1 Samuel 27:10 - Dios Iwene

¹⁰ Ja̧danö, ȩwa̧jiökwe, —Detjö kwabawö emö kwȩwa̧jada, — jö̧ba̧lö Aquis abebö a̧ja̧kwenama, omöna yöba̧lö atadiainobe. Ju'wikwenama, —Juda niji̧ a̧likwöobetjö israel jojodönö kwabawö chȩwa̧jabe, —jö̧ba̧lö, ju'wikwenama, —Jerameel nijitjö kwabawö chȩwa̧jabe, —jö̧ba̧lö, ja̧danö ju'wikwenama, —Ceneo jojodönö kwabawö chȩwa̧jabe, —jö̧ba̧lö omöna yöba̧liainobe Davidma.

1 Samuel 27:10 Referans Kwoze

Jueces 1:16

Ja̧danö, quenita jojodö, Moises öjaba Hobab itji̧mu tupadanö jojodöma, jobadöma Judasaso jojodökwö tji̧'yinobe, Juda niji jojodö deobe tjö̧jobö. Jobadöma Jerico, ju'wi imi Öjiya Towi Jȩmi comunidadtjö labebö, juda niji, Neguev ötjabobe tji̧'yinobe, Arad comunidad pjeanö ju̧kwadökwö tjö̧jobö.

1 Crónicas 2:25

Hezron itji̧ abönö pöe Jerameel mikwo̧ itji̧mu ömadöma bidö: Abönö pöe Ram mikwo̧bi, Buna mikwo̧bi, Oren mikwo̧bi, Ozem mikwo̧bi, Ahias mikwo̧bi.

1 Crónicas 2:9

Fares itji̧ Hezron itji̧muma bidö: Jerameel mikwo̧bi, Ram mikwo̧bi, Caleb mikwo̧bi.

1 Samuel 30:29

Racal comunidad jojodönöbi, Jeramel jojodö comunidadkwena jojodönöbi, ceneo jojodö comunidadkwena jojodönöbi,

Jueces 4:11

Ja̧ möle quenita jojo Heberma, ju'wedö ömöledö Moises öjaba Hobab mikwo̧ itji̧mu tupadanö jojodötjö 'da̧bachibö ö̧jinobe. Jobadötjö 'da̧bachibö ja̧nö, eju sabana'wotjö otikweju Cedes comunidad yöneawino ujuninobe, Zanayinnö jo̧wi encina towi pjeanö.

Efesios 4:25

Jo̧kwaobetjö̧, Dios isabenö omukwati̧danö omukwatö kwö̧jaduwobetjö̧, sulabenö omukwatö, omöna yöba̧löma kwö̧jaduwa chömöledö. Ökwödöma bakwo̧nökwena omönama yöka̧laduwoko kwö̧jaduwemi ju̧kwadönöma. Jobadönö, Jesúsnö ösödadönö, jweinö yöka̧laduwo, ökwödöma bakwainö Jesús iteba'obedö dö̧jobetjö̧.

Proverbios 29:25

Ja̧danö, ju'wibi yötawa: Jojodö ökwönö tjo̧mukwati̧ma kwomukwatoko, ayö dakwö tjo̧mukwatobejö̧ ötjönöma, jö̧ba̧lö. Jobekwö kwomukwataja̧ma ökwödada 'daliwanö tjö̧li̧bidanö kwö̧libobö wanekwachobe. Jobekwö omukwatökönö, Isabenö Jo̧nöda kwo̧'wo̧ wa̧na̧lö kwö̧jitjö̧ma yebabökönö otiwanö kwö̧jakwo̧ja.

2 Samuel 17:20

Ikenama Absalon ömöayedöma jejube ichibö, abebö tja̧ja̧kwinobe, —Ajimaznöbi Jonatannöbi disakwa, ¿dai tjö̧jobeda? —jö̧ba̧lö. Abebö tja̧ja̧kwoko, —Jobadöma ida̧ökö ja'yuwödö petjibajabe, —jatadinobe. Jejenö jatadawö̧, ja'yuwödö pebibö tjisakwinobe, ja̧danö badekwajöködö, Jerusalenbe tjȩwa̧jinobe.

1 Samuel 23:27

Jo̧kwaijayonö, ina Davidnö ötjösawibapji, bakwo̧ yöbawo̧ ichibö Saulnö yöawinobe, —Japö, juluwanö ichi, filisteo jojodöma ditebobe ichibö dömöledönö metjibobe, —jö̧ba̧lö.

1 Samuel 21:2

Aebökwe, Davidma omöna yöa̧linobe, —Waekwokobe, La'aka luwo̧ Saulma ötjönö weajabe, jojodö wajwitjonö wei̧ chotidobö, ju'wedönö yöbawökönö. Ja̧danö, chömöayedö ölakwabikwawa jojodönö jelobe dediakwawobö chujunajabe, –Yöta̧lajobetjöda makö dediakwawo, –jö̧ba̧lö. Jo̧kwajabetjö̧, baikwö jo̧dawa'ye chichajabe, —jö̧ba̧lö atadö omöna yöa̧linobe Davidma.

1 Samuel 15:6

Jobe amalecita jojodö tjö̧'da̧de ju'wedöbi tjö̧jinobe, ceneo jojodöma. Jobadöma damötjö israel jojodönö sulabenö ja̧binöködö, jo̧kwajabetjö̧ amalecita jojodönö metjibakwa̧ abönö, Saulma jobadö ceneo jojodönö yöawinobe baikwö: —Juluwanö amalecita jojodö tjö̧'da̧detjö döbibajaduwi, jobadönö kwabö lobö, ökwödönöbi kwabö lodapji jö̧ba̧lö. Isabenö ökwödöma da'dödönö dösölö̧jinö pjakatinaduwobe, egipto nijitjö baikwö tjichenama, jo̧kwajabetjö ökwödönö kwabö lodoböma chomukwatökö, sule amalecita jojodönöda, —jö̧ba̧lö. Yöawawö̧, ceneo jojodöma amalecita jojodö tjö̧'da̧detjö labebö dötjibajinobe.

Jueces 5:24

Jo̧kwaijayonö isabenö otiwanö Dios pjaatakwuju Jael mikwujunö, ceneo jojo Heber ilekwonö, okobe deinö ju'wedö sabana'wotjö otikwejunö ju̧kwadö ya̧dötjö bajalekwönönö pjaatakwuju Jaelnöma, otiwanö ökwödönö pjajatobetjö̧.

Génesis 27:24

Ja̧danö, yemidanö abebö a̧ja̧kwijetö: —¿Isabenö chitji̧ Esaúköbiji̧ ökwöma?— abebö a̧ja̧kwökwe: —Jau. Ötjöma Esaúsa— atadijetö Jacobma, ömöna yöba̧lö.

1 Samuel 27:11

Ja̧danö, jejenö Aquisnö omöna yöa̧lobö omukwatobetjö̧, Davidma kwabawö i̧'yenama, bakwo̧bi ö̧ji̧bökönö kwabawö loinobe. Omukwatinobe, chujuluwajawö̧tjö ji̧bajadö tjö̧jitjö̧ma, ju'winö baikwö Gatbe ichibö Aquisnö yötjawena, —Kwitebonö ö̧jonö, Davidma itebo israel jojodönö kwabawö lobökönö, ökwödönöda kwabawö loajabe, —jö̧ba̧lö. Ja̧danö isabenö kwabö loawö̧nö Aquis öwaisachibapji jö̧ba̧lö, ji̧badö deinö kwabawö loinobe Davidma.

1 Samuel 29:8

Yöa̧lökwe, Davidma atadinobe, —Tajawedö chichobö jwiobeda? Taji sulabenö ja̧taja̧da? Ökwö kwömöayo̧ batibinemitjö baikwö bajalenö di̧ya kwa̧ja̧kwinada, Davidnö cho̧'wo chöwana̧loko jö̧ba̧lö kwomukwatobö? Chuluwo̧ la'aka luwo̧, ökwö kwöpöjojodönö ölakwabikwawö chö̧jobö jö̧ta̧la, isabenö kwömöayo̧ otiwo̧sa, —jö̧ba̧lö atadinobe Davidma.