö aebinobe Simónma Jesúsnö. Jejenö aebökwe, Jesúsma Simónnö atadinobe: —Yebabökönuwi Simón. Baikwö wanedö yötawakwö: Babe ba̧i̧ jwobö kwotidajabema, isabenö bemi tupakwöma jojodönöda jwobö kwotidakwo̧ja— jö̧ba̧lö.

2 Samuel 6:7

Jejenö maoko jawa maiökwe, Diosma ödameakwinobe Uzanö, ja̧danö jenada Diosma Uzanö lȩbebö kwabö loinobe. Jejenö lȩebökwe, jenada Dios iteapjo ö'öbö ja̧nö ö'wö baibinobe Uzama, Dios iteapjo maajobetjö̧.

1 Samuel 5:7

Ja̧ baledi̧ edö, Asdodnö ju̧kwadöma tjöwaisachibinobe, —Bi̧ya̧ ökwödönö baledi̧ma, Diostjöda ichi̧, —jö̧ba̧lö. Ja̧danö, waisachibö yötja̧linobe, —Israel jojodö tjösödökwe Dios iteapjo ditebonö jo̧bö jwiobe, iteda iteapjo ditebonö jo̧betjö, jwiinö lȩbebo̧ ökwödönöbi, dösödökwe o̧'wo jawa Dagon mikwo̧nöbi, —jö̧ba̧lö.