1 Samuel 4:1 - Dios Iwene

¹ Ja̧danö, ju'wi mölȩ, israel jojodötjö ölakwabikwawa jojodöma filisteo jojodönö tjölakwabikwawobö tji̧'yinobe. Ja̧danö israel jojodöma Ebenezer mikwobe tjabakwa̧ löwötebiya otidö tjujuninobe, ja̧danö filisteo jojodöma jobe pjeanö Afec mikwobe tjabakwa̧ löwötebiya otidö tjujuninobe.

1 Samuel 4:1 Referans Kwoze

1 Samuel 29:1

Filisteo jojodöma Afec mikwobe tjo̧ko̧kokwinobe, ja̧danö israel jojodöma Jezrel comunidad ojwese'do yöneawinö tjo̧ko̧kokwinobe.

1 Samuel 7:12

Ikenama Samuelma inawa nöawa emö, Mizpa comunidadbi Sen comunidadbi 'da̧de ödinobe, ja̧danö lödajo̧ jawa Ebenezer jö̧ba̧lö imidinobe, —Ba̧kwelöjatebö pjabataiadanö babebi pjaatajabe Isabenö Jo̧ma, —jö̧ba̧lö.

1 Samuel 5:1

Filisteo jojodöma Dios iteapjo israel jojodötjö 'dötjebinobe, Ebenezertjö israel jojodönö tjujuluwenama, ja̧danö 'döbebajadö, tjitebo comunidad Asdodbe tje'ewinobe.

1 Reyes 20:30

Ja̧danö, jejenö kwabö lotjiawö̧, siria jojodötjö ji̧bajadöma Afec comunidadbe dötjibajinobe, tjöekwemi o̧pe tjö̧jibobö, jo̧kwaijayonö Afec comunidad tjöekwemi jobadönö kwaibinobe, ja̧danö veintisiete milbedönö 'dabebö loinobe. Siria la'aka luwo̧ Ben-adadbi Afec comunidadbe döibajinobe, jadanö comunidad okwa tebachajo̧, okwasȩko̧nö uju̧kwawinobe.

1 Samuel 3:11

Atadökwe Isabenö Jo̧ma Samuelnö yöawinobe baikwö: —Isabenö yötawakwö, ja'yubenö lekwajabetjö bemi israel nijinö labi̧ jawa chi̧sebakwo̧sa, chi̧sebakwa̧ wene a̧ja̧kwadöma yebabinö tjö̧bawadö batjibanö, isabenö yetjaibi̧ jawa chi̧sebakwo̧sa.

Josué 19:30

Uma comunidadbi, Afec comunidadbi, Rejob comunidadbi. Ja̧ veinte y dos comunidadbi, ö'öbö pjei̧ comunidadteniabi, Aser niji comunidad ji̧nobe.

Josué 15:53

Yanún comunidadbi, Bet Tapúaj comunidadbi, Afecá comunidadbi,

Josué 12:18

Afec comunidad la'aka luwo̧nöbi, Sarón comunidad la'aka luwo̧nöbi,

1 Samuel 4:2

Ja̧danö jobe janö, filisteo jojodötjö ölakwabikwawa jojodöma israel jojodötjö ölakwabikwawa jojodönö mebibö tjölakwabikwawinobe, ja̧danö tjölakwabikwawenama, israel jojodönö tjujuluwinobe, ja̧danö ölakwabikwawö israel jojodötjö ömadö cuatro mil jenanö kwabö lotjinobe.

Deuteronomio 29:10

—Babe möle okobe deinö bai kwuluwo̧duwi Isabenö Jo̧ Dios öba a'o ko̧ko̧kwö ja̧döja chömöledö, bakwasokwena la'aka luwedöbi, ju'wedö kwuluwedöduwibi, lȩekwa luwedöbi, ökwödö israel jojodötjö ömadöbi,

1 Samuel 10:19

Jo̧kwaijayonö, jejenö pjatatinajayonö, ökwödöma kwuluwo̧duwi Diosnö, öpöjödadöja. Jau, okobe jwiinö wene kwujuna̧laduwitjöbi, usula emawö kwö̧jaduwitjöbi kwö̧jibaduwinö pjabato̧nö, öpöjödö kabatibadöja, –Jojonöda Inesö la'aka duluwo̧ baibanö dujunobö dösöda, –jö̧ba̧lö. Ja̧danö akebaduwi̧danö chiyocha, jo̧kwajabetjö̧ ötjö Isabenö Jo̧ chöba a'o jamataduwi ökwödö israel jojodöma. Wainökwena Israel itji̧musasokwena, ja̧danö jobadö tji̧tji̧musasokwena wainö jamataduwi, didösasotjö la'aka luwo̧ omudawö chujunajökwenö chi̧sebakobetjö̧, —jö̧ba̧lö Dios yöawi̧ yöawinobe Samuelma.

1 Reyes 20:26

Ja̧danö, ikenasaba, o̧ba baibenama, Ben-adadma siria jojodötjö ölakwabikwawadönö o̧ko̧kodinobe, ja̧danö ko̧ko̧dajo̧, Afec comunidadbe tji̧'yinobe, israel jojodökwö tjölakwabikwawobö.