1 Samuel 27:7 - Dios Iwene

⁷ Ja̧danö, Davidma ja'yubenö lekwe jobe filisteo jojodö tjitebonö ö̧jinobe, o̧ba bakwaba, ja̧wo̧dö ö'wejemubedö baibanö.

1 Samuel 27:7 Referans Kwoze

1 Samuel 29:3

Ja̧danö, jobadönö edö, ju'wedö filisteo ölakwabikwawa la'aka luwedöma abebö tja̧ja̧kwinobe, —Idö hebreo jojodöma, tajawedö ökwödökwö ölakwabikwawö kwetjachobeda? —jö̧ba̧lö. Abebö tja̧ja̧kwökwe, Aquisma atadinobe, —Bite tjuluwo̧ma David mikwo̧, ajayinö israel la'aka luwo̧ Saul ömöayo̧ ji̧na. Jo̧bama lekwe ötjökwö ö̧jajabe, bakwaba bajalekwönönö lekwe chömöayo̧ ö̧jajabe. Saul ö̧jelö döibajinemi baikwöma, ba̧kwelöjatebö otiwanö weti̧ otidö ö̧jajabe. Jo̧bama chömöayo̧ otiwo̧obetjö̧ ökwödökwö ichobe, —jö̧ba̧lö atadinobe.

1 Samuel 27:8

Baikwö laebobe David jobe filisteo jojodö tjitebonö ö̧jina wene. Jobe tjö̧jonö, Davidma ömöayedönö öbibö, ju'wedö israel jojodö tjöpöjojodönö ölakwabikwawö, tjitea emö 'yi̧a̧inobe, gesurita jojodönöbi, gezritas jojodönöbi, amalecitas jojodönöbi, israel jojodö tjichibakwa̧ abönö ja̧ nijinö jinadönöma. Jobe David ölakwabikwawö yi̧nemima, Telam comunidadtjö a̧likwö Shur niji baibanö, ja̧danö egipto niji badeibö baibanö.