1 Samuel 3:11 - Dios Iwene

¹¹ Atadökwe Isabenö Jo̧ma Samuelnö yöawinobe baikwö: —Isabenö yötawakwö, ja'yubenö lekwajabetjö bemi israel nijinö labi̧ jawa chi̧sebakwo̧sa, chi̧sebakwa̧ wene a̧ja̧kwadöma yebabinö tjö̧bawadö batjibanö, isabenö yetjaibi̧ jawa chi̧sebakwo̧sa.

1 Samuel 3:11 Referans Kwoze

Hechos 13:41

Ökwödö Diosnö öpöjödadönöma, Diosma jweinö yöba̧lökö, jö̧ba̧lö, jö̧ba̧ladönöma isabenö yöta̧la. A̧ja̧kwaduwitjö. Ötjö labi̧ jawa baledinö weti̧ma kwedaduwakwedöja, ökwödö kwö̧jaduwi̧ma. Ja̧ baledakwa̧ma, baledakwa̧ abönö luwedö yötjawi̧, Labi̧ jawa baledakobe, jö̧ba̧lö, a̧ja̧kwö yöka̧laduwakobe, Omöna, jejenöma baledökakwa̧, jö̧ba̧lö. Jo̧kwaijayonö yötawaduwakwö. Isabenö ja̧ labi̧ jawa baledakobe. Baledenama ökwödöma, Ayö, ökwödöwe, jö̧ba̧lö, kwedaduwakwedöja. Jejenö baledinö wetobetjö̧ woköbaduwakwedöja, jö̧ba̧lö laebobe Dios iwenetjö, Dios yöawi̧ yöbawinama iwȩyudinama— yöbawijetö Pabloma.

2 Reyes 21:12

Jo̧kwajabetjö̧, jobekwö sulabenö ja̧bö ö̧jobetjö̧, ötjö Isabenö Jo̧ Israel jojodö tjösödökwe Diosma lȩtebakwa̧ baikwö yötawa: Inesö suli̧ waedi̧ Jerusalen comunidadbi, ju'wi Juda nijibi baledobö wetakwo̧sa. Isabenö inesö labi̧ jawa baledobö wetakwo̧sa, okobe deinö baledaja̧ wene a̧ja̧kwajadöma, —Tajijö? —jö̧ba̧lö yetjaibenanö.

Lucas 21:26

Jejenö balediawö̧, böjȩ jojodöma jwiinö yetjaibakobe, ja̧danö ba̧jekwadö yebabinö 'dö̧bachibö metjakobe, böjȩma dakwö baledakwa̧jö jö̧ba̧lö. Jau chömöledö, okobe deinö mölejȩnö lö̧jadö wainö batjibobe tjedakobe,

Isaías 29:14

Jo̧kwajabetjö̧ yemidanö tjöbajale jalaka baibanö, jojodö edajitjökö jawa chi̧sebocha, yemidanöbi, yemidanöbi. Jobekwö i̧sȩbö, jobadötjö –Waisadösa, –jö̧ba̧ladö tjöwaisi̧ 'dö̧ibajobö ja̧takwo̧sa, jadanö jobadötjö, –Okwa jawa döwaisachibanö omukwatadösa, –jö̧ba̧lö yöba̧ladöma, labebö lobö yötjawobö jwitjakwedö, —jö̧ba̧lö yöawobe Diosma.

Isaías 28:19

Ja̧danö jobadö ölakwabikwawadö yemidanöbi, yemidanöbi kwitebobenö baledö, ökwödönö tjemakwedö, yȩayibi, möle ja'öbi, yö̧tebi ökwödönö emibö tjöbaledakwedö. Ja̧danö sule jwiinö bakwainö yekabiduwenada, bajalianö yötawi̧ okwa jawa kwöwaisachibaduwakwedöja.

1 Samuel 3:10

Ikenama Isabenö Jo̧ yemidanö ichö janö Samuelnö jwöinobe ajayinö jwöaja̧danö, —Samuel, Samuel, —jö̧ba̧lö. Jwöökwe, Samuelma atadinobe, —Chuluwo̧, ötjöma kwömöayo̧sa, yöbawitjö isabenö cha̧ja̧kwa̧lobe, —jö̧ba̧lö.

1 Samuel 4:10

Jejenö weawö̧, isabenö 'diinö ja̧nö tjölakwabikwawinobe filisteo jojodöma, ja̧danö israel jojodönö tjujuluwinobe. Isabenö ba̧jȩkwadönö kwabö lotjinobe filisteo jojodöma, israel jojodötjö ömadö treinta mil jenanö kwabö lotjinobe, ja̧danö israel jojodötjö ji̧bajadöma döbibajö tjejukwena tjȩwa̧ji̧nobe.

Diosnö ösödo̧ Job mikwo̧ usula emawina jawa 41:9

—Jau Job, Leviatannö tjujuluwoböma juluwöködö jojodö la'akatjöda, ja̧danö jobanö tjujuluwobö jö̧ba̧ladöma, jo̧banö edö yebabinö tjujuluwobö tjomukwataja̧ma kabatibadö.