1 Samuel 28:14 - Dios Iwene

¹⁴ Jatadökwe, —Dakwö ichejekwo̧? —jö̧ba̧lö aeboko, —Pöema a̧la̧ibö öwawachobe, wamesa̧do̧ ödöado̧ jwabawo̧ma, —jö̧ba̧lö yöjawinobe. Yöjawökwe, Saulma öwaisachibinobe, isabenö Samuelda jö̧ba̧lö, ja̧danö öba nijakwö, bȩachibinobe.

1 Samuel 28:14 Referans Kwoze

1 Samuel 15:27

Yöba̧lajo̧, Samuelma öjalachibinobe, ejube ȩwa̧jobö. Ja̧danö jejenö ȩwa̧jobö öjalachibiökwe, Saulma Samuel ökamiji̧do̧ wamesado̧nö do̧atinobe, ja̧danö do̧atajabema, kȩachajinobe.

2 Reyes 2:8

Ja̧danö, ojwe ö'öbö ichibajadö, Eliasma ökamijido̧ wa̧mesa̧do̧ 'bo̧dibö, ojwenö kwainobe, ja̧danö kwaenama, ö'wejenö 'da̧bachibö bakwachobebi, bakwachobebi lamatinobe, ö'wejenö mana kököama lamatinö. Ja̧danö, Eliasbi, Eliseobi mana kököamabenö tjöbaledinobe, ojwe bakwachödöbe.

1 Samuel 24:8

Ikenama Davidbi a̧la̧ibö, Saul ökömanö 'ya̧nö, ötölatjö laebinobe, ja̧danö labebajo̧, Saulnö jwöinobe, —Chuluwo̧ la'aka luwo̧ Saul, —jö̧ba̧lö. Ja̧danö, Saul a̧ja̧kwö öjalachibenama, Davidma öba nijakwö bȩachibinobe, chuluwo̧ja jö̧ba̧lö.

1 Samuel 28:13

Jwöjeba̧liökwe, —Yebabökönuwi, yebabökönö kwedi̧ yöbawitjö, —jö̧ba̧lö yöa̧linobe Saulma. Yöa̧loko, jatadinobe, —Bakwo̧nö diosdanö ichejekwo̧nö chedobe, nijitjö a̧la̧ibo̧nö, —jö̧ba̧lö.

1 Reyes 19:19

Weökwe, jobetjö labebö ȩwa̧jinobe Eliasma, ja̧danö Safat itji̧ Eliseonö öbadekwajinobe, pakayadökwö batjo sobö otido̧nö. Ja̧yu Eliseo otidayunö, veinticuatro pakayadöma du̧ju̧tajakwena sobö tjotidinobe, ja̧danö Eliseoma bajaleapo otidadönö jwebebö sobö otidinobe. Eliseo ipjeanö baledö, Eliasma iteda ökamijido̧ wamesa̧do Eliseonö öwaninobe, —Dios omudawö ujunökweja, —jö̧ba̧lö, ja̧danö wanajo̧, tupakwö kweachinobe.

2 Reyes 1:7

Yötjawiökwe, —Ökwödönö badekwajö ja̧ jawa yöbawajo̧ma, dakwö ichejekwo̧da? —jö̧ba̧lö,