1 Samuel 26:5 - Dios Iwene

⁵ Yötjawökwe, ja̧ yö̧te Davidma a̧la̧ibö i̧'yinobe Saul abemi yöneawinö, ja̧danö ödökwönönö ja̧nö, Saulnöbi, ömöayo̧ ölakwabikwawa luwo̧ Abnernöbi nijinö tjabobe edinobe. Ju'wedö ölakwabikwawa jojodö tjö̧'da̧de tjabekwobe edinobe.

1 Samuel 26:5 Referans Kwoze

1 Samuel 17:55

Ajayinö David Goliat ö̧jobekwö i̧'yenama, Saulma edö abebö a̧ja̧kwinobe ömöayo̧ ölakwabikwawa jojodö tjuluwo̧ Abner mikwo̧nö, —Abner, bite Davidma ti itji̧da? —jö̧ba̧lö. Aebökwe, Abner atadinobe, —Wajwita chuluwo̧, isabenö yötawakwö, David abe'donö wajwita, —jö̧ba̧lö.

1 Samuel 17:20

Ja̧danö abe'do weajökwe, Davidma jelo̧ obejadönö teada̧lo̧nö ajwimunö weibinobe, iteada̧lobö. Ja̧danö, yȩayi a̧la̧ibö, Davidma abe'do weaja̧ kwakwawa jawa e'ewö i̧'yinobe, abe'do Isai weaja̧danö. Ja̧danö jojodö tjabakwemitjö isa'banö tjö̧jamatobö latjebena ichibinobe, ölakwabikwawa jawa jwötjeba̧lo̧nö.

1 Crónicas 9:39

Ja̧danö Nerma Cis mikwo̧ abe'doinobe. Ja̧danö Cisma la'aka luwo̧ Saul mikwo̧ abe'doinobe. Ja̧danö Saulma Jonatan mikwo̧bi, Malquisua miwko̧bi, Abinadab mikwo̧bi, Es-baal mikwo̧bi tjabe'doinobe.

2 Samuel 3:27

Yötjawökwe, Hebronbe tjeachajinobe Abnerma, ja̧danö comunidad apjudebe ichibenama, Joabma jo̧banö öbadekwajinobe. Ja̧danö, badekwajo̧, —Ichi, jojodö tja̧ja̧kwokonö yöda̧lakwawo, —jö̧ba̧lö, apjude ö'öbökwö öibinobe Abnernö. Jo̧kwaijayonö, yöda̧lakwawo jö̧ba̧lö yöa̧lajayonö, kwölöte'onö doinobe Abnernö, ukwa'wonö. Ajayinö Abner Joab öjawo̧ Asaelnö kwabö loiökwe, balekwa mikwa Abnernö kwabö loinobe Joabma, ja̧dano jobe ö'wö baibinobe Abnerma.

1 Samuel 9:1

Benjaminsaso jojodötjö bakwo̧ nöinö juna̧lo̧, ju'wibi jojodö otiwanö a̧ja̧kwö tjösödökwe ö̧jinobe, Cis mikwo̧. Jo̧ba Cisma, Abiel mikwo̧ itji̧, ja̧danö Abielma Zeror mikwo̧ itji̧, ja̧danö Zerorma Becorat mikwo̧ itji̧, ja̧danö Becoratma, Benjaminsaso jojo Afia mikwo̧ itji̧.

1 Samuel 26:4

Davidma ömöayedötjö ju'wedönö weinobe, Saul kweachi̧tenia edö kwetjachobö. Ja̧danö, edö kwebachajadö̧, tjebachajö yötjawinobe, —Isabenö ichajabe, yada abakwemi ujunajabe, —jö̧ba̧lö.